[روميوالرومانسي]

مشرف راح يخطب"
هنفترض ان المشرف اسمه (أمير )
والعروسه نخليها مثلا مممم (سوسو )
مش مهم الاسامى بس المهم الموضوع يلا نبدا الحكاية


- منور يا ابنى

- ده نورك يا عمى

- اشرب النعناع اللى انت عاوزه

- ميرسى

- كنت عاوزنى فى ايه باه؟

- يا عمى انا يسعدنى ويشرفنى انى اتقدم واطلب ايد بنتك ( سوسو )

- والله يا أمير يبنى ده انا اتشرف بس انا معرفش حاجه عنك

- ازاى يا عمى؟ انت مش بتدخل على النت؟
دى قايمه بكل اسماء المواقع اللى انا فيها ممكن حضرتك تسال عنى

- يعنى اسال عليك فى الاماكن دى؟

- طبعا وانا معروف جدا هناك ودى مبتكذبش اسال بس عن تملى معاك

- مين؟

- تملى معاك ........ انا.... ده مفيش حد على النت ميعرفنيش

- طب يبنى شغلتك ايه؟

- يا عمى انا مشرف

- ايوه يعنى بتشتغل ايه؟

- مشرف قد الدنيا فى قسم (يعنى يا عمى رئيس قسم)انت فاهمنى ؟

- والله كويس جدا كمبيوتر يعنى

- تقدر تقول كده

- طيب حلو اوى مهندس كمبيوتر شغلانه مشرفه طب ماقلتش ليه كده من الاول؟

- اصلى مش مهندس اصلا انا محاسب

- الله ............ .طب ما علينا بتشتغل فين؟

- على الكمبيوتر بتاعى

- ايوه يعنى فى شركة ايه؟

- لا تبع نفسى

- وماله الشغل الحر مفيش احسن منه طيب شركتك فين ولا فاتح محل؟

- لا فى البيت عندى عادى

- طيب بتقبض كام؟

- لا يا عمى انا مش بقبض انا بتعامل بالموقع مع كل واحد لوحده يعنى مفيش اسعار ثابته

- طب اخر موقع اخدت فيه كام؟

- لا اخر موقع ده كان لواحد صاحبى دخلت فيه مشرف مجامله

- لا حول ولا قوة الا بالله............ طيب معندكش اى املاك اراضى عمارات اى حاجه يعنى؟

- اه طبعا عندى

- ايوه .......... عندك ايه؟

- منتدى يا عمى

- ده ايه ده بأه ان شاء الله؟

- ده برده على النت بس عندى فيه دلوقتى عشرين الف عضو يا عمى

لا مش بيدفعوا ده انا اللى نفسى ادى الناس فلوس عشان تشترك

- لا حول ولا قوة الا بالله طب ليه يبنى الغرامه دى وعامله ليه؟

- منا هكسب من الاعلانات يا عمى انت مش معايا ولا ايه؟

- حلو اوى المنتدى بتاعك ده يشيل كام اعلان؟

- ممكن لحد عشرين

- طب وبعت الواحد بكام؟

- لا لسه محدش اعلن عندى لسه

- طب يبنى عايش منين ولا بتصرف منين ولا حتى هتعيش بنتى منين؟

- منين ايه بس يا عمى ده انا معايا فيزا محدش فى كفر البطيخ عاملها ههههههههه

- يبنى فيزا ايه بس بقولك هتجيب فلوس منين؟

- من شغلتى والمواقع اللى انا بشرف فيها

- وهى فين دى؟

- منا مديلك لسته بيها هنستعبط؟

- لا يبنى انا مجوزش بنتى لواحد شغلته فى الهوا كده

- هوا ايه بس يا عمى كل المواقع دى على هوستات وواخده رانك كمان انت عارف انا فى خلال سنتين بس

- وله

- نعم

- انت عارف لو غمضت عينى وفتحتها ولقيتك قدامى هعمل فيك ايه؟

- ايه؟

- امشى اخرج بره

"يخرج تملى بره جرى"

- ادى يا ست سوسو جايبالى واحد نصاب والله لاكسرلك الكمبيوتر اللى انتى قاعدالى عليه ليل نهار ده
وهتتجوزى الواد مايكل النجار اهو واد كسيب واحنا عارفين دكانه فين وبيكسب كام وعايش منين..........عيال نصابه
ههههههههههه

المصدر: †† ارثوذكس †† - من قسم: الضحك والفرفشة

[minabobos]

هههههههههههههههههههه
ولية بس كده يا مارو
مالهم المشرفين يا عم
شكرا ع الموضوع

[eng_fofa]

الله عليك ياروميو
موضوع جااااااااااااااامد

[elphilasouf]

ههههههههههههههههههههههههه
طب علله فى يوم من الايام تطلب اشراف قسم
هتتغدغ

[روميوالرومانسي]

المشاركة الأصلية كتبت بواسطة minabobos هههههههههههههههههههه ولية بس كده يا مارو مالهم المشرفين يا عم شكرا ع الموضوع

احسن ناس هما المشرفين
بس لو كانو زي امير هيتعبوا
هههههههههههههههههه
ميرسي لمرورك
ربنا يفرح قلبك

[روميوالرومانسي]

المشاركة الأصلية كتبت بواسطة eng_fofa الله عليك ياروميو موضوع جااااااااااااااامد

ميرسي لمرورك يا احلي فوفا
ربنا يفرح قلبك يا قمر

[روميوالرومانسي]

[quote=elphilasouf;333814]

ههههههههههههههههههههههههه
طب علله فى يوم من الايام تطلب اشراف قسم
هتتغدغ

[/quote]



ههههههههههههههههه
انا عمري ما هاطلب اشراف اي قسم انا ناقص اروح اخطب يعملولي زي امير
ههههههههههههههه
ميرسي يا احلي فيلو علي مرورك الجميل
ربنا يفرح قلبك

[أميرة عبده]

يا خيبتك يا امير فضحتك بقت فى المنتدى كله ابقى قابلنى لو حد رضى يجوزك بنته بقا امال
الواد صمعه بردو وانت يا خويا صمعتك اهى بانت وبقت على كل لسان
وانت يا سى روميو اتبسط لما وقفتلنا حال الواد ربنا يستر عليه من الاهره اللى بقا فيها
حسبى الله ونعم الوكيل فيك يا شيخ

[روميوالرومانسي]

المشاركة الأصلية كتبت بواسطة أميرة عبده يا خيبتك يا امير فضحتك بقت فى المنتدى كله ابقى قابلنى لو حد رضى يجوزك بنته بقا امال الواد صمعه بردو وانت يا خويا صمعتك اهى بانت وبقت على كل لسان وانت يا سى روميو اتبسط لما وقفتلنا حال الواد ربنا يستر عليه من الاهره اللى بقا فيها حسبى الله ونعم الوكيل فيك يا شيخ

ههههههههههههههههههههههههه ه
هوريكي يا اميره خلاص انا هدورلو علي عروسه صعيديه متكوش قرت الموضوع
علشان الولد برضو سمعه زي ما انتي قولتي
اوكي انتي موافقه ولا ناخد راي العريس ههههههههههههههههههه
ميرسي مرورك الجميل الي فرحني
ربنا يفرح قلبك

[zaza2006]

هههههههههههههههههه حلوة اوى شكرا ارميا