[nona queen]

هنفترض ان المشرف اسمه (امير وبقول مثلا)

والعروسه نخليها مثلا مممم (سوسو وبرضه بقول مثلا)

مش مهم الاسامى بس المهم الموضوع اوكى يلا نبدا الحكاية


- منور يا ابنى

- ده نورك يا عمى

- اشرب النعناع اللى انت عاوزه

- ميرسى

- كنت عاوزنى فى ايه باه؟

- يا عمى انا يسعدنى ويشرفنى انى اتقدم واطلب ايد بنتك ( سوسو )

- يا أمير يبنى ده انا اتشرف بس انا معرفش حاجه عنك

- ازاى يا عمى؟ انت مش بتدخل على النت؟ دى قايمه بكل اسماء المواقع اللى انا فيها ممكن حضرتك تسال عنى

- يعنى اسال عليك فى الاماكن دى؟

- طبعا وانا معروف جدا هناك ودى مبتكذبش اسال بس عن تملى معاك

- مين؟

- تملى معاك ........ انا.... ده مفيش حد على النت ميعرفنيش

- طب يبنى شغلتك ايه؟

- يا عمى انا مشرف

- ايوه يعنى بتشتغل ايه؟

- مشرف قد الدنيا فى قسم (يعنى يا عمى رئيس قسم)انت فاهمنى ؟

-كويس جدا كمبيوتر يعنى

- تقدر تقول كده

- طيب حلو اوى مهندس كمبيوتر شغلانه مشرفه طب ماقلتش ليه كده من الاول؟

- اصلى مش مهندس اصلا انا محاسب

- الله ............ .طب ما علينا بتشتغل فين؟

- على الكمبيوتر بتاعى

- ايوه يعنى فى شركة ايه؟

- لا تبع نفسى

- وماله الشغل الحر مفيش احسن منه طيب شركتك فين ولا فاتح محل؟

- لا فى البيت عندى عادى

- طيب بتقبض كام؟

- لا يا عمى انا مش بقبض انا بتعامل بالموقع مع كل واحد لوحده يعنى مفيش اسعار ثابته

- طب اخر موقع اخدت فيه كام؟

- لا اخر موقع ده كان لواحد صاحبى دخلت فيه مشرف مجامله

- لا حول ولا قوة الا بالله............ طيب معندكش اى املاك اراضى عمارات اى حاجه يعنى؟

- اه طبعا عندى

- ايوه .......... عندك ايه؟

- منتدى يا عمى

- ده ايه ده بأه ان شاء الله؟

- ده برده على النت بس عندى فيه دلوقتى عشرين الف عضو يا عمى

لا مش بيدفعوا ده انا اللى نفسى ادى الناس فلوس عشان تشترك

- لا حول ولا قوة الا بالله طب ليه يبنى الغرامه دى وعامله ليه؟

- منا هكسب من الاعلانات يا عمى انت مش معايا ولا ايه؟

- حلو اوى المنتدى بتاعك ده يشيل كام اعلان؟

- ممكن لحد عشرين

- طب وبعت الواحد بكام؟

- لا لسه محدش اعلن عندى لسه

- طب يبنى عايش منين ولا بتصرف منين ولا حتى هتعيش بنتى منين؟

- منين ايه بس يا عمى ده انا معايا فيزا محدش فى كفر البطيخ عاملها ههههههههه

- يبنى فيزا ايه بس بقولك هتجيب فلوس منين؟

- من شغلتى والمواقع اللى انا بشرف فيها

- وهى فين دى؟

- منا مديلك لسته بيها هنستعبط؟

- لا يبنى انا مجوزش بنتى لواحد شغلته فى الهوا كده

- هوا ايه بس يا عمى كل المواقع دى على هوستات وواخده رانك كمان انت عارف انا فى خلال سنتين بس

- وله

- نعم

- انت عارف لو غمضت عينى وفتحتها ولقيتك قدامى هعمل فيك ايه؟

- ايه؟

- امشى اخرج بره

"يخرج تملى بره جرى"

- ادى يا ست سوسو جايبالى واحد نصاب دا انا هاكسرلك الكمبيوتر اللى انتى قاعدالى عليه ليل نهار ده وهتتجوزى الواد مايكل النجار اهو واد كسيب واحنا عارفين دكانه فين وبيكسب كام وعايش منين..........عيال نصابه

ههههههههههه
ممنوع دخول المشرفين هههههههههه انا بهزر

المصدر: †† ارثوذكس †† - من قسم: الضحك والفرفشة

[ZEZOMERO]

تصدقى
انا مش هارد عليكى

موضوع تيييييييييييييييييييييييي يييييييت
واسمى فية كمان

يعنى انا مقصود رسمى رسمى

ماااااااااااااااااااااااا شى

[hana montana 2010]

ههههههههههههههههههههههههه هههه
روعه يانونا
متزعلوش تاكيد ده هزار

[nona queen]

تصدقى انا مش هارد عليكى موضوع تيييييييييييييييييييييييي يييييييت واسمى فية كمان يعنى انا مقصود رسمى رسمى ماااااااااااااااااااااااا شى

انت بتتلكك يا زيزو انا بقول مثلا مثلا مثلا
قول انك مسروع عشان تتحط فى الموقف ده
ههههههههههههههههه
وبعدين ايه اللى جاب زيزو لامير دا ايه الناس اللى بتتلزق دى
ههههههههههههههههههههههههه ههه

[nona queen]

ههههههههههههههههههههههههه هههه روعه يانونا متزعلوش تاكيد ده هزار

ههههههههههههههههههههههههه هه
ميرسى يا سكره لمرورك الرائع

[مادونا نبيل]

هههههههههه
حلو موضوعك يا نونا

[التسبيح]

جميل موضوعك يانونا

شكراليكى كتيررر

[حنين سنين]

هههههههههه
حلو موضوعك يا نونا

[dodozezomero]

بجد حلو الموضوع
مرسى ليكى يا نونا

[nona queen]

ميرسى لمروركم الجميل