[بنت الراعي]

ليه
ليه بقينا كده ؟؟ وايه اللي وصلنا للدرجه دي ؟؟

معقول بقينا وحشين للدرجه دي ؟؟!!

بنحاول ندور ونلاقي اعزار لنفسنا باي طريقه علي شرورنا

بندور علي مبررات او مسكنات نريح بيها ضمائرنا !!!!!!!
يعني مثلا:
الكذب = لا لا ده مش كذب دي مجامله

الحلفان = ياعم ماتكبرش الموضوع دول بس شويتين كده
علشان يصدقوني

الشتيمه = شتيمه !! شتيمة ايه لا سامح الله ده مجرد تهريج
وهزار

النميمه =اهه معلش هانعمل ايه بنتسلي ماشيها بقي وبلاش تعقدي الدنيا كده

الادانه =لا لا دي مش ادانه ده نقد !!!!!!!!!!!!
" رغم ان الفرق بينهم كبيييييييير جداااااا "

الشهوه = شهوة ايه بس وليه الكلام الكبير ده
ده حب برئ


وطبعا غيره وغيره .............
تفتكروا ازاي وصلنا للدرجه دي
وليه راضين اننا نفضل كده
وناسين خالص كلام الكتاب "انت بلا عزر ايها الانسان "
وياتري هانوصل لحد فين وهانفضل مستسلمين كده لامتي
كفايه اووووووووي كده صدقوني
لازم نفوق لازم نصحصح من تأثير المسكنات دي
كفايه بجد كفايه اوووووووووي كده

المصدر: †† ارثوذكس †† - من قسم: صندوق مناقشات الاعضاء

[marmarsh]

عندك حق صدقينى ربنا يرحمنا ويسامحنا

[بنت الراعي]

المشاركة الأصلية كتبت بواسطة marmarsh عندك حق صدقينى ربنا يرحمنا ويسامحنا

امين
ميرسي يا مرمر يا قمر
ربنا يعوضك ويباركك

[bolalover]

الكذب = لا لا ده مش كذب دي مجامله

الحلفان = ياعم ماتكبرش الموضوع دول بس شويتين كده
علشان يصدقوني

الشتيمه = شتيمه !! شتيمة ايه لا سامح الله ده مجرد تهريج
وهزار

النميمه =اهه معلش هانعمل ايه بنتسلي ماشيها بقي وبلاش تعقدي الدنيا كده

الادانه =لا لا دي مش ادانه ده نقد !!!!!!!!!!!!
" رغم ان الفرق بينهم كبيييييييير جداااااا "

الشهوه = شهوة ايه بس وليه الكلام الكبير ده
ده حب برئ


معادلات قوية جدا و بتبين قد ايه الشيطان بيعرف يحللنا الغلط

شكرا كتير يا ايمي

[بنت الراعي]

المشاركة الأصلية كتبت بواسطة bolalover الكذب = لا لا ده مش كذب دي مجامله الحلفان = ياعم ماتكبرش الموضوع دول بس شويتين كده علشان يصدقوني الشتيمه = شتيمه !! شتيمة ايه لا سامح الله ده مجرد تهريج وهزار النميمه =اهه معلش هانعمل ايه بنتسلي ماشيها بقي وبلاش تعقدي الدنيا كده الادانه =لا لا دي مش ادانه ده نقد !!!!!!!!!!!! " رغم ان الفرق بينهم كبيييييييير جداااااا " الشهوه = شهوة ايه بس وليه الكلام الكبير ده ده حب برئ معادلات قوية جدا و بتبين قد ايه الشيطان بيعرف يحللنا الغلط شكرا كتير يا ايمي

صدقني يا بولا احيانا الشيطان نفسه بيكون شماعه
بنعلق عليه اخطائنا وقازورتنا
احيانا كتير خطايانا بتكون نابعه من جوانا
لان الشيطان مش بيجبر حد هو بيعرض بس وبيتدخل اما يلاقي
عندنا الاستعداد للخطيه
ميرسي كتير يا بولا
ربنا يعوضك ويباركك ويفرح قلبك

[elphilasouf]

