اخواتي البنات يا ريت متزعلوش مني عشان الكلام اللي هقوله بس صدقوني كله محبة وتساؤلات مش اكتر لا هو نقد او اي شئ جارح بس هو سؤال طرحته ويا ريت اجد اجابة مقنعة فعلاً ؟
اولا : ليه البنات المسيحيات بالذات فيهم كبرياء و وتعظم في معاملة الاخرين وبالذات الشباب المسيحي ؟؟؟ علي الرغم انهم زي الملايكة مع غير المسيحيين !!
ثانياً :من وجهة نظري ان البنت المسيحية بتفقد من احترامها عند معاملتها بكبرياء وعظمة وده لا يليق بالبنت المسيحية يعني من جمالها مثلا ؟ صدقوني شوفت بنات شكلها يعني ملهاش ملامح وتلكميها تحسي انها انجلينا جولي ؟ علي ايه معرفش صدقوني انا مش بهاجم اي بنت بالعكس انا بحترمهم كلهم ومعتبر اي بنت مسيحية اختي فعلا علشان كدة بقول ده المفروض ان البنت المسيحية هى فعلا بنت ملك الملوك تخيلوا كدة المفروض تكون قدوة للاخرين من حيث تواضعها وحسن معاملتها لكن بجد انا شايف غير كدة خالص وبالمرة اللي عايز اعرفه ليه الكبرياء والتعاظم مع اخوتهم ؟؟ معرفش بجد يا ريت حد يعرفني صدقوني بعت الكلام ده لجميع القنوات المسيحية علشان حد يرد علي سؤالي محدش رد جايز فيه امور اخرى مش عايزين يعترفوا بيها الله اعلم بجد انا محتار يعني صدقوني لما بنتعامل مع الاخريات بيكلمونا بكل احترام وادب ومش بيتكبروا علينا ومن وجهة نظري هما اجمل بكتير علي الاقل مسمعناش عن بنت غير مسيحية غيرت دينها عشان واحد مسيحي لكن عندنا العدد يحزن القلب السعيد وانتم تعرفون السبب وهو ان البنت المسيحية بتسيب المسيح عشان عربجي او بتاع شاي في اي مصلحة بجد انا حزين علي بناتنا علي لبسهم وطريقة مكياجهم من وجهة نظري ان البنت المسيحية جميلة ورئيئة جدا جدا بس للأسف بتضيع كل ده في كبريائها و (( عنتظتها )) فبالتالي بتكون في اقبح صورة ممكن نتخيلها .
اخير يا ريت محدش يزعل مني لاجل العدرا وانا بتساءل يا ريت حد يجاوبني بالمنطق
اشكركم