[عماد حسنى]

حالتك أيه

بحاول أشغل نفسى بحاجة .. وكأنى مش مشغول بحاجة
يأخدنى تفكيرى لكام حاجة .. الآقينى رجعت لنفس الحاجة

طبعاً محدش فاهم حاجة
أقول تانى !!!

أنا بهرب من نفسى الآقينى .. فى شىء غريب يودينى
يأخدنى بعيد ويرمينى .. يخلينى لوحدى يبكينى

بعمل نفسى واحد تانى .. يمكن أنسى الأولانى
وأخلى الكل ينسانى .. اللا تعبى فى سنينى

عملت نفسى مش تعبان .. وفهمتنى أنى فرحان
طلعت أضعف مما كان .. طلعت قصاد حزنى جبان

أقول تانى .... نقول تانى

بالمنطق بالعلم بالحسابات .. بالصدق بالحب بأى مسميات
هانوصف حالة من بعض الحالات .. حالة فيها كلام مش سكات

وكل واحد يقول اللى يعجبهُ .. دا أن لقى كلام يقدر يكتبهُ
كل واحد يقول اللى حاسهُ .. بس أن كدب يبقى غش نفسهُ

نبدء فى الكلام ... ونقول كمان
الحكاية فى كلمتين .. هاتكتب أنت مين

هاتقول حالتك أيه .. أكشف أوصف اللى بتحاول تداريهُ
اصل حالتك اللى هاتقولها .. فى كتير زيك بينكرها
بيبقى عايشها وبيكدب على روحهُ
يفهم الناس حاجه وهو قافل على جروحهً
يمكن نعرف بعض الحاجات ... لحالات كتيره محتاجة اجابات

...................

ويمكن أكون أنا غلطان ويمكن يكون فى غيرى تعبان
أويمكن فى حلول
أو يمكن فى انقسام
او يمكن يطلع كل ده أوهام

أدخل وأكتب حالتك ايه
واللى مليان بحيره ؟؟؟
الحالات اللى بعده هاترد عليه
أدخل اكتب حالتك ايه !!!!!!!!!!

ملحوظه : فى حاله اجابيه المشاركات
هناخد رأى الساده مشرفى القسم ونثبت الموضوع
وفى حاله سلبيه المشاركات
هناخد رأى كاتب الموضوع ونحذفه

المصدر: †† ارثوذكس †† - من قسم: القسم الادبي