[توميان الغلبان]

هو فعلاً زي ما إنتي قلتي، هدفي هو التجمع مع الأطفال دول بزياره و إفتقاد للتخفيف عنهم، و قدر الإمكان مساعدتهم على الإستمتاع بطفولتهم زي الأطفال العاديين.

[emmmy]

طيب دى مش صعبة يا توميان شوية انت عارف العضو اللى ممكن ينضم معاك فى المشروع الجميل دة والفكرة الحلوة دى هيكون منين وبلدة اية مش يمكن تكون انت من محافظة وهو من محافطة تانية خالص ساعتها المقابلة بينكم هتكون صعبة جدا دا غير لو كانت بنت هتقابلك وهى متعرفكشى كدة مين هيوافق على الكلام دة لا الكنيسة ولا البيت ولا هى انت مهما كان بالنسبة لها مجرد مجهول على صفحات النت توميان انا اسفة الفكرة حلوة بس طريقة التنفيذ مش مناسبة هتكون منطقية اكتر لو بقت فى كنيستك انت هتعرضها فى الاجتماعات عندكم فى كنيستك والخدام يشاركوا وهنا هتعرض الفكرة وتقولنا بتعمل اية انت فى الافتقاد دة والتجارب بتاعتك وباقى الكنائس والشباب يعملوا زيك فى كنيستهم بردوا

اشكرك حقيقى على محبتك ربنا يعوضك

[توميان الغلبان]

ميرسي على إهتمامك و ردك الجميل
بالنسبه لمسألة الناس اللي خارج القاهره، للأسف مش هاقدر اعمل حسابهم المره دي.
و بالنسبه لإخواتي البنات، انا مش طالب منهم إنهم يقابلوني، اللي ها يحصل إننا هانتجمع في مجموعه، في اي كنيسه نتفق عليا إنا تكون نقطة التحرك. و طبعاً زي ما إنتي شايفه، في ناس بدأت تشترك في الموضوع زي: مينو و ساره و ميرو و الفيلسوف. و طبعاً مفيش بنت عاقله ها تخرج من الكنيسه معايا من غير باقي المجموعه.

[فرجينا]

انا فى بلدى ملجى للصبيان ويسمى ملجى الانبا صربامون انا عمرى مشفت حد بيلعب معاهم ولا هما مصحبين احد ولا احد مصاحبهم البتانون مركز شبين الكوم محافظة المنوفية ياريت نفتقدهم

[توميان الغلبان]

أنا عني نفسي موافق، يبقى اول ملجأ هانزوره هو ملجأ الأنبا صرابامون في المنوفيه. يبقى في نقطتين:-
أولاً: أختي فيرجينيا، هاتشوفي بعد إذنك، إذا كانت زيارة الملجأ ده محتاجه ترتيبات مسبقه و لا عادي. و لو كان هاتبقى ايه الترتيبات؟
ثانياً: الميعاد، مطلوب من كل إخواتي اللي أعلنوا تأييدهم للفكره، و اللي لسه ما أعلنوش مطلوب منهم يقترحوا المواعيد المناسبه ليهم.
ثالثاً: مكان التجمع، أعتقد إن المواصلات المناسبه للمشوار ده، بتتحرك من المؤسسه، شبرا الخيمه. يبقى أنسب مكان للتجمع هو كنيسة مارجرجس، شبرا البلد. بجوار كلية الزراعه.
صلوا من أجل الخدمه و من أجلي.

[سارة هانى]

انا معاكم بس موضوع السفر ده صعب ياريت تكون فى اماكن فى القاهره نقضر نزورها انا اعرف ان فى كنيسه العذاء والبابا كيرولس عزبه النخل ملجا بس بصراحه معرفش عنه حاجه بس الى اعرفه ان الكنيسه على قدها خالص.........
وكمان فى ملجاء للطفال فى شبرا مصر ده انا رحته وشفت الاطفال اعمرهم مختلفه وكمان احتياجتهم مختلفه......ياريت يكون فى طريقه للتواصل مع بعض تانى علشان نقدر نرتب ونشوف ممكن نعمل ايه انا بحب الاطفال جدا...

[حنين سنين]

فكره جميله اوى ربنا ينمى روح الخدمه اللى جواك لما تستقروا هشوف واجى معاكم

[توميان الغلبان]

إخواتي الأعزاء
ميرسي كتير لحماسكم. إنتوا رجعتولي تاني حماسي اللي كنت بدأت أفقده بسبب بعض الردود.
أختي ساره، ميرسي لأنك إهتميتي لإنك تقترحي المكانين دول. شوفي الميعاد اللي يناسبك إمتى و قوليلنا.

[سارة هانى]

اسفه على تاخيرى فى الرد عليكم...........بس شوفه انتم المواعيد الى تناسبكم بنسبه وعلى العموم انا هسال واشوف المواعيد الى ممكن نزور هم فيها وهبلغكم بيها انشاء المسيح

[توميان الغلبان]

جميل يا ساره ميرسيانا رأيي نشوف شوفي الاول مواعيد الملاجئ