طيب يا ايمى موضوعك دخل فى نفوخى ولحد دلوقتى مش عارف اطلعه
ونفوخى قالى عشان اطلعه لازم ايمى
تجبلنا الفرف بين الازواج دول

الكذب و مجامله
الحلفان و شويتين الكده علشان يصدقوني
الشتيمه والتهريج وهزار
النميمه و البنتسلي
الادانه و النقد
الشهوه وحب برئ

[بنت الراعي]

المشاركة الأصلية كتبت بواسطة elphilasouf طيب يا ايمى موضوعك دخل فى نفوخى ولحد دلوقتى مش عارف اطلعه ونفوخى قالى عشان اطلعه لازم ايمى تجبلنا الفرف بين الازواج دول هههههههههههههههه طب كويس انه دخل وعجبك حاضر يا جورج انت تأمر ال يعني مش عارف الفرق ال الكذب و مجامله الحلفان و شويتين الكده علشان يصدقوني الشتيمه والتهريج وهزار النميمه و البنتسلي الادانه و النقد الشهوه وحب برئ

الكذب =ده طبعا كلنا عارفينه ههههههههههه
هو عكس الصدق اننا مانقولش الحقيقه مش نداريها لا ده ممكن نقول عكسها
المجامله =المجامله دي حاجه من وجهة نظري كويسه بس انهي نوع بقي
النوع الصادق اللي بيدي الناس ثقه في نفسهم يعني مثلا
واحده تخينه جدااااااااا وشكلها مش حلو بس عندها حاجات جميله شخصيتها مثلا
وهي موضوع شكلها مغطي عليها
فنقولها ده انتي عندك كذا وكذا جميل مش عند كتير من الناس انما جمال الشكل والجسد عند كتير
احنا هنا جاملناها بس بالصدق كده يعني
في كلمه جميله اوي قالها الانبا موسي قال :
"كن صريحا ومريحا "
يعني ماتكونش صريح ومتعب تقول كلامك زي اللي بيحدف طوب مش كلام ههههههههه

الحلفان =طبعا ده مش محتاج نتعرف عليه
وده حله بس الصدق مماانا لو صادقه في كل كلامي في كل تحركاتي
مش هااحتاج للشويتين دول علشان يصدقوني

الشتيمه والتهريج=دي بقي كارثه كبيره لاننا بنقع فيها بمنتهي السهوله
تخيلوا اما ربنا يقول الشتامون مش هايدخلوا ملكوت الله
هو ماقلش اللي بجد ولا بتهريج طبعا
ازاي بقي نهرج ونهزر بس من غير غلط من غير شتيمه
يعني هو لازم الشتيمه وسط الكلام احنا ممكن نهرج عادي من غير مانشتم انا الحقيقه مش شايفه ضروره للشتيمه في التهريج
ربنا طبعا مش عايزنا مكشرين وعابسين لكن عايزنا فرحانين ومبسوطين
لكن لازم فرحنا يكون من خلاله مش من خلال
الفاظ وكلمات عالميه او كلمات خارجه او جارحه
يا جماعه صدقوني احيانا بنكون بنهرج واللي قدامنا مبسوط وبيضحك بس متضايق
او محرج من كلامنا واحنا مش حاسين لانه مش مبين

النميمه والتسليه = دي بقي اتكلمنا فيها كتير لو تفتكر يا فيلو في موضوع
ليه كل الناس بتتكلم علي كل الناس يارب تكون فاكره

الادانه والنقد= دول بقي الفرق بينهم زي السما والارض
الادانه اننا نحكم علي حد ونلومه علي حاجه عملها وجايز نكون احنا نفسنا بنعمل اكتر منها بكتير لكن مش شايفين الخشبه اللي في عيونا
اما النقد فده له كذا نوع ومنه النقد البناء وده افضل انواع النقد
وده بيكون بطريقه ماتجرحش اللي قدامي ونابع عن خوف ورغبه في تحسين اللي قدامي
مش حكم عليه ولا ادانه

