[جانيت سمير]

قصتى النهاردة بتمنى تعجبكو وهى
كان فية بيت كبير مكون من 5 غرف كل غرفة شايلة عيلة وكل عيلة حوالى 4 اشخاص
كانو كل واحد بيروح شغلة الصبح والاولاد للمدارس والسيدات فى ترتيب اوضها وعمل الاكل
كل يوم تخرج الاولاد من المدرسة يتغدوا ويرتاحو ويتلموا كلهم يذاكروا لبعضهم
وفى يوم ولد منهم عزمة صاحبة على عيد ميلادة وطلب من اهلة انة يروح هما كانو رافضين الاول وبعدين هاتعرفوا لية
وراح الولد وياريتة ماراح لقى بيت كبير صاحبة ساكن لوحدة هو وعيلتة اوضة لوحدة والباقى عرفينة لبس واكل كمبيوتر ولعب ...........
رجع البيت مش طايق كتبة ولا اصحابة وبقى عايز اوضة وعايز اكل غير الاكل دة ...
وفى يوم عدى على صاحبة من غيرما يقولة انة هايعدى لاقاة حزين بيقولة حد يبقى عندة دة كلة ويبقى حزين قالة اصلك مش حاسس انا وحيد والبيت كل يوم فية خناقة
اقترح علية اقتراح كل واحد يبدل مع التانى يروح بيت التانى وحصل دة والولد الغنى انبسط علشان لاقى ناس بتحب بعض واب وام بيحبو بعض
والتانى ولا لاقى حد يكلمة ولا حد يقعد معاة وجة ينام مش لاقى غير خناق
نزل جرى فى نص اليل وقال لا دانا فى نعمة دى تجربة حلوة انا الحب دة رحمة
واخدباباة ومامتة فى حضنة ونام ورجع الغنى بيتة وهو مهموم وزعلان بس وعدهم انة هايجى كل يوم ويروح ينام
عرفتوبقى لية باباة ومامتة ماكنوش عايزينة يروح

بجد بجد رئيكوا يهمنى
انا عارفة انة بلغة العامية بس قولت اغير

اجعلنى يارب ان ارضى بكل ما تعطينى

المصدر: †† ارثوذكس †† - من قسم: القصص النصية

[zaza2006]

قصة جميلة اوى اوى تعلمنا حياة الشكر اننا لازم نشكر ربنا على النعمة اللى احنا فيها

[جانيت سمير]

المشاركة الأصلية كتبت بواسطة zaza2006 قصة جميلة اوى اوى تعلمنا حياة الشكر اننا لازم نشكر ربنا على النعمة اللى احنا فيها

ميرسى لتعبك ونورتينى
ولو فية ملاحظات قوليلى

[eng_fofa]

مفيش حد عاجبه حاله
كل بيبص للى فى ايد التانى
ومتخيل انه لو بقى مكانه
هايبقى اسعد انسان فى الدنيا
مع ان الكلام ده مش مظبوط
الدنيا مفيهاش راحه
قصه جميله جدا ياجانيت
ميرسى ياحبيبتى

[جانيت سمير]

المشاركة الأصلية كتبت بواسطة eng_fofa مفيش حد عاجبه حاله كل بيبص للى فى ايد التانى ومتخيل انه لو بقى مكانه هايبقى اسعد انسان فى الدنيا مع ان الكلام ده مش مظبوط الدنيا مفيهاش راحه قصه جميله جدا ياجانيت ميرسى ياحبيبتى

انا الى ميرسى ياقمر على مرورك

[sangogo111]

بصراحة قصة جامدة موت موت بجد لنا بشكرك كتير على تعبك ده

[جانيت سمير]

المشاركة الأصلية كتبت بواسطة sangogo111 بصراحة قصة جامدة موت موت بجد لنا بشكرك كتير على تعبك ده

شكرااااااااااا كتير على التشجيع
وشكرا على تعب مرورك

[nermos1982]

ميرسى يا جانيت على القصة الجميلة دى.لازم نشكر ربنا على كل حال احنا فيه
ربنا يعوضك ويكون معاكى

[جانيت سمير]

المشاركة الأصلية كتبت بواسطة nermos1982 ميرسى يا جانيت على القصة الجميلة دى.لازم نشكر ربنا على كل حال احنا فيه ربنا يعوضك ويكون معاكى

نورتينى انا والقصة
ميرسى لمرورك

[bent jesus]

قصه حلوه قوي
ربنا يباركك ويساعدنا ان نتعلم منها لانها بجد قصه جميله