[الناى الحزين]

الى من يهمه الامر

الى من يهمه الامر
كبير صغير لا يهم العمر

المهم انه يوصل الرساله ويقول
لصديق غالى وفى بالى على طول

هو شاعر حساس ورقيق
دايما فى حزنى ليا افضل رفيق

فى كلامه بلاقى نفسى
وباحساسه بلاقى حسى

اخويا وصديقى

عماد حسنى

اللى ببعده عنى فيه شئ ناقصنى

دخل بينا عدو الخير الشرير
خلانى اقول كلام مايرضيش حتى الغير

فى ساعه غضب رديت بكلام
بعد ما قولته لاقتنى مش عارف انام

لانه كلام بايخ وكتير وثاقيل
ياريت تنسى يا

عماد كل الاقاويل

بقدملك اسفى واعتزارى
يمكن ده يقلل من مرارى

صدقنى زعلك منى مخلينى
احزن حزن صدقنى بيبكينى

ياريت ياعمده نرجع زى زمان
فاكر لما كنا احباب واخوات كمان؟

وانا يرضينى منك اى عقاب
ولو يرضيك اوصلك لحد الباب

واقولك سمحنى يا صاحبى
مستحيل بصداقتك دى هضحى

خلاص بقى قول انك مش زعلان
وخلينا نرجع زى بقى زمان

الى من يحبنا واحنا غالين عليه
ياريت تقولوا انى قلقان عليه

لان حاله اليومين دول مش عاجبنى
ارجوك يا عمده عليك بجد تطمنى

وقولى منك انا مش زعلان وانابخير
علشان اطمن بس ويرتاح الضمير

يا عماد يا صاحبى محدش ضامن الايام
ده ممكن بكره الناى يكون فى خبر كان

يرضيك تحصل حاجه زى كدا
وانت زعلان منى بالشكل ده ؟

هقولها تانى وللمره المليون
اسف ياعماد وانسى وخليك حنون

المصدر: †† ارثوذكس †† - من قسم: القسم الادبي

[نبيل نصيف جرجس]

دايما قلبك كبير وكلامك وفى محبتك مش شايف ليها مثيل
حب الرب فى قلبك اكبر دليل انك بتحب اخواتك بكل تدبير
ربى احمية وخلية على طول لينا دايما ناى يشجن فى القلوب
ربنا يخليك لينا يا احلى ناى وتفضل محبتك وبجد احنا كلنا بنحبك واكيد استاز عاماد مش زعلان بردة بحبك

[@M@R!N]

واااااااااااااااااااااااا اااااااااااااااو يا ناااااااااي
ايه الكلام التحفه ده
دانت طلعت شاعر من وراناا

نااي انت انساان تحفه بجد
و عمااد قلبه ابيض وبيحب كل الناس بجد
واكييد وياااريت مايكونش زعلان منك
ويااااااااااااااااارب ترجعوا اخوات وحبايب زي الاول لان بجد الصداقه دي اجمل حاجه
ربنا يبارك حياتك يا ناااااااي


((هزعل منك عشان تكتبلي شعر حلو كده هيهيهيهييهي))

[كيرو رافت]

وبعد ان عادت المياه الى مجاريها

انا زعلان منك يا جوز الجاموسه

وابو كل عجل موجود على الارض

وعايزك تكتب لى قصيده غزل زى دى تصالحنى بيها

واختك مارينا قرفانه منك وزعلانه جدااااااااا صالحها

يالا بقا جاتك القرف

يا ناكر الجميل عامل زى القطط تاكل وتنكر

موش هايكفينى فيك قصيدتين

النعمه معك يا صديقى الحلو وانشوده حب

[عماد حسنى]

طبعا من كل قلبى بشكر ناى على كل كلمه كاتبها فى القصيده دى
وعلى محبته الكبيره ليا ولكل الاعضاء
وبعدين الموضوع كان بسيط جدا جدا يا جماعه والحمد لله عدى على خير وسلام
لان المحبه لا تسقط ابدا
بس ناى من محبته الزياده اوى اللى موجوده وسطينا كلنا كتب الموضوع الجميل اوى ده
شكرا جدا جدا ناى ولكل الناس اللى شاركت
نبيل
ومارينا
وكيرو رافت

