[hussny]

انا من ابناء محافظة الشرقية وبالتحديد مركز فاقوس
ما انكرش اني كنت في غفلة من الامر
ومن ثم افقت في يوم 25 يناير
لاري بعض الناس علي حقيقتهم
فانا اعيش في مدينة فاقوس وهي مجتمع مختلط
بين مسيحي ومسلم
ولي كبقية الشباب اصحاب مسلمين
فحبيت اعمل تحليل لمدي الاختلاط بيننا
فخرجت بعدة اشياء
وهذا طبعا مع مسلمين معتدلين بعيدا عما يسمون الاخوان او السنيين
اولا وهذة التجربة كانت في قرية من قري المركز
لي صاحب فذهبت لزيارتة فوجدتة لا يكاد يمتلك قوت يومة ولة خمس ابناء
ويعمل في مجال الالكترونيات
وكانت عندة بنت عندها عامين مريضة
فاخذتها الي عيادة تابعة للكنيسة وشفيت علي يد احد اطباء
العيادة بقدرة المسيح
ولكن حدث شئ
ظل هذا الرجل يزورني وياتي لي بما استطاعت يدة
وهو يحس انة مديون لي
وفي الاحداث الاخير في امبابة
رايتة عندي في الخامسة صباحا
يقول لي لابد ان تقسم علي ان تظل لي صديق مهما حدث في مصر
واتي وفي يدة المصحف ليقسم علية انة سيظل لي صديق وعونا

فما تعليقكم علي ذلك
قبل ان اكمل ما بدات

المصدر: †† ارثوذكس †† - من قسم: صندوق مناقشات الاعضاء

[emmmy]

مش كل الناس زى بعضها وفى ناس كتير حلوة
من كل الاديان وناس بردوا وحشة من كل الاديان
الانسان مخلوق ترابى ربنا خلقنا كلنا زى بعض لحم ودة ومشاعر وانسانية
ثم عمل الرحمة والخير لا يمكن ابدا ابدا حد يحصد منهم شوك وشر ابدا مها كانت ديانتى بقى صاحب الجميل دة او اللى اتعمل فية الجميل والمحبة تطفئ نار الكراهية والغضب ياااريت كلنا نزرع الحب علشان نحصد ورود الحب بكل انواعة واشكالة

[miro_rook]

طوبه للرحماء لانهم يرحمون
اخويا الغالي رد فعل طبيعي لمحبتك ورحمتك بيه انه يبدلك نفس الحب
سوء قالك احلف علي المصحف او علي الانجيل لانه كل واحد ومعتقده
وصدقني مسيحي او مسلم مفيش فرق ما بينهم لان ربنا خالق الكل من نفس التراب لكن للاسف عدو الخير الشيطان ديما يحب يهيا للانسان انه لما يئذي اخوه بكدا هو بيكون مستريح لانه بين قوته
وعشان منخرجش عن الموضوع
لو كل مسيحي في مصر كان ليه جار مسلم في وقت شده او ضيق او مرض ...... الخ
وقف جانبه عمرنا ما هنسمع عن طائفيه خالص انا عاوز اقولك حاجه انا من امبابه واخر شارعي كنيسه العذراء اللي اتحرقت وشوفت بعيوني اللي كانوا بيحرقوها وكانوا من المتعصبيبن السلفين والبلطجيه لكن تفتكر هل المطلوب مني بعد المنظر البشع اللي شوفته اني اكره اخواتنا المسلمين لا طبعا
ربنا علمنا المحبه
واللي حصل معك نتيجه المحبه والرحمه اللي جوه قلبك
ربنا يباركك ويملئ قلبك بمحبته دائما