[MICKEY]

الراهب كان بياخد بركتك

[سيزر الروش]

مش عارف اقولك اية يا كوتا بس اكيد الراهب بيعامل كل الناس زى اولادة

ميرسى للموضوع المهم ربنا يباركك

[ادروسيس]

البابا شنودة دايما بيقول عيش فى العالم لكن متخليش العالم عايش
فيك طبعا فى رهبان عاية فى الروحانية وسامحنى بيهروب من العالم
يعنى مينفعش البنت تقعد مع راهب مبتدئ لانها ممكن تسبب له عثرة
وبينى وبينك المفروض الراهب ميختلطش بالعالم لما هو هر ب من العالم
ليه العالم يجرى وراءة
انا لاانكر انى اعرف رهبان واصدقاء لانه منهم ال كان زميلى وال كان
من نفس البلد لكن اقعدمعهم فى حدود يعنى مش اى كلام المفروض اتكلم
معه عموما ربنا يرشدنا يبعد عنهم وعنا يارب عدو الخير
ويفرح قلبك يامريم

[kottah_sh]

ميرسى يا جماعه بجد على ردودكوا
واراءكوا الجميله والمفيده اوى دى
ربنا معاكوا

[سارة &]

متعاقبيش نفسك على كلمه اتقالتلك قبل ما تعاقبى نفسك وتشكى فكرى الاول لما حصل دا كان فى نيتك حاجة غلط ثانيا اللى كنت واقفة معاه مش استاذ فى المدرسة لا دا راهب يعنى قلب ابيض ساكن فيه المسيح نية صافية بعيدة عن خطايا العالم وانوا يعاملك على انك بنتوا هل انتى شايفاها غلطة اكيد لا
وطول ما عندك ثقة فى نفسك مايهمكيش كلام الى حواليكى
ربنا معاكى ويحفظك دايما

[ماروجيرافك]

سلام ونعمه ليكي يا اختنا الغاليه
شوفي هي مساله انك تروحي تسلمي علي الراهب هي مساله عاديه
كان في الاول في قوانين الرهبنه ان لو اي سيده او بيت راحت للراهب للمشوره اولاخذ كلمه منفعه كان لازم طول الوقت يضع عينه في الارض ولا ينظر اليها لكي يهرب من افكار الشيطان المحيطه بيه
لكن دلوقتي اتغيرت وخصوصا بعد ما كترت الزيات للاديره لاخذ البركه
ومساله ان الراهب وضع يده عليكي يا بختك حد يطول ان الأيد الي بتمسك جسد الرب وترفع الصلوات عننا تتحط علينا
والنقطه التانيه الي حضرتك اثرتيها بكونك سبتي كاهنه الكنيسه الي تبعك ووحتي للرهاب
احب اوضح ليكي ان في فرق لحد ما بين اب الاعتراف والمرشد الروحي
وانا شخصا حدث معي هذا الامر استشارت ابي في الاعتراف في مساله ما وقال لي انه غير ملم بكثير في هذه المساله وطلب مني اذهب لاحد الرهان لاخذ المشوره منه
بمعني ان المرشد الروحي لا يتعارض مع اب الاعتراف المهم ان الواحد يوصل في النهايه لخلاص نفسه
واسمحيلي اقول كلمه لامينه الخدمه
بلاش التعصب الاعمي الي احنا ماشين علي ده الحياه ابسط من ده كله المهم الواحد من جواه نيته وقصده ايه
معلش انا عارف اني طولت جدا عليكي
الرب يبارك حياتك
صلي من اجلي انا الضعيف

[maro$$]

طيب يا جماعه انا محترمه رائكوا كلكوا بس فى حاجه
انا كنت سمعت " البابا شنوده " بيقول على الموضوع ده وكان رده انه مانع اى راهب انه يتكلم مع البنات او ياخد اعترافهم وطبعا البابا لما يقول حاجه لازم يعممها يعنى مينفعش انه يستثنى بعض الرهبان الكبار والقديسين زى كتير اوى من اللى احنا بنقابلهم يعنى لازم يكون على كل الرهبان خوفا عليهم

وعلى فكره انا من البنات اللى بحب جدا اخد بركه الرهبان اكتر من الراهبات بس لو فى مشكله ممكن اطلب منه الصلاه بدون اى توضيح
اما بالنسبه لان الراهب حط ايده عليكى فى الصوره فده معناه انه راهب اكيد ارتفع عن الارضيات وده رد فعل عادى منه لبنته من غير قصد او تقويل من حد زى
واتمنى تكونى مش متضايقه من امينه خدمتك لانها خايفه عليكى وياريت توضحى مضايقتك دى لاب اعترافك وهو هيريح ضميرك كتييييير
اسفه جدا على الرغى الكتير

[kottah_sh]

ميرسى ساره لردك الجميل والمفيد ده
ومنوره موضوعى ياقمر




ماروجرافيك بجد مبسوطه اوى لردك
صدقنى انا لما بقف مع اى راهب بكون واخده بالى اوى
انه راهب وساب العالم وانى ممكن اكون سبب عثره ليه
وكمان بحب اخد رأيه جدا وبصراحه بيكون صح فى حاجات كتير


ميرسى يا مارو على كلامك المفيد ده
ربنا معاك ويباركك

[MICKEY]

براهب كبير فى السن متقاعد

انتي جاوبتي علي نفسك ... ده زي ابوكي

اما امينة الخدمة فهي غيرانه عشان محدش بيحط ايده علي كتفها

[aymonded]

