تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



الضحك والفرفشة كل جديد من نكت والافشات

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


قصة حب سمسة وميزو ....

حكايه كل شباب انهارده .. حنشوفها في شخص ميزو الطالب الجامعي المتخرج من 4 سنين من صيدله السنبلاوين .. و حبيبته سمسمه, بكالوريوس هندسه قسم ( كهربه أفراح ) !ميزو

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية Hanyking
Hanyking
ارثوذكسي صانع
Hanyking غير متواجد حالياً
 
رقم العضوية : 51700
تاريخ التسجيل : Feb 2009
مكان الإقامة : القاهرة
عدد المشاركات : 517
عدد النقاط : 11
قوة التقييم : Hanyking is on a distinguished road
Heart قصة حب سمسة وميزو ....

كُتب : [ 03-01-2009 - 03:22 PM ]


حكايه كل شباب انهارده .. حنشوفها في شخص ميزو الطالب الجامعي المتخرج من 4 سنين من صيدله السنبلاوين .. و حبيبته سمسمه, بكالوريوس هندسه قسم ( كهربه أفراح ) !ميزو تتجوزيني ؟
سمسمه ـ أفندم ؟
ميزو ـ بقولك تتجوزيني ؟
سمسمه ـ !!!!!
ميزو ـ تتجوزيني ؟
سمسمه ـ لا !
ميزو ـ ليه ؟
سمسمه ـ بصراحة كدة شكلك مش عاجبني ..
ميزو ـ إزاي يعني ؟
سمسمه ـ يعني .. أصل أنا ليا مواصفات معينة لفارس أحلامي .
ميزو ـ مواصفات معينة ؟ .. هو انتي هتتجوزي عربية ؟
سمسمه ـ لا ! .. بصراحة كدة .. إنت مش فارس أحلامي اللي باتمناه !
*****
ميزو ـ تتجوزيني ؟
سمسمه ـ إيه ده ؟ شكلك اتغير !
ميزو ـ إيه رأيك ؟
سمسمه ـ واو .. شعرك بقة ناعم ! .. دي باروكة ؟
ميزو ـ أيوة
سمسمه ـ ودي عدسات خضراء ؟
ميزو ـ أيوة
سمسمه ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج !
ميزو ـ مين عباس كيج ده ؟
سمسمه ـ عباس ؟!! ياي .. إيه عباس دي ؟ اسمه نيكولاس ..
ميزو ـ مين نيكولاس ده ؟
سمسمه ـ بقة مالكشي في السيما وجاي تكلمني ؟ .. ياي !
*****
ميزو ـ تتجوزيني ؟
سمسمه ـ انت لسة ليك عين تكلمني ؟
ميزو ـ أيوة .. أنا عرفت مين بنكرياس كيج ده
سمسمه ـ أولاً : اسمه نيكولاس كيج ..
ميزو ـ أيوة أيوة .. كنت هاقول اسمه صح .. بس اختصرته .. ده ممثل
سمسمه ـ ممثل إيه ؟
ميزو ـ ممثل أمريكاوي
سمسمه ـ أمريكاوي ؟! .. إخّييي ! .. اسمه أميريكان يا بابا .. ما تبقاش
دونكي
ميزو ـ دونكي دي تبقى شتيمة ؟
سمسمه ـ أوف كورس
*****
ميزو ـ تتجوزيني ؟
سمسمه ـ عندك عربية موديل كام ؟
ميزو ـ موديل دي تبقى شتيمة ؟
*****
ميزو ـ تتجوزيني ؟
سمسمه ـ قوللي الأول .. حاطط أنهي نغمة في الموبايل بتاعك ؟
ميزو ـ نغمة دي تبقى شتيمة ؟
*****
ميزو ـ تتجوزيني ؟
سمسمه ـ ما قلتليش .. إنت بتشتغل إيه ؟
ميزو ـ أنا -بلا فخر- عاطل
سمسمه ـ عاطل ؟ .. ياي ! ..
