[keroo82]

يلا يا بنتي جهزي نفسك عشان بكره الساعه 8 جاي عريس يتفرج عليكي!!!!!!!!!!

تصوروا إن الجمله دي فيه امهات بتقولها فعلا وللاسف ياجماعه انا ملاحظ ان فى بنات كتير رفضت انها تشوف العريس

جمله بترخص اى بنت!
عجبته هيشيل
معجبتوش هيكبر
ولو مدخلتش مزاجه يدور علي غيرها ما هو مش خسران حاجه!

يااااااااااااااااااه

للدرجادي غلا الجواز ورخصت البنات!

العنوسه زادت ومش زادت وبس

لا

دي بقت الاساس والباقي اللي بيتجوز بيكون هو الاعجوبه في زمننا ده

*اسئلتي للبنات*

1_ترضي ان عريس ييجي يشوفك ف بيت اهلك وانتي عمرك ما شفتيه؟

2_وهيبقي احساسك ايه وهو هيشوفك لاول مره؟

3_ولو رفضك هتحسي بإيه؟

4_وياتري هتعيدي التجربه دي مره تانيه؟

*اسئلتي للشباب*

1_ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟

2_هيكون احساسك ايه وانت رايح تشوف عروسه لاول مره؟

3_شايف انك ممكن تكون نفسك ف كام سنه او يكون سنك اد ايه علي ما تفكر جديا ف الجواز؟

*****************

طب ولو افترضنا ان العريس وافق علي العروسه والجوازه مشيت
طب الحب هيروح فين؟
ولا خلاص المفروض مفيش بنات تحب ولا ترتبط عشان اكيد البنت مش هتتجوز اللي بتحبه لان اهلها عايزين العريس الجاهز؟

معلش اسئلتي كترت

المصدر: †† ارثوذكس †† - من قسم: الموضوعات الشبابية

[روفــــا]

1_ترضي تروح تتجوز بنت من غير ما تعرفها او لمجرد انها حلوه ومؤدبه واهلها طيبين وتلغي الحب من حياتك؟
اولا انا مرضاش بكدة علشان ممكن يكون اهلها ناس طيبين ومعرفش البنت من جواها عامل ازاى علشان هى اكيد هتبقى قدام اهلها البنت الكاملة ومعرفش برة بيتعمل والغاء الحب من حياتى دة مينفعش علشان محدش يقدر يعيش من غير حب

2_هيكون احساسك ايه وانت رايح تشوف عروسه لاول مره؟
عادى كانى بعاين بضاعة ودة انا مرضاهوش

3_شايف انك ممكن تكون نفسك ف كام سنه او يكون سنك اد ايه علي ما تفكر جديا ف الجواز؟

ممكن يكون 26 علشان اكون فهمت اية معنى الجواز والحياة والمسئولية

اسف لو كلامى ضايق حد
ويسعدنى كمان انى اكون اول رد ارد على الموضوع المهم دة
ربنا يباركك ويحفظك

[maro$$]

1_ترضي ان عريس ييجي يشوفك ف بيت اهلك وانتي عمرك ما شفتيه؟
طبعا لالالالالالالاااااالالاال ااا
وكمان ازعل جدا لو حد يعرفنى او حتى من قريبى قابلنى فى مكان عاشان حد(عريس يعنى) يشونى((قال ايه صدفة))
دى كمان مش فارقة كتير وللاسف حتى الان يحدث

[marooooo]

_وهيبقي احساسك ايه وهو هيشوفك لاول مره؟
هحس اني عامله زي اكنه جاي يشتري حاجه مش هتفرق معاه اكتر من انه تعجبه وبس وفعلا مش هيكون خسران حاجه

[وردة حزينة]

1_ترضي ان عريس ييجي يشوفك ف بيت اهلك وانتي عمرك ما شفتيه؟

بص ياكيرو انا كنت بعمل ميت خناقه فى البيت بسبب الموضوع ده بحس قعلا انى بضاعه بتتعرض بس ده بيحصل فعلا والعبره بالقبول

2_وهيبقي احساسك ايه وهو هيشوفك لاول مره؟

ببقى حاسه انى سلعه تباع وتشترى

3_ولو رفضك هتحسي بإيه؟

نشكر المسيح عمرها ماحصلت معايا ولو كانت حصلت كنت هاتاثر نفسيا جدا جدا وهااحس قد ايه بالاهانه

4_وياتري هتعيدي التجربه دي مره تانيه؟

الصراحه ياكيرو البيت هو اللى بيعيد ميش احنا وبرده جوازات كتير بتنجح بالطريقه ده بس ميش معنى كلامى انى موافقه عليها انا برفضها وبشده بس حكم القوى على الضعيف
ميرسى ليك كيرو على الموضوع الحساس ده

[mego_mb]

انا معاك ان جواز الصالونات مش كويس بس صدقنى اغلب الشباب اللى بيتجوز صالونات غصب يارب
لانه مجرد مايخلص دراسه بيدور على شغل ولما يستقر فى شغل تبدا الدوامه وينسى نفسه ومجرد انه يحس انه جاهز للجواز يبدا يدور على بنت الحلال طبعا سنه كبر مش هيلاقى غير الصالونات ويا اما يوافق يا اما يفضل عازب لغايت مايلاقى الحب اللى ممكن يجى على قرب سن الشيخوخه

وساعات كتير جواز الصالونات بيكون انجح من جواز عن طريق الحب

ربنا يحفظك

[دو دو خادمة المسيح]

بصراحه انا محصلش معاي كده ولا هوافق انه يحصل كده

ولو رفضك هتحسي بايه

طبعا نفسيتي هتتعب وهرفض اي عريس بالطريقه دي تاني

مرسي ليك يا كيرو علي الموضوع الجميل ده
ربنا يباركك

[اللة يرعانى]

فعلا الموضوع دا كتير جدا بنت بتبقى بضائعة يعنى يشوف لو حلوة وجسمها مناسب يوافق عليها غير كدا يجرحها ويرفضها بس ياترى العريس يعرف صفاتها اسلوبها لا طبعا
انا ارفض الزواج بالاسلوب دا
مع انى اتخطبت بى وسبتو بعد سنتين لانة لايوجد حب بنا وفضلت اكمل تعليمى احسن من زواج فاشل

[جوسى]

وحشتونى جدا جدا


وموضوعك جميل يا كيرو و بصراحه انا ارفض ان عريس يجى يشوفنى واهلى اصلا مش هيسمحوا بكده

وبصراحه اللى الاب يعمل كده يبقى رخيص و بيرخص بنت وده رأيى بصراحه
وميرسى ليك و ربنا معاك

[ايساك]

اولا احب ان اشكرك على الموضوع الجميل دة

ثانيا .. مفيش حاجة اسمها حب البنت عاوزة الشاب اللى يجى يتقدملها..
وانا عمرى ما هروح اخطب بنت مش بحبها..ولو هى مكنتش بتحبنى هتحبنى مع الوقت لما تعرف انى بحبها وشريها..مفيش بنت تلاقى شاب بيحبها وشريها ومش هتحبة