[elphilasouf]

كتير مننا يسمع عن الفلسفه
ده لو محدش سمعه تقيل يعنى

ويمكن نسمع عنها انها بتاعه المجانين او الهبل
ومعقده وكلام كده
طيب نعرف الاول يعنى ايه فلسفه باختصار
يعنى ايه فلسفه??

الفلسفة لفظة يونانية مركبه اصلها فيلوسوفيا φιλοσοφία
وهى كلمه مركبة من مقطعين "فيليا" أي "محبّة"
و"صوفيا" أي "الحكمة"
، أي أنها تعني "محبة الحكمة"
وبمعنى اشمل
"محبه المعرفه"

وهى التفكير فى كل حاجه والتفكير فى التفكير فى كل حاجه
التفكير بوجه عام
والتفكير للمعرفه

يعنى
باختصار هى حب كل واحد فينا انه يعرف
وحبنا للمعرفه حاجه موجوده فى طبيعتنا اصلا
< < بمعنى كلنا فلاسفه بطبيعتنا > >

انا لما جيت اسجل فى المنتدي واخترت اسمى
elphilasouf
مكنتش فيه نوع من الكبر او الاستعلاء
لكن مجرد حب للحكمه والمعرفه
زي اسامى كتير
حبيب يسوع
حبيب ماجرجس

وبنفس الطريقه ليه كمان ميكونش فيه
حبيب الحكمه "فيلسوف"
وطبعا ده ابدا ميدلش انى بحب الفلسفه اكتر من ربنا طبعا لألألألألألألألألألأ

ديما لما اصلى
اطلب من ربنا الحكمه
وايه اهم من الحكمه بعد حب المسيح؟!!
الحكمه فى التصرف
الحكمه فى الكلام
الحكمه فى الفعل
الحكمه فى كل حاجه

طيب ياعم انت عامل الموضوع ده ليه عشان تقول الكلام ده
ولا عشان ايه خلصنا
حاضر
باختصار كده انا شايف كل الناس الى قدامى فلاسفه
كلاهم كلاهم ؟
ايوه كلهم بس سعات مبيكونوش غير كده
مبيكونوش فلسفه غير كده امتى بالزبط
الى مشاعره بتحكم تصرفاته لايمكن يكون فيلسوف
الى بيتصرف ابل مايفكر لا يمكن يكون فيلسوف
الفيلسوف ابدا ميعتمدش ع مشاعره
ميكونش متسرع
الفيلسوف عواطفهه محكومه بعقله
الفيلسوف ليست لعواطفه سلطه عليه بل لعقله
الفيلسوف هو انسان بيحب يعرف كتير وده موجود فى كل الناس
الفيلسوف بيفكر كتير ابل مايتحرك يفكر كويس عشان يتصرف كويس

ههههههههههههه طبعا دي مش صفاتى انا
انا بحاول بس تبقى فيا
ده المفروض تكون صفات اي فيلسوف
صفات كل واحد فينا يعنى

فلست وحدي فلفسوف
كلنا فيلــــــــــــــسوف

والسؤال المطروح
هل كل مره كنت متسرع فيها ندمت بعديها ولا لأ ؟
هل كل مره لما اعتمدت ع مشاعرك بس ولغيت عقلك ندمت ولا لأ ؟

المصدر: †† ارثوذكس †† - من قسم: صندوق مناقشات الاعضاء

[ماروجيرافك]

والسؤال المطروح هل كل مره كنت متسرع فيها ندمت بعديها ولا لأ ؟

هو اه التسرع من الصفات الغير مستحبه بس مش في كل المرات ندمت بالعكس كان التسرع افيد في الوقت ده والموقف ده

هل كل مره لما اعتمدت ع مشاعرك بس ولغيت عقلك ندمت ولا لأ ؟

بيني وبينك الواحد لازم فعلا يحكم عقله مع مشاعره لان في معظم الاوقات بنأثر بموقف من جهه مشاعرنا بس لو فكرنا شويه اكيد القرارت هتتغير
شكرا يا فيلو علي الموضوع الجميل ده

[ELMAGEK]

يا ابنى قبل ما ارد او اقولك اى حاجة انتا كبير ياض يا فيلو
ومواضيعك كلها حلوة اوى وفعلا بتفيدنا خالص وليها مذاق خاص
يا فيلو بجد ربنا يكملك بعلقك يا ابنى ياما فى ناس كبار وعقلهم تيت
نرجع للموضوع تانى
ولسؤالك يا معلم

هل كل مره كنت متسرع فيها ندمت بعديها ولا لأ ؟


انا على العموم مش متسرع اوووى يعنى بس حصل وكان هنا فى المنتدى
ومع مايكل عبد الشهيد وفى الرياضة والموضوع المعروف يعنى وفعلا ندمت بعديها

هل كل مره لما اعتمدت ع مشاعرك بس ولغيت عقلك ندمت ولا لأ ؟




اة فعلا لما لغيت عقلى ندمت وندمت اوووى كمان وكانت مرة واحدة واحتفظ
بالتفاصيل سورى بس مرة احسن ما طول عمرى مريح عقلى
ميرسى يا فيلو بجد الموضوع روعة يا ابنى

[kamer14]

هههههههههههههههههههههه موضوع غاية فى الروعه يافيلو اهنئك

والسؤال المطروح
هل كل مره كنت متسرع فيها ندمت بعديها ولا لأ ؟

عموما مفيش حد بيغلط ومبيتسرعش بس متوصلش اوى للندم اهو الانسان عايش عشان يتعلم

هل كل مره لما اعتمدت ع مشاعرك بس ولغيت عقلك ندمت ولا لأ ؟

المفروض العقل والمشاعر مع بعض مش مشاعر بس ومش عقل بس وتقريبا محصلش مواقف زى دى عشان اندم او يمكن حصل الله اعلم