ميزو ـ مش أحسن من اللي ما بيشتغلش ؟
سمسمه ـ لا
ميزو ـ يعني مش هتتجوزيني ؟
سمسمه ـ لا يا ميزو
ميزو ـ كدة أنا أزعل
سمسمه ـ ما تزعلش يا بابا .. خليك فريش
ميزو ـ ماشي .. ماشي .. بس قوليلي ..
سمسمه ـ إيه ؟
ميزو ـ فريش دي تبقى شتيمة ؟
*****
ميزو ـ تتجوزيني ؟
سمسمه ـ لقيت شغل ؟
ميزو ـ أيوة طبعًا .. سنتين وأنا بادور .. أخيرًا لقيت ..
سمسمه ـ وإيه هو ؟
ميزو ـ سواق تاكسي .
سمسمه ـ ياي ! .. مش مكسوف وانت بتقولها ؟
ميزو ـ فيها إيه ؟ العمل شرف .. وكلها كام سنة وأجمع مبلغ كويس ..
سمسمه ـ شرف ؟ جتك القرف !
*****
ميزو ـ تتجوزيني ؟
سمسمه ـ جمعت مبلغ كويس ؟
ميزو ـ طبعًا .. مبلغ كبير جدًا ..
سمسمه ـ قد إيه يعني ؟
ميزو ـ ألف جنيه
سمسمه ـ نعم ؟!!! .. ألف جنيه دول تروح تسرح بيهم ببطاطا ..
ميزو ـ يعني موافقة ؟
سمسمه ـ روح اتنيل .
*****
ميزو ـ تتجوزيني ؟
سمسمه ـ عندك شقة ؟
ميزو ـ طبعًا .. أودة على السطوح ..
سمسمه ـ نعم ؟!! ..
ميزو ـ إيه المشكلة ؟! .. أحسن ما ننام في الشارع !
سمسمه ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب
شقة .
ميزو ـ طيب .. كلها كام سنة وأجيبلك أحسن شقة في الدنيا .
سمسمه ـ وهتجيبها في جاردن سيتي ولا في الزمالك ؟
ميزو ـ لا .. في الأهلي .. هيهع هيهع هيهع !
*****
( بعد سنوات) :
ميزو ـ تتجوزيني ؟
سمسمه ـ جبت الشقة ؟
ميزو ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت
لسبع سنوات .. لكن المهم إنها جات ..
سمسمه ـ فانتاستيك
ميزو ـ بس الشقة ناقصة حاجة .
سمسمه ـ إيه هي ؟
ميزو ـ مفيهاش حمام !
سمسمه ـ امشي من قدامي ! .. مش طايقاك !
*****
ميزو ـ تتجوزيني ؟
سمسمه ـ إنت تاني ؟
ميزو ـ جبتلك حمّام إنما إيه
سمسمه ـ خليه ينفعك
ميزو ـ ليه بس ؟ .. ده ينفع لينا احنا الاتنين
سمسمه ـ وأنا مالي ؟
ميزو ـ مش عاجبك .. مش مشكلة .. أكتبه باسمك
*****
(بعد سنين) ..
ميزو ـ هتتجوزيني ولا أولع فيكي ؟
سمسمه ـ ومالك محروق كدة ؟
ميزو ـ حكايتنا طولت قوي .. طولت أكتر من اللازم
سمسمه ـ أوكي .. بس ممكن أعرف حاجة ؟
ميزو ـ إيه ؟
سمسمه ـ إنت ليه متمسك بيا أوي كدة يا مزمز ؟
ميزو ـ أصل .. أصل ..
سمسمه ـ أصل إيه ؟
ميزو ـ أصل أنا بحُبك (بضم الحاء) !
سمسمه ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! ..
وبعدين خليك روش وقول : I love you
ميزو ـ ماشي .. بس قوليلي ..
سمسمه ـ نعم ؟
ميزو ـ روش دي تبقى شتيمة ؟
*****
ميزو ـ تتجوزيني ؟
سمسمه ـ بصراحة .. في حاجة كنت عاوزة أقولهالك من زمااااااان يا ميزو .
ميزو ـ إيه ؟
سمسمه ـ أنا بصراحة .. مش شايفة إن في حد في العالم يستاهلني
ميزو ـ يا سلام ! .. ليه ؟
سمسمه ـ عشان أنا جميلة .. خفيفة الدم .. رشيقة .. رقيقة ..
