[emmmy]

وانت بتقطع الخشب عشان تعمل المزود بتحط خشبه على خشبه وبتحاول تدق فيها مسمار عشان عاوزها بشكل معين وفي الاخر حسيت ان شكلها مش قوي عاوزها بشكل احسن ففكيت المسمار بعد ما دقيته وغيرت شكل الخشبه كل ده ليه ؟؟؟؟؟ مش لانك عاوز تعمل المزود بشكل احسن ؟؟؟؟!!! شوف قد ايه دقيت المسمار والخشب بيتقطع وبيدق فيه مسمار وبيستحمل وهو مش عارف انت عاوز تعمل فيه ايه لكن في النهايه خالص بيشوف قد ايه عليت قيمته وجعلته حاجه قيمه الناس تتصور جنبه بعد ما كانت الناس بتدوس عليه ومش مقدره قيمته اهو احنا زي الخشب بالظظظظظظظظبط بندخل في تجارب ونتالم ونتعذب ونحزن ونمر بضيقات كتير لكن ربنا بيعمل كده ليه ؟؟؟؟ ليه بنتالم ؟؟؟ ليه كل الحزن الي بنمر فيها ده ؟؟؟ ليه كل الضيقات ده؟؟؟ كل ده عشان ربنا بيخلينا احله واحله عاوزنا نكون اجمل حاجه عايز يعلي من قيمتنا اكتر واكتر عاوزنا بقيمه غاليه ثمينه نتعب كتير معلش نتحمل ونفتكر داااااايما انه عاوزنا نكون احسن واحسن ومش من حقه اننا نبعد عنه او نزعل منه او نقاطعه لا من حقه نروح ونزوره في بيته نكلمه ونقوله بنشكرك لانك مهتم بينا وبتشكلنا وبتغلينا لما بنقف في القداس ونشكر ربنا بنبوس ايدينا وش وظهر الوش بنشكره على كل حاجه ادهالنا والظهر بنشكره على كل حاجه راحت من بين ايدينا او ما حصلناش عليها يعني بنشكره على كل حال عارف ان الي في ضيقات ده هو الي بجد المفروض يقف يشكر ربنا على عنايته بيه فكر شوية وانت في التجربه قول انا ليه ربنا بيجربني وفلان الفلاني سعيد هي السعاده بعيده عن ربنا ؟؟هتلاقي انك انت بتحزن اه لكن بتخزن كنز تفرح بيه يمكن الكنز يطلع يعد يوم ممكن بعد اسبوع مكن شهر هو عاملك مفاجاةو هيديهالك في الوقت المناسب اشكره على اهتمامه انه بيخليك اسعد من الانسان السعيد ده (( ان الضيقات هي عمليات تجميييييييييييييييييييل يجريها الرب يسوع في نفوسنا )) ومافيش عمليه مافيهاش جراحه صدقني ربنا بيحبك و بيشاور عليك ويقول هو ده ابني الي بحبه حب كبير كبير اكبر من اي حد حواليه كل ما التجارب تزيد الاستفاده في الاخر بتكتر بالتالي ده يدل على حب اكبر

صلوا من اجلي ومن اجل كل المحتاجين الى صلاه ومن اجل ضعفي والذين في تجارب

المصدر: †† ارثوذكس †† - من قسم: التأملات الروحية والخواطر الفكرية