[عماد حسنى]

أحكى يا كنيستى وقولى عن ايمانك السليم
وأزاى أتحملتى العذابات وسر جهادك العظيم..
أحكى من بدء العصور عن مار مرقس الرسول
جالك وبقلب جاسور يكتب الانجيل ويقول..
أزاى اسس مدرسته وأعظم كتاباته ومعرفته
قد أيه أتعذب فى كرازته علشان يدينا رسالته..
أحكيلنا قصة أجيال أولادك فيها أبطال
شافوا كل الأخطار وبقوا شهداء أبرار..
أحتملوا كل الالامات تعذيب وكمان أهانات
برغم كل الجراحات فكرهم كان فى السموات..
كبـير وصغير كان دمه فى كل مكان
أختاروا بعزيمه وأيمان يتركوا دنيا الأحزان..
أحكى يا صخرة الايمان الحب كيف كان
فى قلوب ولادك الشجعان فى حياه أباءنا الرهبان..
حياتهم صلاة على طول أصوام ورفع بخور
بمحبة الكل فخور فى الطاعة عايشين بسرور..
صلواتهم لينا قوية رافعنها صباح وعشيه
طالبين من رب البشرية يحفظ كنيستنا القبطية..
اللى سابك ياكنيستى ندمان بينادى عليكى عشمان
رجعلك بعـد فراق راجـــــــــع ليكى ومشتاق..
يا كنيستى حبك ندانى احيا فىّ ايــــــــمانى
رجعلى تانى سلامى قوانى يا أمى وعزانى...

المصدر: †† ارثوذكس †† - من قسم: القسم الادبي