[emadhalem]

السلام والنعمه ليكم جميعا انا فى مشروع قدامى ادخل فيه انا و2اصحابى واحد منهم صحبى جدا من 9 سنين صحاب والمهنه محل براقع بس انا اللى ها مول المشروع بالكامل واصحابى بالمجهود وهما بيعرفوا يشتغلوا كويس من نحيت المهنه فاجيت قولت لبابا فلقيته واقف قدامى وقفه رهيبه الشكل وعلى فكره المحل ايجاره كويس من بعد ماكان محل تانى قرب منه كان سعره غالى بس انا نفسى ادخل فى المشروع ده مش علشان الفلوس اللى هاتيجه منه بس انا نفسى احس بذاتى بس الخوف ان المحل ده ميجبش شغل بعدين انا كده ابقى خسرت فلوسى ولو نجح هايدينا دخل حلو ميحلمش بيه اى موظف وانا خايف انى ادخل المشروع من ورا بابا وبعدين يخسر هيمرمطنى من انى انا مسمعتش كلامه وانى ضيعت فلوس كان عايز بعد ما اخلص دراسه يفتحلى بيها مشروع البيع بالتقسيط فارجوكو دلونى اعمل ايه ارجوكو بسرعه علشان عايزين يجهزوا المشروع ( السلام والنعمه)

المصدر: †† ارثوذكس †† - من قسم: حوار من الاعماق

[el love god jesus]

ana ra2y atlb ed rbna fe el mashro3 da we el 7ga ely feha rbna mosh ht7'sr we atlb masorat abona we mr aymen m3na hna fe el montada

[el love god jesus]

ana mosh 3rfa a2lk ah bs ya ret ta7'd ra2 mr ayman

[remon_fans]

اولا وقبل كل شئ اوعي تعمل حاجه من ورا والدك ،
اوعي اوعي اوعي ،
هتندم ،
بعد كده ممكن نتفاهم ،
+ ملحوظه من خبرتي ،
مافيش حاجه اسمها اصحاب في الشغل ،
والمثل يقولك ان كنتم اخوات اتحاسبوا فما بالك الاصحاب ،
بتحصل امامي مشاكل بين الاخوات في الاول بيكون كل شئ تمام والعمليه في بيتها ومافيش فرق وكل الكلام ده ،
لكن بتحصل مواقف بتكره الشركاء وتحصل مشاكل ،
طبعا انا مش بخوفك لكن ضع كلامي في حسبانك ،

+ بلاش تتسرع واسأل ناس كتير وهذا المشروع ليه تكاليف تانيه شهريه غير الايجار ،

[aymonded]

المشاركة الأصلية كتبت بواسطة emadhalem السلام والنعمه ليكم جميعا انا فى مشروع قدامى ادخل فيه انا و2اصحابى واحد منهم صحبى جدا من 9 سنين صحاب والمهنه محل براقع بس انا اللى ها مول المشروع بالكامل واصحابى بالمجهود وهما بيعرفوا يشتغلوا كويس من نحيت المهنه فاجيت قولت لبابا فلقيته واقف قدامى وقفه رهيبه الشكل وعلى فكره المحل ايجاره كويس من بعد ماكان محل تانى قرب منه كان سعره غالى بس انا نفسى ادخل فى المشروع ده مش علشان الفلوس اللى هاتيجه منه بس انا نفسى احس بذاتى بس الخوف ان المحل ده ميجبش شغل بعدين انا كده ابقى خسرت فلوسى ولو نجح هايدينا دخل حلو ميحلمش بيه اى موظف وانا خايف انى ادخل المشروع من ورا بابا وبعدين يخسر هيمرمطنى من انى انا مسمعتش كلامه وانى ضيعت فلوس كان عايز بعد ما اخلص دراسه يفتحلى بيها مشروع البيع بالتقسيط فارجوكو دلونى اعمل ايه ارجوكو بسرعه علشان عايزين يجهزوا المشروع ( السلام والنعمه)

سلام ونعمة يا محبوب الله الحلو جداً
أنا طبعاً علمت بالأحمر على بعض الكلمات الهامة جداً
1 - أولاً قبل ما ارد عليك عايز أعرف أيه هي الشغلانة لأني مش فهمت قصدك ايه بالبراقع !!!

والمهنه محل براقع

برقع ستارة يعني والا برقع أيه بالظبط مش فاهم يا جميل !!!

