[M!SS N@NO]

دردشاوى
وده مش بتفرق معاه .ولد بنت وكافه الاعمار المهم يتكلم فى ايه مش مهم ونفسه يتعرف على نصف سكان الكره الاضية ويستاذن منك علشان عنده ميعاد لصديق له من نيجيريا عنده 60سنه
الجيمزاوى
ده لابد فى مواقع الجيمز 24ساعه خدمه مستمره مشاء الله او بيدون الالعاب ومش يجى يزورك الا لما يكون عندك خط حلو فى البيت عشان فى لعبه اون لين لسه مش خلصها. وكل كلامه عند احدث الالعاب .وتيجى فى يوم تحس ان ابوه مات ولما تساله يقوله لعبه نزلتها وامكانيات جهازى مش شغلتها .
المثقف
عبقرينو كل كلامه عن مواقع الموسوعات ويعتبر شريك اساسى فى ويكييبديا .ولاسمح الله لو جه كلام عن سلاله الصرصار الابيض يكلمك عن اول صرصور فى العالم وأصل التسميه وظروف المعيشه"زى ماتكون هتربيه "
المنتدياتى
ده مشكله .... على طول كل كلامه الدوميز اتحز . المنتدى اتهكر عليه عملت قسم جديد انما روعه ايه رايك فى الديزاين بتاع المنتدى انهارده ... ... وينهار اذا منتدى واحد صاحبه نسبه الاعضاء فيه عدت اعضاءة
العاطفى
ده مقضيها بنات وبس ولو جيت تتعرف عليه وقلته معاك راجل من مصر تلاقيه اوف لين او رحب بيك "بطريقه فرش الملايه" واول مايحس ان ايللى معاه بنت تلاقيه مشاء الله خلفيات الورد ظهرت والادب كله ويبقا سعيد اوى لو العمليه فيها مايك وممكن يطير لو كاميرا وده استاذ كلام فرز نمره واحد للبنات اللى بيكلمهم ومقسمهم حلوين/ مصر /ربنا يستر /اى حاجه / احسن من مافيش ) كل كلامه عن انه سمع شعر لنزار و اغنية لكاظم والدنيا معاه ورده كبيره حمره وعصافير

المبشر
والنوع ده نادر جدا ..................... انه بيستخدم النت لنشر دينه للاخرين

المصدر: †† ارثوذكس †† - من قسم: الضحك والفرفشة

[قهوة ساده]

في نوع انتي نستيه
الغتت

وهو اللي يشوف موضوع زي ده وميرضش عليه زي حلاتي

[miso]

هههههههههههههههههههه ايه الناس دى
لا كلهم ارخم من بعض بجد
تصدقى لو كدة بلاها ميل خالص ولا بلاها نت من اصله بلا وجع قلب يا شيخة

[مانـــوو]

صدقينى بقيت بعرف ان ده موضوعك من عنوانه
لنا ابص تحت ف اخر مواضيع اتشارك فيه من العنوان بعرف مواضيعك
انا نفسى افهم انتى حطنا ف دماغك ليه
اتقى شرنا وابعدى عنا احسلك
بلاش تلعبى ف عداد عمرك
انا لو حطيتك ف دماغى
اكيد مش هعمل حاجه
منك لله
ههههههههههههههههههههههههه ههههههههههههه
بس بجد مواضيعك تحفه وبحب اشوفها لانها بتعجبنى
ميرسى على الموضوع وعلى انتقادك البنأ ده
تقبلى منى فائق الاحترام

[zaza2006]

موضوع حلو اوى يا حنان ميرسى يا قمر

[elphilasouf]

ع فكره ده مش الولاد بس
ده كمان البنات
وزي مالولاد تيييييت
البنات كمان تييييييييت

[M!SS N@NO]

ههههههههههههههههههه
شكرا ليكو ع الردود الهااااااااااااااااااايله
ههههههههههههههههههه
وايللى عندو تانى يقول