[ميلاد صدقى]

وصية لكل ام مسيحية


امــى ربـى بـنـتــك تــربـيـة مـســـيـحـيــــة
اغـرسـى فـيهـا تـقـالـيــد وتعـالـيم كـنسييــة
تـعـيـش بـســيرة طــاهــرة وحـيـاة نـقـيـــة
عــلـشـان تـبـقى حـقـيـقـى بـنـت مـثـالـيـــة
لانــك هـاتـتحسـبى عــن تــلــك العــطـــية
وهاتقدمى حساب وكالتك للادارة السمائية
اوعى تسبيها تعمل اللى عايزاة هى
وتقولى بنتى كبرت وبقت مية ميــة
خدى بالك من لبسها هو سبب البالية
اشى ضيق واشى عريان فعلا موضة غبية
اللى تخلى بنتك فى الشــارع شـبة مـتـعرية
وخروجها يكون من البيت لاسبـاب مـعـنية
تروح كنيسة او درس او مدرسـة او كـليـة
وصـيـها رقـبـيهــا دومــا مـع حـبـة حـريـة
علشان تطلع بنت محترمة وليها شخصية
تغلط عقبيها وماتقوليش دى لسة صـبيـــة
ايـاكـى دلــع وطـبطـبة وروحـى وعيــنيـة
كل ضنى غالى فين التحزير ومعاها حنية
صاحبيها صدقيها فى السر وفى العلانـيـة
اعرفى مين صاحبتها وقللى اختلاط الصحبية
اوعى تكون مع الشباب مستهترة وســلـبيـة
خصوصا شباب من خارج حظيرة المسيـا
النــدم مـش هـاينفـع ولا مكسـب فى قـضية
بلاش تصدى ابوها لو اشترك فى التربـيــة
وتقولى سيبها عملت اية دى حاجة عـاديــة
وتكونى السبب الرئيسى فى الغـلــط والاذية
واحذرك من القسوة وشبح الامراض النفسية
التربية ملهاش دعوة خالص بالحالة المالية
لا فـيـهـا اســرة فـقـيـرة ولا اســـرة غـنيـة
على عاتقـك وكاهلك يا ماما كـل المسؤلية
نسيتى انك كنتى اشبينها فى الـمـعـمــوديـة
ازرعى فيها الثقة واحصدى نتيجة ايجابية
بنات المسيح مش ممكن يخسروا الابدية
ياامى ربى بنتك تربية صحيحة مسيحية

بقلمى ..ميلاد ::3/5/2011

المصدر: †† ارثوذكس †† - من قسم: القسم الادبي

[نبتة من غرس يمينة]

كلام اكثر من رائع في منظوم شعري جميل
جميل جدا ان الشعر مش بس يرتقي بالزوق والروح لتعيش وقت جميل ونستمتع بة ولكنة ايضا يفيدنا في حياتنا المعاشة
اجمل تقيم للموضوع و لشخصك اللي بيخدم اسم يسوع

[Dr.PeRO]

تسلم ايدك يا باشا .. كلمات جميلة اوووى .. ياريت كل الامهات تقرأ .. مكنش بقى فيه المهازل اللى بنشوفها كل يوم ديه

[ميلاد صدقى]

المشاركة الأصلية كتبت بواسطة نبتة من غرس يمينة كلام اكثر من رائع في منظوم شعري جميل جميل جدا ان الشعر مش بس يرتقي بالزوق والروح لتعيش وقت جميل ونستمتع بة ولكنة ايضا يفيدنا في حياتنا المعاشة اجمل تقيم للموضوع و لشخصك اللي بيخدم اسم يسوع

ميرسى اختى الغالية على حضور حضورك الاكثر من روعة
وكلماتك التى استهوتنى جدا .ومحبتك فى تقيم الكلمات
تحياتى وامتنانى لشخصك الرائع ..بركة قيامتة تباركك وتفرحك
كل الايام

[ميلاد صدقى]

المشاركة الأصلية كتبت بواسطة dr.pero تسلم ايدك يا باشا .. كلمات جميلة اوووى .. ياريت كل الامهات تقرأ .. مكنش بقى فيه المهازل اللى بنشوفها كل يوم ديه

اشكرك اخى بيتر على حضورك فى الكلمات وتقيمك الجميل
ميرسى ليك انت ياباشا ..وبركة قيامتة تباركك وتفرحك كل الايام

[kamel]

رسالى فى صورة شعرية جريئة
قليلون من يتواجدون على الساحة للحديث عنها
لحساسياتها تجاة أولادنا
وليعلم جميع أخوتى الأباء أن أولادنا وزنة غالية
أعطاها لنا الرب وسنسأل عنها ..
ماذا عملت لها وبها ؟؟؟
أحييك أخى لجرأتك المعهودة
وأناشدك لتكتب لنا كذلك عن الشباب
وعن مواقفهم السلبية والإيجابية
فكم وكم أخذتهم الدنيا
وأغوتهم بجمالها
وتاهوا فى شوارعها
فشكرا الف شكر ياعزيزى
الرب بسلامة يظللك
وننتظر المزيد...........

[كرستين ص]

جميل جدا تسلم ايديك
ربنا يعوضك

[اناستاسيا]

وصية رائعة ياريت كل ام تهتم وتعمل بها
فى انتظار وصية للاباء ربنا يبارك فى موهبتك لخدمة رب المجد يسوع

[aymonded]

أشكرك يا محبوب الله الحلو لإحساسك الواعي بمسئولية كل أم موضوعه عليها لأنها مدرسة إعداد نابضة بالحياة لكل بنت ، وعليها أن تُسلمها قوة الإيمان الحي مع الأخلاق التي تتوافق مع رسالة الله النابضة بحيانه في الكتاب المقدس ، أرجو أن تسامحني على التأخير في الرد لأني كنت اتمنى أن أكون أول من يرد ، أقبل مني كل حب وتقدير ؛ النعمة تغمر قلبك سلام ومسرة مع كل الأسرة آمين

[ريم الخوري]

رسالة جميلة جدا جدا اخي ميلاد الرب يهبنا جميعا ان نجد نعمة في اعين الرب باقوالنا وافعالنا على حد سوا واهبين لة حياتنا كما يجب ونكون فعلا ابناء وبنات الملكوت
شكرا لتعبك الرب يباركك ويقويك