2 - انا اللى ها مول المشروع بالكامل واصحابى بالمجهود
طب يا جميل قبل تمويل المشروع أنت عملت دراسة جدوى ، واتفقت على نظام واضح مع شركائك في المشروع ووافقوا عليه ، وكتبتوا اتفاقكم على ورق واضح وقانوني !!! أم هو ودي بينكم ( وهذا في منتهى الخطأ حتى لو كنتم إخوات )

وأنا أقصد أقول شركائك لأن لا علاقة بين الصداقة والشغل والخلط بينهما خطير ويولد خصومات تؤدي لخلافات مالها حصر !!! وعلى ما أظن أن والدك ممكن تكون هذه النقطة أساس المشكلة عنده !!!

3 - هما بيعرفوا يشتغلوا كويس
السؤال الهام جداً الذي يتبادر لذهني ، أنت ايه معرفتك بهذا الشغل !!! هل عندك فكرة عنه كويسة ، هل تعرف خفايا الشغل ومشاكلة الفنية والتسويقية !!!

4 - انا نفسى ادخل فى المشروع ده مش علشان الفلوس اللى هاتيجه منه
صديقي الحلو لازم يكون من ضمن أهداف اي مشروع وتعتبر أساسه هي الدخل أو العائد المادي منه ، وأوعى تحط مبدأ عدم الاهتمام بالعائد المادي أبداً ، لأن هذا المشروع المفروض يحقق ليك دخل تعيش منه وتصرف على نفسك وتكون بيت واسرة وتكبره بقدر طاقتك ليعود بأعلى عائد إليك ... واوعى تظن أن عدم الاهتمام بالمادة في المشروع شيء مثالي أو ضد الحياة مع الله ، أو ضد تحقيق الذات ، هذا مفهوم مغلوط وكفيل أن يهدم أي مشروع ...

5 - انا خايف انى ادخل المشروع من ورا بابا وبعدين يخسر
معنى كلامك أنك مش عامل دراسة وافية عن المشروع ومش متأكد منه ، أنت معتمد على كلام أصدقائك في كلامهم ، والموضوع تأثير عاطفي من جهتك تجاه أصدقائك ، ومش عن طريق دراسة السوق ، صح والا انا غلطان !!!

6 - قولت لبابا فلقيته واقف قدامى وقفه رهيبه الشكل
صديقي الحلو ، شكلك قلت لبابا على أساس أنه يوافق وبس على مشروعك ، فهل عرضت عليه دراسة المشروع من كل اتجاه ، واقنعته أنك عارف ابعاده ودرست السوق وعرفت خبايا المشروع من كل اتجاه ، ومن الناحية الفنية والتسويقية وكل ما يلزمه من مصاريف وإرادات ، وتوقعاتك المدروسة منه !!! وعرضت عليه اللي ممكن تحققه منه وازاي تكبره مستقبلياً ، وما هي نظرتك المتكاملة عن المشروع وإمكانيه تحقيقه !!!

____________

* حبيب قلبي الغالي ، أي مشروع في الدنيا لا نُقدم عليه من ناحية عاطفية أو تعلقنا بالأصدقاء ، بل نقوم بالدراسة والفحص بتدقيق ، ونعرف كل شيء عنه وننظر للأمام والمستقبل ، ونضع خطة واضحة نسير بيها لتكبير المشروع ، لأن إذا تركك أحد أصدقائك أو حدثت ظروف ما ، أو أحدهم مرض مثلاً ( بعد الشر طبعاً ) ، فأصبحت وحدك ، فمن سيقوم بالعمل !!!
أو لو تركك أصدقائك وتضطررت تجيب صنايعي ، فهل تتركه يفعل ما يشاء ويبقى المشروع كله تحت رحمة وجوده أو عمله !!!

ويا ترى ما هي توقعاتك بعد سنة من بدء المشروع

* لازم وحتماً وضروري تعرف الشغل وتتعلمه وتفهم كل صغيرة وكبيرة حتى لو كنت هاتبقى في الإدارة فقط ، أو حتى الممول فقط ، فمن يمول المشروع لابد من أن يعرف تفاصيله الصغيرة قبل الكبيرة ...

ولازم تقعد مع والدك بعد أن تدرس المشروع من كل جهه ، وتقنعه بوجهة نظرك ، لأن من الصعب يقنع منك وأنت لا تعرف شيئاً - على وجه الدقة - عن المشروع معتمداً على أصدقائك فقط لا غير !!!

