[meladfewzy]

أيوه بحبك وهنكر ليه دى حتى حبك قلبى ما قدرش عليه

بس أزاى راح نمشى فى طريق الفشل قدر ومحكوم عليه

انت ناسى أن بينى وبينك انسان ملاك وانت عارفه مش ها قلك عليه

يعنى كانت البدايه غلط حب أتولد والموت مكتوب عليه

ليه يا دنيا بتعزبى فينا منا من زمان على الحب فيكى بدور ومش لقيه

ورضيت بالقسمه وكانت حياتى زحمه ونسيت خلاص أفكر فيه

وبأدها هى عرفتنى بيها وكان غصب عنى لقيت مشاعرى رايحه ليه

حس بيها قلبى ولقتنى مش قادر اخبى شوقى ولهفة قلبى أليه

أصله طلع زى وكان برده بيشجعنى بكلامه وكمان بنظرة عنيه

أبداً عمرى ما احب الخيانه لكن دى قدر ى والقدر راح نعمل ايه فيه

لأملاكى ما تخفيش حبى ليها مش راح يعيش وغيرك أبداًما يشاركك

قلبى دى ملكك لوحدك وفى النهايه غير قلبك فى الدنيا ماليش

المصدر: †† ارثوذكس †† - من قسم: القسم الادبي

[عماد حسنى]

جميل اوى اوى موضوعك يا ميلاد
ربنا يفرح قلبك وقلوب كل اولاده

[وردة حزينة]

لأملاكى ما تخفيش حبى ليها مش راح يعيش وغيرك أبداًما يشاركك

قلبى دى ملكك لوحدك وفى النهايه غير قلبك فى الدنيا ماليش

احساس صعب وقاسى اوى اوى ياميلاد
ربنا معاك ويفرحك
ميرسى ليك

[lolaemo]

ورضيت بالقسمه وكانت حياتى زحمه ونسيت خلاص أفكر فيه

وبأدها هى عرفتنى بيها وكان غصب عنى لقيت مشاعرى رايحه ليه

حس بيها قلبى ولقتنى مش قادر اخبى شوقى ولهفة قلبى أليه

الله حلو اوى ياميلاد كلام دخل القلب على طول

[meladfewzy]

مرسى جداً ليكم كلكم ومرسى على مروركم الغالى .الرب يبارك حياتكم صلو من اجل ضعفى

[nermos1982]

موضوع جااااااااااااامد بجد يا ميلاد واحساس صعب اوى ان حد يمربيه ويحسه
ربنا يفرح قلبك يارب ويكون معاك