**شاب مستهتر**
اوعى تسلمى قلبك واحساسك لقلب كداب
عاوز يتسلى بيكى وخلاص وتشوفى العذاب
اوعى من كلمتين حب تسرحى وتدوخى
وبعدين التالى بعد كدة اكيد طبعا هاتبوخى
لازم تتأكدى انة حب جد وواضح وصريح
ومش بيلعب بعواطفك وللحب بياع سريح
انا عارف انك ناصحة وناضجة وواعية
وعارفة مصلحتك ولسيرتك الصح سارية
ولية سيرتك دايما تبقى على كل لسان
علشان ترضى شاب مستهتر للعب جعان
عاوزك تشغلى عقلك قبل قلبك وتفكرى
قبل ما تخدى اى خطوة وكلة تخسرى
اوعى تغيرى حقيقى من فلانة وعلانة
هى دى المشكلة اللى دايما مغرقانا
نعم الصياد يقدر على الفريسة السهلة
ويخطط على البنت العبيطة الساذجة
ويغلب ويحتار امرة مع الصلبة وجامدة
لا يغريها مال ولا مظهر وتملى صامدة
واكيد كدابيين الحب عارفيين نهايتهم
والبنت الجدعة تقدر تكشف سيرتهم
وانسى بقى كلمة نظرة وردة فى كتاب
الحب الحقيقى هو اللى يدخل من الباب
اعملى حساب وقدرى ثقة اهلك بيكى
وانهم متأكدين من رزانتك ووثقين فيكى
انك تبقى صورة مشرفة دايما ليهم
وانتى حافظى على نفسك وارضيهم
اوعى تصدقى فى يوم كداب
ميلاد صدقى 19/7/2009