[emmmy]

انا ليا سؤال يمكن يكون غريب شوية
احنا لية بنصلى من اجل المنتقلين للسماء
ونطلب لهم النياح والراحة الابدية وبنذكرهم فى القداس وليهم صلاة مخصوصة صلاة الترحيم
مش الكتاب بيقول واعمالهم تتبعهم
يعنى لو هما عاش بمخافة اللة هيروحا السماء اكيد وزمانهم فعلا مرتاحين فى فردوس النعيم
وفى الحالة دى احنا اللى محتاجين صلاتهم عنا مهما كانت درجتهم بقى مدام وصلوا للديار
اما اذا كانوا عاش فى ضياع واختاروا طريق جهنم باعمالهم فى الحالة دى صلاتى انا هتنفعهم باية ؟
والبخور اللى بيتوزع فى جمعة الالام علشان نذكرهم واحد واحد مع كل بذرة من البخور
عاوزة رايكم ومدى اقتناعكم بالصلاة من اجل الموتى والمنتقلين سواء الغالبين والمنتصرين او الهالكين

المصدر: †† ارثوذكس †† - من قسم: سؤال وجواب

[emmmy]

اين الردود متناموش يا ارثوذكس

[ofa2011]

بصى يا ايمى الصلاة من اجل الموتى وذكرى اليوم التالت والاربعين 000الخ هى تعتبر تعزية من الكنيسة لاهلهم دى حاجة مهمة اوى اما بالنسبة لهم هما فهى من اجل السهوات وبما اننا جسد واحد معهم نصلى من اجلهم كما يصلون من اجلنا وبما انه لايوجد انسان بلا خطية ولو كانت حياته يوم واحد على الارض فهؤلاء المنتقلين مهما كانت درجة قداستهم وقاماتهم الروحية لهم سهوات وهفوات غير مقصودة فعلوها بغير معرفة هذه هى التى نصلى ان يتحنن الله عليهم ويغفرها لهم حتى لو حدقال ان ربنا حنون وهيغفرها بدون صلواتنالانها بدون معرفة منهم نرد ونقول دى مشاركة مننالهم ليستمر شعورنا باننا واياهم اعضاء جسد واحد وهناك نقطة اخيرة وهذه بالذات تامل شخصى وهى ان صلاتنا من اجل المنتقلين تذكير دائم لنا باننا سنكون معهم يوما ما فيكون ذلك حافز قوى على حياة الاستعداد والسهر الروحى

[elphilasouf]

هو ايه موضوع بخور يوم الجمعه ده
هو في طقس جديد نزل ولا ايه ؟

[aymonded]

أنا طبعاً مش هارد دلوقتي لغاية بس لما اشوف كلام الناس ورأيهم ، لأن هناك افكار كثيرة مشوشة عند الجميع ، مع ملحوظة اننا لا نصلي من أجل سهوات الذين انتقلوا لكي يغفر لهم الله بعد ان انتقلوا ، لأن كيف نطلب من أجل من تنيح أن الله يغفر له !!! هل بعد الموت يوجد توبة أو تغيير !!! وهذا واضح من الكتاب المقدس حينما تكلم الله مع الغني وقال له [ يا غبي اليوم تأخذ نفسك منك فهذه الذي أعددتها لمن تكون ] وغيرها الكثير من الشواهد والآيات التي تثبت انه لن تنفع صلاة لأحد لم يتب ويحيا لله بعد أن مات وانتقل من هذه الحياة !!! والغفران يصل للإنسان طالما تاب ، لأن الغفران مبني على دم المسيح الرب الذي لن ينتقص بسبب سهوات او ضعفات ، لأن هناك فرق عظيم ما بين سهوات الإنسان التائب والتي غفرت حتماً لأنه يحيا لله بكل صدق الإيمان والمحبة ويغتسل قلبه كل حين ويتطهر من ضمير شرير بجسد الرب ودمه ليخدم الله الحي ، وبين من هو لا يحيا مع الله من الأساس ولم يدخل في سر غفران الله !!!
أما صلاتنا من أجل الذين انتقلوا لماذا ، ولماذا نطلب لهم نياحاً وراحة ، هذا سأُجيب عنه في وقت لاحق ....

أشكرك جداً يا أجميل إيمي على سؤالك وحوارك الجميل ؛ النعمة معك

[cool_007]

ده سؤال حلو اوووي يا إيمي .. انا كنت لغاية فترة قريبة كنت بدور علي اجابة ليه .. لغاية ما لقيت الاجابة في كتاب سنوات مع اسئلة الناس الجزء الرابع ..

[emmmy]

اشكركم يا احبائى على الردود
وعلى فكرة --
انا مش معاكى يا ميرو فى رايك
بصى يا قمر دلوقتى الانسان لما بيموت بيكون مكانة حاجة من الاتنين يا اما الفردوس يا اما الجحيم مفيش تالت
الابرار مكانهم الفردوس والاشرار مكانهم الحجيم دة حكم نهائى مفيش استئناف خلاص مفيش فرصة تانى للتوبة او حتى الصلاة من اجلهم زى ما عملت القديسة مونيكا ام القديس اغسطينوس
الجزء الوحيد اللى ممكن اتفق معاكى فية الى حد الما
هو دة --
دى مشاركة مننالهم ليستمر شعورنا باننا واياهم اعضاء جسد واحد وهناك نقطة اخيرة وهذه بالذات تامل شخصى وهى ان صلاتنا من اجل المنتقلين تذكير دائم لنا باننا سنكون معهم يوما ما فيكون ذلك حافز قوى على حياة الاستعداد والسهر الروحى
وعلى سبيل التامل والاحساس مش الاجابة المنطقية اللى تتفق مع تعاليم المسيح وكلامة واعمالهم تتبعهم اشكرك حقيقى على مشاركتك وخليكى معانا الموضوع مازال مفتوح

صديقى الذى اعتز بية فيلو --
انا قرب يجرالى حاجة بسببك بجد بامانة
انت عاوز تجننى صح عاوز تودينى فين قولى بجد
ابوس ايدك يا جورج بلاش توهان تحب ابوس ايدك هات ايدك ابوسها هات يا راجل


استاذى الغالى احييك على ردك المبدع
حقيقى عاجزة عن الشكر وفى انتظار اجابتك بفارغ الصبر


مرسى عزيزى cool_007على مشاركتك من كتاب قداسة البابا
انا هرد عليك بس مش دلوقتى

[نادر شحاته]

شكرا لكم على الموضوع الرائع الرب معكم

[sara 2011]

ميرسى الرب يباركك

[emmmy]

اين الاجابات ؟؟
اين الردود ؟؟
اين انتم يا ارثوذكس ؟؟

يعنى انتوا بتصلوا من اجل الموتى
وانتم مش مقتنعين بدة علشان كدة
محدش بيرد عليا ويجاوبنى ولا اية ياااااترى ؟؟