الشهوه والحب=الحب عطاء
الشهوه اخذ الشهوه تطلب مالنفسها
الحب اني اخاف علي اللي بحبه اكتر من نفسي احافظ عليه وعلي مشاعره
الحب بيكبر بمرور الزمن وبيزيد مع كتر الاقتراب مع بعض
الحب اني احب الطرف التاني اكتر من نفسي اهتم بيه من غير مااستني مقابل لحبي
من غير مااعاتبه لو مااتقابلش الحب ده بحب
الحب كلمه كبيره تحتوي داخلها الايمان المسيحي كله
الحب هو اللي عمله ربنا له كل المجد علي عود الصليب
مات عن اللي بيحبهم اللي هما احنا من غير مايستني حتي مننا كلمة شكر
مات عننا من غير مانطلب منه ده
بيسامحنا دايما ومهما نعمل فيه مستحيل يكرهنا هو ده الحب اللي بجد اللي المفروض اننا نتعلمه لانه اسمي معاني الحب بجد
اما الشهوه بقي فهي اني اهم حاجه يبقي الانسان بيفكر في نفسه عايز يلبي رغباته باي طريقه من غير مايفكر في اللي قدامه عايز ايه او حاسس بايه
الشهوه بتقل بمرور الزمن لحد مايجي يوم تختفي فيها
الشهوه بتجلب لصاحبها مشاكل وعر وخطايا كتييييير انا الحب الصادق الحقيقي بيكون فخر للانسان
بس بقي كفياك كده يا فيلو
الكلام ده من وجهة نظري الشخصيه وهي طبعا تحتمل الغلط
ميرسي كتير يا فيلو
لمرورك وردك الميل وسوري طولت عليك بجد سوررررررري
ربنا يعوضك ويباركك ويفرح قلبك

[elphilasouf]

المشاركة الأصلية كتبت بواسطة بنت الراعي بس بقي كفياك كده يا فيلو الكلام ده من وجهة نظري الشخصيه وهي طبعا تحتمل الغلط ميرسي كتير يا فيلو لمرورك وردك الجميل وسوري طولت عليك بجد سوررررررري ربنا يعوضك ويباركك ويفرح قلبك

انا شكلى تعبتك فى كتابه الرد الكبير ده كله
بس شرح وافى وحلو منك
ومش انا الى هراجع وراكى يا ايمى
نرجع بقى للموضوع ونشوف

ليه بقينا كده ؟؟ وايه اللي وصلنا للدرجه دي ؟؟
اولا دي صفات اهل العالم مش صفتنا احنا ولاد المسيح
وللاسف اكتسبنا الصفات دي
عشان بعدنا عن السمويات واهتمينا بالارضيات
بعدنا عن المسيح واهتمينا بالعالم

وطبعا الكلام ده مش جديد علينا ماحنا عرفين كده
بس احب ازود حاجه......وهى نظرتنا للموضوع ده
هل هو منتشر ..........ام غير منتشر

من زمان الكلام ده موجود
ومن زمان الشر موجود والخير كمان موجود
الشر زاد فعلا لكن الخير كمان زاد
والكلام ده مش جديد ,, لأ الكلام ده من زمان وهو ده العالم
مش جديد عليه

وبتبقلنا الاختيار
بين
حـــــــــــــــضــــــن الحبيب
ونااااااااااااااااااار الــعالم

[kamel]

صدقينى موضوعك كبير وخطير
ويمس قلب الكبير والصغير
وأصبح الشيطان يتلاعب بالأفكار
والكل دارى وأصبحت الحياة أستهتار
ربنا يرحمنا فالعصر أصبح فى أنهيار
أشكرك لكلماتك الصادقة الهادفة

[بنت الراعي]

المشاركة الأصلية كتبت بواسطة kamel صدقينى موضوعك كبير وخطير ويمس قلب الكبير والصغير وأصبح الشيطان يتلاعب بالأفكار والكل دارى وأصبحت الحياة أستهتار ربنا يرحمنا فالعصر أصبح فى أنهيار أشكرك لكلماتك الصادقة الهادفة

استاذ كامل دايما رد حضرتك بيسعدني ويشرفني
ميرسي كتييييييييير لحضرتك علي
المرور الجميل والرد الرائع
ربنا يعوضك ويفرح قلبك