[توميان الغلبان]

إخواتي حبايبي
عندي ليكم فكره جميله. إخواتنا اللي في الملاجئ، محدش بيفتكرهم، غير قله قليله بيزروهم في العيد. آه في ناس بتفتكرهم في عشورهم و عطاياهم، بس مش ده اللي انا بفكر فيه. انا بفكر نصاحبهم، نزورهم، نلعب معاهم، نحكي معاهم، نخرج معاهم.
انا طرحت الفكره، و اللي جاي يرفع إيده بسرعه. و لو اي حد يعرف اي ملجأ، برضو يقترحه. يالا انا متحمس جداً.

المصدر: †† ارثوذكس †† - من قسم: صندوق مناقشات الاعضاء

[menovich]

فكرة جميلة جدآ وانا معاك

ولكن اسمح لى بنقل الموضوع الى قسم المناقشات

[توميان الغلبان]

ميرسي يا مينو
كده بقينا إتنين، هاه مين تاني جاي؟

[سارة@]

فكرة روعة انا هجى معاك

[miro_rook]

فكره جميله بس محتاجه ترتيب كويس الاول
وربنا يباركك علي روح الخدمه الجميله اللي جوك

[توميان الغلبان]

ميرسي يا ساره
ميرسي يا مراد.
كده بقينا اربعه.
معاك حق يا مراد، الموضوع لازم يترتب كويس.
بالنسبه لي ، انا شايف إننا لازم نرتب الميعاد و المكان (الملجأ) و نحدد برنامج.
لو في نقط تانيه انا ناسيها، ياريت حد يقولي عليها. و مستني كمان إقتراحاتكم على النقط دي.
يعني اوزين نعمل لسته بأسماء الملاجئ اللي عاوزين نزورها.
و عاوزين كمان نحدد النقط المهمه اللي عاوزين نشملها في البرنامج.

[elphilasouf]

انا اعرف خدام في العيد بيروحوا الملاجئ ودار المسنين

[توميان الغلبان]

تمام يا فيلسوف
يبقى إنت اللي هاتجيب لنا عناوين الملاجئ

[توميان الغلبان]

كان في حماس و مره واحده كله نام، و محدش قال فكره عن البرنامج و لا حد إقترح ملائ نزورها

[emmmy]

قبل ما اقول راى او اقول اااة او لا انا عايزة افهم الاول يا توميان المشروع دة هتعملة ازاى انت عايز مجموعة تتجمع وتشارك فى افتقاد الملاجئ واهتمام بالاطفال والايتام دة هيكون عملا يعنى هتتقابلوا وتعملوا كدة ولا اية بالظبط

ممكن تشرح قصدك علشان لو انا اقتنعت بالفكرة وحسيت انى هاخد بركة الخدمة هنضم معاكم طبعا اكيد