_____________
آسف للتطويل يا جميل ؛ وربنا يوفقك
النعمة معك كل حين

[المجنونه]

سلامى اولا ايها الصديق وعلى منتدى الجميل الارثوذكس:

انا عارف انك نفسك تعمل مشروع مع نفسك يعنى تبدا بمشروع بس فى شى مهم جدا انت ليه ما اكلمتش مع ابوك الكاهن هو دارس كل الدنيا بس صدقنى احنا فى ايام الاخوات بيموتوا فى بعض تقوم انتى تعمل مشروع مع 9 اشخاص ومتغرفش منهم غير شخص واحد طبعا من غير كلام لازم بابا يقف بشكل مرعب لانك لازم تعمل مشروعك مع واحد وتبدا حتى لو بسيط متقلش المشروع مكلف بس صدقنى انت لما تبدا واحده واحده هتكبروا واحده واحده اوع تكون عايز تكبر على طول لا كون سبور لان ربنا علمنا اجمل حاجه التسامح والصبر معلش انا طولت بس ده اهم حاجه المصلحه العامه اوع تكون عامل المشرو مع 9 اشخاص كاتراضى لالالا اهم شى لو نفسى فعلا تبداء شغل ابتدء واحد ه واحده صدقنى كتر الشركه تعمل مشاكل كتير وممكن كمان يحاول النصب والسمساره كتير ارجوك كمان خدا اهم شىء رأى ابوك الكاهن هو يقدر يعطيك اعظم رأى مننا كلنا مش شرط ابوك الكاهن بتعاك بس ممكن اى اب تكون بتحبه وبتسمع كلامه وبتحب رأيه انا اسفه على انى طولت عليك بس صدقنى انا شفت وكنت مع ناس بدون اسماء كانو بردو ذيك بس فى الاخر........... بلاش اقول بس مش خير ارجوك بلاش تجرى ورى فكرك انت واصحابك الشركاء قبل المشوره مع الى قلتك عليه شكراااااااا"

[anosh]

انا مع كلام استاذ ايمن جداااااااااااااااااااااا فى كل النواحى و فكر كويس لانك انت اللى معاك التمويل و اصحابك هما اللى معاهم سر المهنه..... طبعا ماحدش يعرف اللى جاى غير ربنا و لاحد بيعرف الرزق هايجى منين بس على الاقل بلاش تتسرع و صلى لربنا لو الموضوع ده فيه خير ليك يبقى ربنا يسهله و يخلى والدك يوافق لكن لو الموضوع ده فيه شر ليك ربنا يوقف الموضوع و يبعد الفكره عن دماغك و راعى فعلا نقطة ان الشغل مافهوش اخوات و لا اصحاب الشغل شغل ..............ربنا معاك و ينور طريقك و يفرح قلبك .

[joseph_tno]

السلام لك يا اخى احب اقولك شوية حاجات يمكن بعض الاعضاء قالك حاجات منهم متفرقة لكن انا حابب اقولك شوية خطوات يارب تكون مترتبة صح
1- اول حاجة استشير ربنا فى الموضوع و اطلب راية وقولة اللى فية الصالح انت ترشيدنى لية لانة المر الذى يختارة لك الرب افضل من العسل الذى تختارة انت .
2- خد راى الاب الكاهن بتاعك او المرشد الروحى ليك
3- اتكلم مع والدك و شوف وجهة نظرة اية من الرفض يمكن شايف حاجة انت مش شايفها او العكس انة يكون مش فاهم نقطة انت توضحهالة .
4- شوف انت فاهم فى الشىء اللى انت داخلة ولا لأ , مش كل حاجة الفلوس .
5- معنى انك هتخش بالتمويل و هما بالمجهود معناة انك متعرفش شىء عن الحاجة انك داخلة وحط بند وفكر فية لو فى يوم اختلفتوا وسابوا الشغل معاك انت مش هتعرف تديرة لوحدك لانك مش فاهم فية .
6- لازم تراعى شوية حاجات فى المشروع وهما ظروف السوق اللى حوليك , مدى طلب الناس على الشىء اللى انت هتبيعة , تكاليفة المبدئية كام لانة فى حالة خسارة متبقاش خسرت كتير , والاخير انك تاخد راى الناس القديمة اللى شغالين فى المجال دة لانهم هيكونوا اكتر منك خبرة و متقوليش راى صحابك لان ممكن يكون الحماس شددهم فى البداية و مغمى عينهم عن الحقيقة .
و ارجو انى مكنش طولت عليك و اكون فيدتك ولو بجزء صغير

[جرجس البغدادي]

صلي واجعل كلمة اللة تقودك في امرك مع طلب ارشاد من مرشدك الروحي وبألصبر ها تنال الجواب ومهما كان الجواب تقبلة بدون شك
اخوك في الرب .
جرجس البغدادي

[جرجس البغدادي]

حبيبي اخوي في الرب ..انا اشكرك على سماحك بمساعدتك.. قبل اتخاذك اي شيء اخوي يجب ان 1تصلي من اجله وتصوم اذا امكن 2وتفحص الامر من جميع جوانبه هل هو مطابق لكلمة الله ام لا 3وتقوم بأخذ الارشاد الروحي من مرشديك الروحيين بفحصك وبألصبر سوف تنال الجواب من عند ربنا ..
اخوك بالرب :
جرجس البغدادي.