ميزو ـ رقيقة ؟! .. ده انت بدأتي تقشفي
سمسمه ـ فشر !
ميزو ـ فوقي لنفسك .. العمر بيجري ..
سمسمه ـ أنا مصرة على رأيي
ميزو ـ يعني إيه ؟
سمسمه ـ يعني اقطع معايا
ميزو ـ بعد كل السنين دي ؟! .. بعد كل الحب ده ؟!!
سمسمه ـ بلاش تراجيديا من فضلك
ميزو ـ ماشي .. بس قبل ما أمشي عاوز أسألك سؤال واحد بس ..
سمسمه ـ إيه هو ؟
ميزو ـ تراجيديا دي تبقى شتيمة ؟
*****
( بعد سنوات ) ..
ميزو ـ تتجوشيني ؟
سمسمه ـ إيه ؟
ميزو ـ تتجوشييينييييييي ؟
سمسمه ـ إنت مين ؟
ميزو ـ أنا حبيبك يا هبلة .. البشي النضارة عشان تشوفيني
سمسمه ـ طيب شاعدني عشان ألاقي النضارة
ميزو ـ آهي على الترابيزة قدامك
سمسمه ـ فين ؟!!
ميزو ـ لا دي نظارتي أنا
سمسمه ـ أيوة لقيتها ..
ميزو ـ البشيها بقة
سمسمه ـ ططييبب
ميزو ـ عينيكي فوق شوية يا سماسم .. ده بقك ..
سمسمه ـ طيب لبشهالي إنت
ميزو ـ عقبال ما البشك الدبلة
سمسمه ـ ما تكشفنيش يا ميشو بقي .. كنت بتقول إيه بقى ؟
ميزو ـ كنت بقول تتجوشششيييينيييييي ؟
سمسمه ـ أكوشك ؟ .. إزاي ؟
ميزو ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
سمسمه دي شتيمة ؟
ميزو لاااااء .. بقولك تتجوشيني ؟
سمسمه ـ آه !! .. أجوشك
ميزو ـ بالضااااابط .. هاه ؟
سمسمه ـ شيبني أفكر
ميزو ـ أشيبك تفكري ؟! .. ده انت هتموتي خلاش !
سمسمه ـ لا .. شيبني أفكر بش
ميزو ـ ربنا يوفقك
سمسمه ـ إيه ؟
ميزو ـ ربنا يوفقك
سمسمه ـ بتقول إيه ؟
ميزو ـ ربنا ياخدك
*****
(على فراش الموت) :
ميزو ـ تـ … كوح .. كوح .. تتـ .. كوح كاح كيح .. تتكو .. كوح .. كوح ..
تتكوشـ .. كوح كوح .. يني ؟
سمسمه ـ مش شامعة
ميزو ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح …….
سمسمه ـ أجوش مين ؟!!!
ميزو ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!!
سمسمه ـ إيه ؟ ..
ميزو ـ لا .. كوح .. أبدًا .. كوح .. كنت … كح كح .. بأكح
سمسمه ـ كنت بتكح ؟!!!! .. شلامتك .. ما قلتليش ليه ؟
ميزو ـ هو .. كوح .. إنتي .. لشة .. عارفـ .. ـة .. كوح كوح
سمسمه ـ بتقول إيه ؟
ميزو ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو.. شيـ .. كوح كوح كوح كوح .. نـي ؟
سمسمه ـ أجوشك ؟!! .. طب بش خد الدوا الأول
ميزو ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح
كوح كوح .. ـني ؟
سمسمه ـ أيوة يا حاج .. موافقة .. موافقة إنك تتكوشني ..
ميزو ـ أخيـ….كوح كوح ..راااااً !! .. كوح كوح .. كدة أموت .. كوح ..
كوح .. وأنا .. كوح .. مطمئن ومرتاح .. الودااا .. كوح ..ع ع ع ع
سمسمه ـ يا حاج .. يا حاج ..
لاااااااااااااااااااااااا ااااا !!سمسة وميزو .... 10800.gif
******************************