ولو أن الموضوع قديم جداً ، بس اندهاشي أن كل واحد اتكلم من وجهة نظرة الشخصية ونسي قوانين الرهبنة الآبائية التي تحدثت في هذا ، مع أننا سبق ووضعناها كما هي في المنتدى وتحدثنا عنها ، لأن وجهات النظر كلها متداخله وبتنظر للأمور بشكل متعارف عليه حسب منطق الناس لا حسب قانون الرهبنة الآبائي الأصيل الذي تم نسيانه بالتمام ودخول الفلسفة الفكرية وكأن البركة نوع من أنواع السحر الذي يخرج من كاهن أو راهب يلبس زي الرهبنة أو الكهنوت أو حتى الأسقفية ، ويا ترى ايه معنى البركة عندكم ومفهوكم الصحيح عنها !!!
مع أن البركة [ ده لو حد فهم أصل معناها الروحي واللاهوتي ] هي من الله بالروح القدس تفيض وليس من وضع يد على كتف وغيرها من الأمور التي لا تصح إطلاقاً لراهب أن يعملها ويصنعها محطماً قانون الرهبنة ليرضي الناس ، لأن كلها أفعال لا تمت بصلة لقانون الرهبنة ولا تقليد الكنيسة ....

يا أحبائي الكنيسة مرتبة ونظمة وضابطة لكل شيء ، لأن كل شيء خُط بقوانين وقواعد في الأصل قررتها مجامع مقدسة بإلهام الروح لضبط كل طريق يسير فيه الإنسان ، أما الخلط والتداخل في كل الأشياء - حسب وجهات النظر الشخصية - وتحويلها لتقويل حسب رأي كل واحد وما تربى عليه وكأنه هو القانون الصحيح ، أتعب الكنيسة جداً وشتت الناس كلها في أفكار متشدده لا تمت بصلة لعمل الله ولا ترتيب الروح في داخل الكنيسة ....

ثم الكنيسة حددت بقوانين محدده مُلزمة أن الاعتراف لعلماني أو جلوسة مع راهب يكون مع شيخ البرية ، أو الأب الروحي للدير فقط لا غير وعدم الجلوس مع أي راهب أو أخذ منه مشورة أو راي مهما كانت درجة قداستة ، أما لو كان شيخ البرية أو الأب الروحي للرهبان ولا يقل سنة عن 50 عاماً فلا مانع من الجلوس معه ...

أما اليوم من وضع يد كاهن على كتف بنت أو التصوير مع الناس فهذا لا يليق بأن يحدث إطلاقاً ، ومن يذهب لدير يبحث عن الحكمة العليا وكيف يسير في طريق الرب بخطوات ثابتة من لهم الخبرة في الطريق الروحاني لتنضبط حياة النفس ، فالدير ليس مكان للهو واللعب والأحاديث الفارغة ولا الجلسات الصاخبة ، لأأن البرية المفروض أنها ميزان القلوب فيها تُختبر النفوس هل هي تسير مع الله أم تسير وفق هواها الخاص ، وليس كل من لبس ثوب الرهبنة أصبح قديس إلا لو كان مشهود له من الروح القدس ومعروف عند ابيه الروحي ، وليس حيب راي الناس وفكرهم الخاص ...
وارى أن أمينة الخدمة قد صدقت في كل كلمة قالتها ، والكنيسة نفسها لو كان الحل في الرهبان ما كانت رسمت كهنة إلا من الرهبان فقط ، فاستفيقوا با أحبائي وتعلموا كيف تخضعوا لقانون الكنيسة الذي خُط بالروح وليس بآراء الناس وفكرهم الشخصي ...

أنا على يقين أن الكل لن يرضى بما كتبت ولكن ليس لي إلا أن أكتب بما تعلمه الكنيسة وتقوله ولن أؤمن بشيء إلا كما يوجهني إليه سلطان الكنيسة المُمثل في المجامع المقدسة ، والتي فيها اتفقت الكنيسة كلها على الأصول التي تسير وفقها حسب أمر مخلصنا القدوس الصالح الذي يرعى قطيعه بسلام ويقود الكنيسة كلها بقوة الروح القدس الرب المُحيي ...

_____ملحوظة صغيرة_____
بالنسبة لأن الراهب اللي اتكلمتي عليه كأب شيخ ومريض فلا داعي لأخذ الموضوع بصورة أكبر من حجمها الطبيعي لأن هذا فعل الأبوة وليس كمجرد وضع يد ، لأن راهب كبير في السن ، شيخ ومريض تفتكري ماذا يترجى من الدنيا اللي تركها !!!!!
خدي الأمر ببساطة ولا تأخذيه بمحمل آخر غير الوضع الطبيعي الظاهر فيه ، لأن لو كان شاب أو لسه صغير أقل من 40 سنة فهذا الفعل لا يُصح على الإطلاق [ وطبعاً اللي في 40 سنة أو أكبر لا يليق وضع يده على أي إنسان مهما كانت الحجة _ إلا لو كان شيخ متقدم في السن ] إنما لو كان أب وشيخ كبير له حكمة الروح ومشهود له من الجميع وعلى الأخص الأب الروحي للبرية فهذا الأمر طبيعي ولا يوجد فيه شيء إطلاقاً ....

أقبلوا مني كل حب وتقدير ؛ النعمة معكم كل حين