وحلو اوى التوقيع دة

لست وحدي فيلسوف
انا واحداَ مـــن الوف
φιλοσοφία

[marmarsh]

المشاركة الأصلية كتبت بواسطة elphilasouf ديما لما اصلى اطلب من ربنا الحكمه وايه اهم من الحكمه بعد حب المسيح؟!! الحكمه فى التصرف الحكمه فى الكلام الحكمه فى الفعل الحكمه فى كل حاجه الفيلسوف عواطفهه محكومه بعقله الفيلسوف ليست لعواطفه سلطه عليه بل لعقله الفيلسوف هو انسان بيحب يعرف كتير وده موجود فى كل الناس الفيلسوف بيفكر كتير ابل مايتحرك يفكر كويس عشان يتصرف كويس فلست وحدي فلفسوف كلنا فيلــــــــــــــسوف دول اكتر اجزاء عجبتنى فى الموضوع والسؤال المطروح هل كل مره كنت متسرع فيها ندمت بعديها ولا لأ ؟ طبعا كل واحد فينا ممكن يغلط ويتسرع مفيش حد فينا معصوم من الخطأ بس اهم حاجه واعقل واحد هو اللى يندم على تصرفه ويحاول انه يرجع لنفسه تانى ويكون الندم حقيقى مش كلام وخلاص هل كل مره لما اعتمدت ع مشاعرك بس ولغيت عقلك ندمت ولا لأ ؟ مينفعش الواحد يعتمد على مشاعرة بس ويلغى عقله لازم يكونوا الاتنين موجودين زى انه مينفعش الواحد يعيش بجسد من غير روح برده مينفعش الواحد يعيش بس باعتماده على مشاعرة ويلغى عقله وده اكيد لو حد اعتمد بس على مشاعرة ولغى عقله اكيد هيندم

ميررررررررررسى يافيلو بجد موضوع حلو تسلم ايدك

[اسامه سمسم]

ابو الفلافيل ايه يبنى الحلاوة والطعامه دى
جامد وكبير يا بنى من يومك
وبنسبا للموضوع

هل كل مره كنت متسرع فيها ندمت بعديها ولا لأ ؟

بص هو من الطبيعى ان الواحد يتسرع فى بعض قراراته
بس مش لدرجه الندم لان فى مواقف صعبه الواحد بيحتاج انه يفكر فيها كويس قبل اى قرار

هل كل مره لما اعتمدت ع مشاعرك بس ولغيت عقلك ندمت ولا لأ ؟
هههههههههههههههه
مرة وحده وندمان عليها
ومش هتتصلح ابدا
هههههههههههههههههههههه
وكفايا كدا لحسن طلاقى هيكون على ايدك
وشكرا على موضوعك الجميل يا
ابو الفلافيل

[الماكس مايكل]

موضوع جامد يابنى من يومك والله

هل كل مره كنت متسرع فيها ندمت بعديها ولا لأ ؟

مفيش حد مش متسرع فى قرارت بيخدها
بس مش لدرجه الندم


هل كل مره لما اعتمدت ع مشاعرك بس ولغيت عقلك ندمت ولا لأ ؟

لا انا بحكم عقلى اولا ومشاعرى ثانيا
وتقريبا محصلش مواقف زى دى عشان اندم عليه


ميرسى مره تانى يافله على موضوعك الفله اوى ده

[bolalover]

فلست وحدي فلفسوف
كلنا فيلــــــــــــــسوف




لا انت بس الي فلفسوف مفيش فلافيس تاني غيرك
لانك عيل مفلفتيس علي اخر فلفسة و كل فلفسة و فلفسة بتخرج منك بتبقا اجمد من الي قبليها
ربنا يبارك حياتك
و ميحرمناش من فلفستك

[M@@@NOOOO]

اولا موضوعوك جامد جدا
وطريقه عرضه حلوه اوى


هل كل مره كنت متسرع فيها ندمت بعديها ولا لأ ؟

لآ مش كل مره بكون متسرع فيها بيكون القرار غلط
بالعكس بجد ف مرات كتير اخدت قرارت بسرعه بدون اى تفكير
وكانت نتيجتها احسن بكتير

هل كل مره لما اعتمدت ع مشاعرك بس ولغيت عقلك ندمت ولا لأ ؟
اها مره واحده بس
والحمدلله مش ندمان عليها
لآنى ماتعودش اندم على اى قرار ف حياتى حتى لى كان غلط
لآن الحياه كل يوم بتعلمنا حاجات جديده

ثـــــــــــانكس فيلو

[مادونا نبيل]

الموضوع حلو اوى اوى بس كده الفلسفه ورايا ورايا فى كل حته فى الكليه و كمان فى المنتدى دانا مابصدق انساها شويه صغيرين
بس بجد موضوع جديد من نوعه يا فيلسوف

هل كل مره كنت متسرع فيها ندمت بعديها ولا لأ ؟

طبعا بندم جدا و كمان لانى متسرعه بس بقيت احاول انى متسعرش لانى بكده بزعل منى ناس كتير

هل كل مره لما اعتمدت ع مشاعرك بس ولغيت عقلك ندمت ولا لأ ؟

بصراحه انا مش حكم مشاعرى لازم العقل لان المشاعر دى مينفعش ناخد بحكمها و انا بصراحه مندمتش على حاجه زى كده