[جوسى]

بصو احبابى اعضاء منتدى ارثوذوكس
انا جايه لكم بفكره حلوه اوى

ان انا مثلا اختار عضو وهو يقول بيعمل ايه فى اليوم

من اول ما يصحى لحد ما ينام تانى

بيمشى ازاى

بيعمل ايه مع اصحابة

كل شئ كل شئ

وبعد ما يخلص يختار هو العضو الى يقول بعده

وهكذا



ويلا انا هختار اول عضو هووووووووووو



ســـــــــــــــــامـــــ ــــــــــو

المصدر: †† ارثوذكس †† - من قسم: الالعاب والمسابقات بين الاعضاء

[SAMOOOOO]

ههههههههههههههههههههههههه ههه
اولا انا مش فى مصر فى قطر
بصحى الصبح الساعه سبعه واخدت اى حاجه فطار على السريع
وبعدين انزل على الشغل
ادخل نت فى البريك بتاع الشغل ادخل ارثوذكس وافتح الماسينجر
وبعدين لما اخلص البريك اكمل باقى الشغل لحد الساعه سته
وبعدين ادخل نت شويه قبل ما امشى
وبعدين امشى ولما اوصل اشوف هحضر ايه اكل واجهز هدومى لبكره واقعد شويه على التليفزيون
اشوف سى تى فى شويه وبعدين اشوف اى فيلم كده
وابص من البلكونه شويه اعاكس البنات ههههههههههههههه
لا طبعا بهزر مش بعاكس حد
وبعدين اقعد على السرير شويه اسمع كام ترنيمه لايرينى ابو جابر وانام
لو يوم جمعه بقى انزل اقعد على الكورنيش شويه اتمشى شويه
اعمل رياضه شويه اجرى
وبعدين ارجع على البيت اجهز نفسى لتانى يوم
وبسسسسسسسسسسسسس

سورى ان طولت عليكم


وهختاااااااااااااااااار جوووووووووووووووووووووسى

[جوسى]

بصوا انهارده
صحيت الساعه 1,30 الضهر لقيت خالى جه من السفر قعدت فطرت انا و هو وماما و اخويا
و بعدين غسلت المواعين
و عملت الشاى
و بعديها اتفرجت على مسلسل حضرت المتهم ابى على قناه النيل و الدراما
وبعديها فتحت النت
دخلت على ارثوذوكس
و شوفت ردود منتدى الموضوعات الشبابيه منتدايا المفضل
و بعدين فتحت الايميل
كان عندى رسايل شوفتها و بعدين كلمت ساموووووووو قعدت احكى معاه حبه و بعدين رن التليفون لقيتها اختى قعدت احكى معاها و سيبت سامو ملطوع على الميل و قعد يشد فى شعره
و بعديها قومت شوفت اللى على النار اطلى كنت بطبخ
وبعديها رجعت قعدت فى الالعاب حبه
وبعديها كلمت سامو بردو
و جات جارتى ندهت عليا قعدت احكى معاها و هى جنبى الان
وبعدين سالى صاحبتى اتصلت بيا
قعدت احكى معاها
و بعدين اكلت بقسماطه انا و هيلن
هتقولولى مين هيلن دى بنت جارتى
بنوبونايه صغننه انا بحبها موت
وبعدين بس كده هو ده اللى حصل

اختاااااااااااار


قمررررررررررررررررررررررر ررررررررر 14

[kamer14]

النهارده كان يوم حسب الله ونعم الوكيل


انا بصحى الساعه 6ونصف عشان المدرسه نزلت ورحت اول لما رحت لقيت اتنين من شلتى متخانقين مش عارفه ليه بعدين طلعنا الفصول طبعا الحصه بتعد كانها سنه قرن المهم كان عندنا مسابقه مع مدرسه جيرال وسا جبريال رحنا المدرسه بتاعت جيرال كان وقت حلو وكسبنا احنا وسان جبريال ولسه التصفيات بيننا

المهم رجعنا المدرسه اتخانقت خناقه جامده جداااااااااا انا وانتيمتى وبجد اجمد خناقه المهم رجعت البيت اتغديت ورحت قعدت على المنتدى اهوووو وطبعا شويه واقوم انام عشان اصحى اذاكر


اختار









رووووووز

[ghada2000]

fkra gamela awy ya josy
rabna yfra7 2albek

[iyiy]

بجد لعبة جامممممممممممدة جدا

[جوسى]

ميرسى
واحنا فى انتظارر روووووووووووز
فينك يا روز

[جاسيكا]

فينك يا روز
بجد يا جماعة دخولها قل قوى ووحشتنا

[جوسى]

طيب نختار عضو تانى لحد ما روز تيجى

نختار جاسيكااااااااا

[جاسيكا]

انا اية اللى خلانى ادخل اصلا ً وبعدين روز هى اللى عليها الدور