[nrmo]

اولا ميرسى ياجوسى على الموضوع التحفه ده
بس بصراحه من رائى مينفعش خالص الحتة دى علشان يعتبر معرفش حاجه عنه
حتى لو كنت كلمته كتير ممكن بعد كده اشوف حاجه متعجبنيش يبقى ليه اخلى مجال للشك بعد كده او اندم على حاجه الموضوع مش تفكير ودماغ وبس بيبقى فى حاجات تانى كتير.
ميرسى ياجوسى على الموضوع

[mora]

بصراحه الموضوع ده خطير و الرد عليه صعب جدا
لكن فى ناس كتير ممكن تكون اول خطوه فى تعارفهم عن طريق النت
لكن من رايى مينفعش النت يكون الاساس فى علاقتهم و ارتباطهم
لازم يكون فى تعامل مباشر بينهم عشان يقدروا يعرفوا تصرفات و تفكير بعض حتى فى ابسط المواقف و يقدروا يقرروا هيقدروا يكملوا حياتهم مع بعض و لا لآ و طبعا فى الاخر اراده ربنا هى اللى بتتنفذ

[melanora]

موضوعك حلو اوي
بالنسبالي انا ارفض لانة ممكن يكون بيتسلي
وكمان انا مش بثق في حد بسهولة

[جوسى]

شكرا على الردود و الاراء الحلوة دى
وبالنسبه لسؤال ماجى
دى خصيه فى الموقع هى اللى اظهرت اسمك يعنى انا بردو بيطلع اسمى
و ياسامو اقرا الموضوع للاخر
لان انت قريته مش كامل
و ربنا معاكو
فى انتظار المزيد

[SAMOOOOO]

لا قريته كامل يا جوسى بس بهزر بس
انتى انسانه عسل خالص وكويسه جدا واى حد يتمنى يرتبط بانسانه زيك

وموضوعك جميل جدااااااااااااااااااا

[جوسى]

شكرا ليك يا سامو
و يكون معاك ما يكون عليك
اتمنى انك تكون بخير و سورى المرة اللى فاتت النت فصل

[salvation]

فعلاً طريقة عرض رائعة وجذابة ربنا يعوضك يا جوسي عايزين موضوعات ذى كده كتيييييييييييييير

[جوسى]

شكرا ليك salvation على مرورك و كويس ان الطريقه الجديده دى عجبتكوا

و ربنا معاك و منور المنتدى و عايزينك تعرفنا عليك

[IO-Mena]

كلمة واحده

الشكل عضو اساسى فى اختيار شريك حياتك

مع العلم انى الانسان بينكر انى مش مشكلة عنده الشكل بس بعض الناس فيه جزء داخلها بيدور على العضو ده وبيضايق من كتر انكاره

عالعموم فيه نقطة مهمة جدا

ربنا يسوع المسيح خلقنا على مثاله فمثلا لو انسان فى وجه نظر بعض الناس شكله مش اد كده

فده ناتج لانى الانسان قال عليه كده - مش معقولة هتيجى مثلا مامة ولد وهى الى ولداه وهاتقول عليه شكله وحش - مش هتقدر لانوا فى نظرها شكلوا حلو

عالعموم ده نقطة لا مفر منها واكيد ليها حلول كتير والانسان يقدر يصلح العطل الى هو صنعه فى نفسه

لانى ربنا مثلا مخلقش الشر - لكن الانسان بابتعاده عن الله الشر بيكون جواه

فمثلا واحد دخن سجاير واجوز وخلف طلع ابنوا شكلوا مش مظبوط مثلا يعنى ده ناتج للعطل الى عمله الانسان ده وظيفته بقى بمساعدة ربنا يسوع المسيح انه يصلح العطل ده سواء نفسى او مادى من ناحية عمليات التجميل وغيره

ممكن البعض لا يوافق معى على كلامى لكن صدقونى ده نقطة مهمة وناس كتير ياما بتتمنى تصلح حاجة غلط فيها مثلا مناخيرها

عمتا ده وجهة نظر وده موضوع يستحق النقاش فيه لانه مشكلة عامة دلوقتى وبصراحة بقى من الاخر

سواء انا او اى بنت الشكل هايفرق معايا بس بطريقة بسيطة لانى الاهم الصفات

ولا يعنى انتى وانا وهو وهى بيحطوا ريحة ليه - بيحلق شعره ليه - بيلون عنيه ليه ....

ده تعليقى على موضوعك جوسى - بمعنى اخر بسيط لا استطيع ان ارتبط مع انسانة عن طريق الانترنت الا لما اشوف شكلها - واعرف طرق تصرفاتها اكتر

الشكل مش غرضة انى امثلا انظر لبينت بشهوة - لا لا لا - لكن من الجميل انى تكونى حبيبتى شكلها جميل الجمال ده بيهدى الاعصاب وساعات كتير بيكون ليه دور جامد فى نفسية الانسان

الانسان عدل فى خليقة المسيح بطريقة سيئة لكن فيه فرصة يرجع الى عملوا عن طريق حاجات كتير منها على سبيل المثال عمليات التجميل - مش لانكار كبر السن - لكن لتعديل الى عملوا الانسان

ونقطة : الانسان الى بيزور طريقته فى التصرف على الانترنت عن طبيعته الحقيقة هايواجه مشاكل كبيرة مع نفسه اكبر من مع غيره

سلام الرب معكم

[جوسى]

شكرا لمرورك IO-Mena
هو فعلا عشان حد يرتبط من النت يكون يشوف الشخص او الطرف الاخر و يقعد معاه و يتعرف عليه و يعرف تصرفاته
لكن مش شرط الجمال ممكن تكون واحده جميله بس طباعها وحشه
وبعدين انت قولت ربنا خلقنا على صورته و مثاله يعنى ربنا مش هيخلق حد وحش
شكرا على مشاركتك
ربنا معاك