[nana222]

كل سنة وانتوا طيبيين ووانتوا فرحانيين

يا رب كل واحد يكون فرحان بالسنة اللى ربنا ادهالوا .. ونفتكر كام حاجة ربنافرحنا بيها، وكام حاجة حتى ضايقتنا لكن ربنا وقف جنبنا وعرفنا نعديها ودلوقتى لمانفتكرها نستغرب ونقول انا مش عارف ازاى بعد ما كنت فاكر انى عمرى ما هعدى المشكلةدى ربنا عدها كدا ودلوقتى بقت مجرد ذكرى عابرة

وحتى للى بيمروا حالياً بمواقف صعبة، بقولهم افتكروا كل موقف ربنا عداه عليكوا على خير عشان ايمانكوا يبقى اقوى .. هى فعلا بتبقى ايام صعبة .. بس معلش كلوا بيعدى واللى عدى كل سنين عمرنا اللى فاتت قادر يعدى اى حاجة صعبة بنمر بيها

عايزا اقولكوا لو حد عايز يبقى فرحان اكتر النهارده .. ونفسه يسرق الفرحة كدا بالعافية .. عايزا اقترح عليك .. فكر فى اى حد انت بتحبه هاتلوا هدية صغيرة خالص خالص .. لو عندك اطفال فى العيلة هاتلهم اى حاجة صغيرة

او حتى كلم فى التليفون الناس اللى انت بتحبهم وقوللهم كل سنة وانتوا طيبيين .. ولو انت نزلت من البيت ومقولتش لبابا وماما واخواتك او مراتك او جوزك كل سنة وانت طيب .. كلمهم دلوقتى .. متستناش لما ترجع قوللهم كل سنة وانتوا طيبيين .. صدقنى هيبقى ليها طعم تانى

ويا ريت كمان تكلم حد انت عارف انه عنده مشكلة او حاسس بالوحدة.. او مش حاسس ان فى حد بيحبه .. او حتى حد انت زعلان منه او هو زعلان منك.. او أى حد انت عارف انه مجروح لأى سبب

صدقونى الحاجات دى بتبان اننا احنا اللى بنفرح الناس .. لكن الحقيقة بقى ان احنا اللى بنبقى فرحانيين .. وبنحس بجد بالعيد... جربوها بس

ولو حد عنده افكار تانية ممكن تفرحنا النهارده يا ريت يقولهالنا

كل سنة وانتوا طيبيييييييييييييييييييييي ييييييييييييييييييييين

المصدر: †† ارثوذكس †† - من قسم: التأملات الروحية والخواطر الفكرية

[rozy lover]

كلوا بيعدى واللى عدى كل سنين عمرنا اللى فاتت قادر يعدى اى حاجة صعبة بنمر بيها اشكرك يارب على كل عطاياك ليا السنين اللى فاتت
ميرسى كتير على الموضوع الهايل دا وربنا يفرح قلبكم كلكم
ربنا يعوض تعب محبتك

[nana222]

شكرا روزى لمرورك الجميل

[نبيل نصيف جرجس]

موضوع حلو اوى يا نانا والفرح دا شىء مقدس لان الرب بيقول افرحوا كل حين
ربنا يملى حياتنا فرح ويدينا قدرة اننسعد الجميع

[ملكه الاحزان]

موضوع رائع ربنا يبركك

[nana222]

شكرا نبيل لمرورك الجميل

[nana222]

شكرا ملكة الاحزان لمرورك الجميل