[Dr.PeRO]

+ أحب اننا نناقش سوياً رأي كل عضو في ازاى بيخطط ليوم زواجه (او ازاى نفذ تخطيطه لو كان متزوج)، ازاى هيرتب اليوم وهيعمل ايه فى الفرح .. مع العلم انه ده تمنى، يعنى لو كان في حلمك انك تتزف أو تتزفى فى طيارة حتى مش عربية مرسيدس، يبقى قول أو قولى ده عادى ... لو بطلنا نحلم نموت!!
+ ياريت كل واحد وواحدة يتكلم بصراحة عن كل اللى بيفكر فيه فى اليوم ده من ترتيبات وطقوس حتى لو كانت فوق سقف امكانياته .. اتمنى من الجميع المشاركة وبصراحة شديدة.
+ فى الآخر خالص، انا هقول رأيي برضه بس مش رأيي الشخصى ولا رأي الكنيسة لكن رأي واحد تانى أعتقد انكم يهمكم رأيه ...بس ده فى الآخر خاااااالص.

Waiting 4 your comments

المصدر: †† ارثوذكس †† - من قسم: صندوق مناقشات الاعضاء

[aymonded]

أشكرك على هذه المشاركة الحلوة يا جميل ، بس يعني مش عارف اشاركك فيها الآن لأني عديت المرحلة دية خلاص هههههههههه ـ يعني حصل بقى واللي كان كان ، ربنا يفرح قلبك ويغمرك بسلامه الحلو يا أجمل أخ حلو ، وطبعاً أنا هاعلق في النهاية بس تعليق تاني خالص في إطار العلاقة التي تنطلق من الرباط الروحي والعاطفي في سر التقوى ، ولك مني تحية محبة حلوة لشخصك الرائع جداً ، النعمة معك

[Dr.PeRO]

ومالو يا باشا منا كنت كاتب حتى لو انت متزوج، قصادك حلين يا تكتب ازاى رتبت اليوم ده بالفعل وكان عامل ازاى، يا إما تكتب اللى كان نفسك تعمله وماتعملش (اى اليوم كان عامل ازاى بس فى خيالك، ومقدرتش تنفذه لأى سبب)

[elphilasouf]

:d وبالنسبه للي يحب يعيش حر طليق ؟!

[emmmy]

هههههههه
تصدق يا جورج
إنت مفيش منك إتين 2 يعني

[elshbah]

انا بقا اولا نفسى اتجوز فتات احلامى بس انا عندى جيش ودة ممكن يبعد عنى اللى انا عاوزها بس سيبها على ربنا لو حصل نصيب وطلعت لقتها مستنيانى هابنى مستقبلى سنتين كمان وبعد كدا هبداء افكر فى الارتباط واخطبها نفسى اعمل فرحى فى مركب كبيرة جدا فى شرم الشيخ او بيروت ونقدى شهر العسل فى المركب بصراحة انا مش بفكر فى الا أولاد خالص اول سنتين من الجواز ممكن بعد السنتين علشان عايز اعيش بقا احلى ايام مع فتات احلامى بس كفاية كدا

نايس توبيك د:بيتر تعيش ايديك يا باشا

[Dr.PeRO]

المشاركة الأصلية كتبت بواسطة elphilasouf :d وبالنسبه للي يحب يعيش حر طليق ؟!

تمام ديه فكرة جميلة
بس انا بتكلم ايه اللى فى دماغك لو خلاص قررت ترتبط واليوم هيبقى عامل ازاى

[Dr.PeRO]

المشاركة الأصلية كتبت بواسطة elshbah انا بقا اولا نفسى اتجوز فتات احلامى بس انا عندى جيش ودة ممكن يبعد عنى اللى انا عاوزها بس سيبها على ربنا لو حصل نصيب وطلعت لقتها مستنيانى هابنى مستقبلى سنتين كمان وبعد كدا هبداء افكر فى الارتباط واخطبها نفسى اعمل فرحى فى مركب كبيرة جدا فى شرم الشيخ او بيروت ونقدى شهر العسل فى المركب بصراحة انا مش بفكر فى الا أولاد خالص اول سنتين من الجواز ممكن بعد السنتين علشان عايز اعيش بقا احلى ايام مع فتات احلامى بس كفاية كدا نايس توبيك د:بيتر تعيش ايديك يا باشا

متشكر يا شبح على مشاركتك
بس واضح ان محدش لسه فهمنى، وفهم أقصد ايه من التوبيك
احنا كتيير بنروح أفراح فيه حاجات بنفرح بيها وفيه حاجات بنبقى عاوزين نقلدها فى فرحنا وفى سلبيات بنبقى عاوزين نتلاشاها .. اليوم ده يا جماعة بيقعدوا اسبوع يرتبولوا !!!
+ يعنى الاكليل هيبقى فيه مثلا وبعده هتعمل قعدة في انهى حته ولو معاك فلوس براحتك هتخلى فقرات ايه فى الحفلة ديه ... أنا أقصد تفاصيل اليوم
تخيل انك هتتجوز آخر الاسبوع يعنى ومطلوب منك بقى انك تتفق مع خطيبتك على التفاصيل ديه .. هتتفقوا على ايه، هو ده اللى عاوزين نناقشه

[Dr.PeRO]

https://www.orsozox.com/forums/f37/t65767/

[kiro0oalex]

شوف يا بيتر باشا
اليوم ده بيبقى يوم جميل ولكن بيكون فى ترتيبات كتييييييييير
وانا لسه مقررتش ايه اللى ممكن اعمله او ارتبه
بس من المؤكد صاحبه العرس اول ما يتم اختيارها هيتم التفكير فى اليوم ده
لانه لازم يكون فى فكرين انا وهى
وبعد كده يبقوا فكره واحده هى اللى تدخل حيذ التنفيذ
بس انا الاقيهاااااااااااا
ثانكس ياباشا على الفكره الحلوه ديه