[الناى الحزين]

المشاركة الأصلية كتبت بواسطة نبيل نصيف جرجس دايما قلبك كبير وكلامك وفى محبتك مش شايف ليها مثيل حب الرب فى قلبك اكبر دليل انك بتحب اخواتك بكل تدبير ربى احمية وخلية على طول لينا دايما ناى يشجن فى القلوب ربنا يخليك لينا يا احلى ناى وتفضل محبتك وبجد احنا كلنا بنحبك واكيد استاز عاماد مش زعلان بردة بحبك

بلبل بجد انا عاجز عن الرد
بجد لو كان عندى محبه فا بجد بحاول اتعلم منك
لانك انت كلك محبه
بلبل ربنا يخليك ليا ولكل المنتدى بجد انا بحبك جدا من قلبى يا احلى بلبل
يا بلبل يغرد فى سماء قلبى
وانا مش استاهل الكلام ده لانه كلام اكبر منى بكتير اشكرك يا نبيل ربنا يفرح قلبك يا رب

[الناى الحزين]

المشاركة الأصلية كتبت بواسطة @m@r!n واااااااااااااااااااااااا اااااااااااااااو يا ناااااااااي ايه الكلام التحفه ده دانت طلعت شاعر من وراناا نااي انت انساان تحفه بجد و عمااد قلبه ابيض وبيحب كل الناس بجد واكييد وياااريت مايكونش زعلان منك ويااااااااااااااااارب ترجعوا اخوات وحبايب زي الاول لان بجد الصداقه دي اجمل حاجه ربنا يبارك حياتك يا ناااااااي ((هزعل منك عشان تكتبلي شعر حلو كده هيهيهيهييهي))

شكرا يا احلى مارينا على كلامك الجميل بجد انتى فعلا انسانه جميله وربنا يفرح قلبك يارب


اما بخصوص الشعر وانك هتزعلى علشان اكتبلك شعر
احب اقولك
اتفلقى احسن
كع كع كع كع كع كع كع كع

[الناى الحزين]

المشاركة الأصلية كتبت بواسطة كيرو رافت وبعد ان عادت المياه الى مجاريها انا زعلان منك يا جوز الجاموسه وابو كل عجل موجود على الارض وعايزك تكتب لى قصيده غزل زى دى تصالحنى بيها واختك مارينا قرفانه منك وزعلانه جدااااااااا صالحها يالا بقا جاتك القرف يا ناكر الجميل عامل زى القطط تاكل وتنكر موش هايكفينى فيك قصيدتين النعمه معك يا صديقى الحلو وانشوده حب

انت زعلان وانا دوز الدموسه

طب ردى عليك هو نفس ردى على مارينا
شوف كدا اخر حاجه كاتبهالها هى ايه؟

[الناى الحزين]

المشاركة الأصلية كتبت بواسطة عماد حسنى طبعا من كل قلبى بشكر ناى على كل كلمه كاتبها فى القصيده دى وعلى محبته الكبيره ليا ولكل الاعضاء وبعدين الموضوع كان بسيط جدا جدا يا جماعه والحمد لله عدى على خير وسلام لان المحبه لا تسقط ابدا بس ناى من محبته الزياده اوى اللى موجوده وسطينا كلنا كتب الموضوع الجميل اوى ده شكرا جدا جدا ناى ولكل الناس اللى شاركت نبيل ومارينا وكيرو رافت

عماد حسنى
بجد اشكرك من قلبى على مشاركتك الجميله
وفعلا المحبه لا تسقط ابدا
ربنا يديم المحبه يا عمده وميحرمناش من بعض ابدا يا اعز صديق

[mary_osama]

ربنا يديم عليكم المحبه ببركة يسوع والقديسين