رد مع إقتباس
Sponsored Links
بياناتي
 رقم المشاركة : ( 2 )
cat girl
ارثوذكسي متألق
رقم العضوية : 24138
تاريخ التسجيل : Apr 2008
مكان الإقامة : سوهاج
عدد المشاركات : 1,197
عدد النقاط : 10

cat girl غير متواجد حالياً

افتراضي رد: قصة حب سمسة وميزو ....

كُتب : [ 03-01-2009 - 08:37 PM ]


ههههههههههههههه عاجبنى اوى الاصرار بتاعهم ده

ميرسىىىىىىىىىىىى ليك كابووو


رد مع إقتباس
بياناتي
 رقم المشاركة : ( 3 )
kamer14
ارثوذكسي ذهبي
رقم العضوية : 4944
تاريخ التسجيل : Nov 2007
مكان الإقامة : alexandria
عدد المشاركات : 20,390
عدد النقاط : 19

kamer14 غير متواجد حالياً

افتراضي رد: قصة حب سمسة وميزو ....

كُتب : [ 03-01-2009 - 08:56 PM ]


ههههههههههههههههههههه هى ميرسى دى تبقى شتيمة؟
هههههههههههههههه ميرسى ع الموضوع الجميل


رد مع إقتباس
بياناتي
 رقم المشاركة : ( 4 )
Hanyking
ارثوذكسي صانع
رقم العضوية : 51700
تاريخ التسجيل : Feb 2009
مكان الإقامة : القاهرة
عدد المشاركات : 517
عدد النقاط : 11

Hanyking غير متواجد حالياً

Cool 002 رد: قصة حب سمسة وميزو ....

كُتب : [ 03-01-2009 - 10:47 PM ]


اقتباس
المشاركة الأصلية كتبت بواسطة cat girl مشاهدة المشاركة
ههههههههههههههه عاجبنى اوى الاصرار بتاعهم ده

ميرسىىىىىىىىىىىى ليك كابووو
طبعاا يا كات امال ايه هى دى قصص الحب الحقيقية بس عايز اسالك سوال هو اصرار دى تبقى شتيمة....؟؟؟؟ هههههههه
ميرسى كتير على مرورك وعلى ردك الجميل دة وربنا يباركك ويعوض تعب محبتك..

اخوكى كابوووووووووو

رد مع إقتباس
بياناتي
 رقم المشاركة : ( 5 )
Hanyking
ارثوذكسي صانع
رقم العضوية : 51700
تاريخ التسجيل : Feb 2009
مكان الإقامة : القاهرة
عدد المشاركات : 517
عدد النقاط : 11

Hanyking غير متواجد حالياً

Heartcross رد: قصة حب سمسة وميزو ....

كُتب : [ 03-01-2009 - 10:50 PM ]


اقتباس
المشاركة الأصلية كتبت بواسطة kamer14 مشاهدة المشاركة
ههههههههههههههههههههه هى ميرسى دى تبقى شتيمة؟
هههههههههههههههه ميرسى ع الموضوع الجميل
ربنا يباركك قمر ويعوض تعب محبتك ويفرح قلبك وشكرا على ردك الجميل دة بس الحقيقة انا معرفش ميرسى دى تبقا شتيمة والا لا؟؟؟ ياريت لو عرفتى تبقى تقوليلى اهو نكسب معلومة هههههههههههه
كابووووووووو

رد مع إقتباس
بياناتي
 رقم المشاركة : ( 6 )
قلب المحيط
ارثوذكسي متألق
رقم العضوية : 32132
تاريخ التسجيل : Jun 2008
مكان الإقامة :
عدد المشاركات : 924
عدد النقاط : 12

قلب المحيط غير متواجد حالياً

افتراضي رد: قصة حب سمسة وميزو ....

كُتب : [ 03-01-2009 - 10:59 PM ]


هههههههههههه


رد مع إقتباس
بياناتي
 رقم المشاركة : ( 7 )
Hanyking
ارثوذكسي صانع
رقم العضوية : 51700
تاريخ التسجيل : Feb 2009
مكان الإقامة : القاهرة
عدد المشاركات : 517
عدد النقاط : 11

Hanyking غير متواجد حالياً

Cool 002 رد: قصة حب سمسة وميزو ....

كُتب : [ 03-01-2009 - 11:20 PM ]


اقتباس
المشاركة الأصلية كتبت بواسطة قلب المحيط مشاهدة المشاركة
هههههههههههه
ربنا يباركك ويعوضك شكرا على المرور

رد مع إقتباس
بياناتي
 رقم المشاركة : ( 8 )
dr.salsa
ارثوذكسي متألق
رقم العضوية : 53220
تاريخ التسجيل : Mar 2009
مكان الإقامة :
عدد المشاركات : 743
عدد النقاط : 12

dr.salsa غير متواجد حالياً

افتراضي رد: قصة حب سمسة وميزو ....

كُتب : [ 04-28-2009 - 11:48 PM ]


هههههههههههههههههههههه

شاكلهم كانوا متجوزين بس فاقدين الزاكره

ههههههههههههه

ميرسي هاني


رد مع إقتباس

اضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 01:10 PM.