[kamel]

اّة من كعك العيد ياإخواتى
زادت وكترت أناتى
أتحدى ضدى الأزمات
كعك وهدوم وكمان مراتى
فإمرأتى لازم أتكتر
دوماً تتهافت ع الأفخر
أن قلت همومى تتكرس
الكعك وأنتى والملبس
أرجوكم شوفوا ماّساتى
الكعك المحشو بالملبن
فى صنعة دايما تتفنن
رحماك ربى سأتجنن
وكعك وداخلة لوز
وأنا من كترة بتأزز
وأرقص مثل الأراجوز
وكمان كعك محشو بالفسدق
ياربى عقلى سيتفتق
مين بس بحالى يترفق
الله يخليكى بلاها بيتى فور
أرحمى جيبى المغدور
قد صرتُ ببيتى مقهور
أصل مراتى بتحب موت
أنواع القرص والبسكوت
وتقول عيدية وتفوت
وأنا كاتم وهطق موت
ياأم مجدى بالراحة
من حجاتك عينى نواحة
كعك ولبس وعدية
سوحتى جنابى بصراحة
قولوا معيا لكل ست بيت
عدى أشوية خلى العيد يفوت
وشيلى بند من الحاجات مش هانموت
وأرحمى جيوبى أشوية
تقلى بص ع الجيران والصوانى رايحة جاية
من الفرن دى ودية
ياستى مانتى عارفة الميزانية
وأنا صعبان عليا
أنتى مالية البيت من ديا ودية
وكل أشوية رايحة جاية
صعبان عليا تعبك ياعنيا
أدعى لجيوبك ياحبيبى
وبلاش الحركات دية
التقيلة لسة جاية
اّية.. كمان.. ردى .. عليا
هو لسة فية حاجات جاية؟؟؟؟؟؟
اّدى.. جيوبى .. اّهية
فارغة ومستنية
مفيش حد يدينى عدية؟؟
عشان أكمل الحاجات دية
ياكل من يمر يرد عليا؟؟
اّة من كعك العيد ياإخواتى
-----------------------
وكل كعك وأنتم طيبون
وأحزروا المصروفات ياااااااااااااااااااااااا اارجال

المصدر: †† ارثوذكس †† - من قسم: البيت المسيحي والافتقاد

[aymonded]

كل سنة وانت دايماً طيب يا أحلى أخ رائع لنا
أشكرك حقيقي على مشاركتك لنا بكلامك الحلو المحشي بمحبة أحلى من الملبن
ويارب دايماً نراك وسط أسرة سعيدة كل من فيها يمجد اسم الله بحياة التقوى والسلام
طالبين من الله نجاح دائم لكل من في بيتك الحلو ، طالبين من الله أن يزينه بمواهب الروح القدس ليصير بركة للجميع ولا يشوبه شيء يعكر صفو سلامه

أقبل مني كل تقدير لشخصك الحلو
النعمة معك

[bolalover]

شكرا ليك كتير يا غالي علي موضوع و كلماتك الرائعة
و ربنا يبارك حياتك يا غالي
و كل سنة و انت طيب

[mora]

ميرسى ليك على كعك العيد

[Team Work®]

كل سنة وانت طيب وشكرا على الكحك

ونتمنى ان الناس تاخد بالماشورة الحلوة دى

[kamel]

الى الأخ الغالى أيمن شكرا للرد عليا
الرب يباركك
وكل عام وحضرتك بخير

[kamel]

المشاركة الأصلية كتبت بواسطة bolalover شكرا ليك كتير يا غالي علي موضوع و كلماتك الرائعة و ربنا يبارك حياتك يا غالي و كل سنة و انت طيب

كل سنة وانت طيب ياأحلى غالى

[kamel]

المشاركة الأصلية كتبت بواسطة mora ميرسى ليك على كعك العيد

الرب يباركك وكل سنة وأنتى طيبة يامورا

[kamel]

المشاركة الأصلية كتبت بواسطة Team Work® كل سنة وانت طيب وشكرا على الكحك ونتمنى ان الناس تاخد بالماشورة الحلوة دى

الرب يبارك فيك وكل سنة وانت طيب
ويارب الناس توصهم معنى رسالتى
وكل بيت يكون فى صحة وسلام
وكل سنة وجميع أخوتى فى الدنيا وهم طيبون

[aymonded]

الله يخليك لينا يا أحلى أخ رائع
ودائماً تشبعنا من كلام محبتك الخارج من قلبك العمران بالحب الإلهي الأصيل
النعمة والبركة والسلام معك ومع كل الأسرة
كن مع الجميع معافاً باسم الثالوث