[اللة يرعانى]

للجالس على العرش وللخروف البركة والكرامة والمجد والسلطجان الى الابد امين

ما معنى هذة الاية واشمعنى مكتوب الخروف

سوال التانى

حول العرش اربعة حيوانات الاول شبة الاسد والتانى شبة العجل والتالت وجة انسان والرابع شبة صقر

اشمعنى الحيوانات دى واشمعنى اربعة لية مش تلاتة

ياريت الى يقدر يشرحلى ابقى متشكرة جدا

المصدر: †† ارثوذكس †† - من قسم: سؤال وجواب

[aymonded]

سلام بمحبة يا محبوبة ربنا يسوع
أولاً الخروف لأن المسيح هو حمل الله القائم كأنه مذبوح
فهو حمل الله رافع خطية العالم ، فهو سر الخلاص الأبدي
القائم بجروحه شهادة فداء لا تزول إلى الأبد

والأوجه الظاهرة لأربعة حيوانات غير متجسدة
تدل على الأناجيل المقدسة التي فيها قوة خلاص الله الأبدي
فهي تعبر عن أوجه الأناجيل الأربعة وظهور الله في الجسد
فالأناجيل أظهرت وجه المسيح المشرق في ملئ الزمان بقوة الخلاص الأبدي
خلاص المحبة الأبدي الذي له ، والرؤيا تعبر عن قوة المسيح كشخص حي وحضور محيي
وأن عمل الله عمل أبدي ن لأنه دخل مرة واحده للأقداس بدم نفسه فوجد لنا فداءً أبدياً

هذا باختصار شديد وإيجاز لأن الموضوع يحتاج شرح مطول
أقبلي مني كل تقدير بمحبة ؛ النعمة معك

[اللة يرعانى]

بجد مش عارفة اشكرك ازاى يا استاذ ايمن مرسى على التوضيح

كنت بقراء فى الانجيل فى رؤيا يوحنا فى اسئلة كتير ومعرفتش اكمل غير لما افهم مرسى ليك بجد

انتا شخصية نادر وجدها فى العالم يا استاذ ايمن

ربنا يعوضك

[aymonded]

المشاركة الأصلية كتبت بواسطة مريم بجد مش عارفة اشكرك ازاى يا استاذ ايمن مرسى على التوضيح كنت بقراء فى الانجيل فى رؤيا يوحنا فى اسئلة كتير ومعرفتش اكمل غير لما افهم مرسى ليك بجد انتا شخصية نادر وجدها فى العالم يا استاذ ايمن ربنا يعوضك

مش للدرجة دية يا محبوبة ربنا يسوع
في كتير افضل مني يكتيييييييييييييييييييييي ير
انا اصغر الكل واقل الجميع ليس عن اتضاع إنما بالصدق والحق
أقبلي مني كل تقدير واحترام لشخصك الحلو جداً
غنى النعمة ووافر السلام لك كل حين
من إلهنا الحي القدوس آمين

[بنت الراعي]

ميرسي يا مريم علي السؤال وميرسي اووووي
استاذ ايمن علي التوضيح بس معلش سامحني
انا مش فاهمه الجزء بتاع الحيوانات وعلاقتهم بالانجيل
معلش انا عارفه اني هااتعب حضرتك بس ياريت توضحها لي اكتر لو سمحت
ربنا يعوضك ويبارك حياتك

[aymonded]

المشاركة الأصلية كتبت بواسطة بنت الراعي ميرسي يا مريم علي السؤال وميرسي اووووي استاذ ايمن علي التوضيح بس معلش سامحني انا مش فاهمه الجزء بتاع الحيوانات وعلاقتهم بالانجيل معلش انا عارفه اني هااتعب حضرتك بس ياريت توضحها لي اكتر لو سمحت ربنا يعوضك ويبارك حياتك

كل أنجيل بيشرح وجه من أوجه عمل المسيح في التجسد
الأسد ( يثشير لقوة المسيح وقيامته ) : إنجيل القديس مرقس الرسول الذي نسمع فيه صوت اسد صارخ في البرية ( مر1: 3) مشيراً للأسد الخارج من سبط يهوذا وهو المسيح الحي الذي اصبح اسد ظافراً وملكاً على الجميع كمملكة كهنوتية جديدة في قلوب من يؤمن به .

شبه العجل ( يُشير إلى كهنوت المسيح وشفاعته وهو الكاهن والحمل والذبيحة ): إنجيل القديس لوقا الرسول الذي بدأ بكهنوت زكريا النبي مقدماً ذبيحة عن الشعب مشيراً لانتهاء الكهنوت القديم وبداية كهنوت المسيح الكلمة المتجسد وأنه هو الذبيحة الحية .

وجه إنسان ( يُشير إلى التجسد ) : إنجيل القديس متى الرسول الذي يجتهد في إعلان نسب العذراء مريم التي اخذ منها الرب يسوع المسيح جسداً

النسر ( يُشير لعمق عظمة قوة اللاهوت واستعلان مجد لاهوت المسيح الحي وحلول الروح القدس على الكنيسة ) : إنجيل القديس يوحنا الرسول ، إذ صار مثل نسر طائر لا يشيخ ، يرفرف بجناحية محلقاً في أعماق لاهوت السيد الرب الإله الحق متحدثاً عن كلمة الله مفتتحاً الإنجيل بالكلمة ...

فالأناجيل الأربعة يمثلها مخلوقات بأجنحه تحمل الكنيسة وتطير بها أمام العرش الإلهي مقدمة أياها كعروس مرتفعه نحو السماوات مزينه لعريسها القدوس ومعطرة بمجد لاهوته الذي لا يزول ...

أرجو أن أكون وضحت في عجالة سريعة بعض من شروحات الآباء والذي يتعذر أن آتي بها كلها
أقبلي مني كل تقدير بمحبة ؛ النعمة معك كل حين آمين

[بنت الراعي]

انا متشكره جدا استاذ ايمن انا فهمت
دلوقتي لاني فعلا مش كنت فاهمه حكايه الاربعة حيوانات دي
بس نشكر ربنا دلوقتي فهمت والبركه في حضرتك
ربنا يخليك لينا ومعلش سامحني علي التعب اللي سببته لحضرتك
ميرسي اوووووووووووووووووي
وربنا يعوضك ويبارك حياتك

[aymonded]

تعب !!!
تعب ايه مين اللي تعب !!!

انا مش تعبت ولا حاجة يا محبوبة ربنا يسوع
والشكر لله الحي الذي يعلن لنا مجده
أقبلي مني كل تقدير بمحبة في ربنا يسوع
غنى النعمة ووافر السلام لشخصك الغالي جداً

[اللة يرعانى]

ربنا يعوضك تعب محبتك يا استاذ ايمن

ويخليك لينا يارب

[aymonded]

المشاركة الأصلية كتبت بواسطة مريم ربنا يعوضك تعب محبتك يا استاذ ايمن ويخليك لينا يارب

ويخليكي يا محبوبة ربنا يسوع والقديسين
أقبلي مني مع الجميع كل تقدير بمحبة
ولنصلي بعضنا من أجل بعض
النعمة معك كل حين آمين