[ايرين عازر]

12 طقم ملابس

قصه رجل بسيط اسمه عبد المسيح يعيش وحيدا فى احدى قرى الصعيد فى منزل صغير وجد عبد المسيح 12 طفل صغيرا فقراء ليس لهم احد يرعاهم فجمعهم فى منزله وتعهد برعايتهم .لم يكن الرجل عبد المسيح مشهورا لذلك لم تكن تاتيه اى تبرعات بل كان يصرف على هؤلاء الاطفال من مرتبه كان طعامه هو الفول فقط هو والاطفال اما فى الاعياد فكانوا جبنه بيضاء وكان عبد المسيح لفقره لا يستطيع ان يقدم لهم 3 اكلات فى اليوم فكان ياخر واجبه الافطار ويقدم العشاء مبكرا وبهذا يوفر ثمن الاكله الثالثه ويكتفى مع الاطفال بوجبتين يوميا وكان عبد المسيح يستعين بامراه تاتى له مره واحده فى الاسبوع لتدميس الفول ولغسل الملابس وفى يوم لاحظ عبد المسيح ان الاطفال يهرشون وراى حشرات على جسمهم فسال المراه متى استحم الاطفال اخر مره فاجابته انها لم تتزكرحيث ان كل طفل لديه طقم واحد فقط فلم تستطيع ان تحميهم تضايق عبد المسيح وقال لها ان الاطفال يجب ان يستحموا فورا وليبقوا فى اسرتهم تحت الاغطيه بدون ملابس حتى تجف وفعلا استحم الاطفال ودخلوا اسرتهم وغسلت المراه ثيابهم ونشرتها ومر الوقت والثياب لم تجف والاطفال عرايا فقامت المراءه بايقادوابور جاز حتى يساعد بحرارته على سرعه تجفيف الملابس ولكن النار امسكت فى الملابس والتهمت كل الثياب وبالكاد اطفاءوا النيران لم يتمالك عبد المسيح نفسه ودخل غرفته وجلس امام مكتبه وكان عليه صوره للرب يسوع فبداء يعاتب الرب قائلا:
مايعرفوش طعم اللحمه وبياكلوا فول بس ورضينا
ناكل مرتين بس فى اليوم ورضينا
امراض وضعف ورضينا
لبس واحد لكل طفل ورضينا
لكن ايه ده يا رب هدمهم تتحرق ويبقوا من غير هدوم خالص
انا خلاص مش قادر اتحمل
وبكا عبد المسيح بشده ووضع يده على المكتب ونام وفجاءه استيقظ بعد 10 دقائق على اصوات كثيره تناديه:افتح يا عبد المسيح افتح يا عبد المسيح. اسرع عبد المسيح وفتح باب الشقه وفوجىء باطفال القريه ملتفين حول سياره فاخره جدا تقف امام منزله . ونزل السائق وفتح الباب الخلفى فنزلت سيده غنيه وسالته انت عبد المسيح؟
اجاب ايوه طلبت السيده من السائق ان يفتح شنطة العربيه ويحضر الكراتين الموجوده بها وفوجىء عبد المسيح من السائق يدخل الى منزله "12 كرتونه ".........فاجاب عبد المسيح هو فى ايه؟ مين حضرتك؟
دخلت السيده الى المنزل وقالت له :
انا عايشه فى اسيوط بعيد عن القريه بتاعتكم دى . وكنت باصلى قدام صوره السيده العذراء لقيتها ظهرت ليا وبتقولى دلوقتى حالا تروحى تجيبى 12 طقم غيارات لكل طفل بالمقاسات دى وقالت لى اسم القريه فقلت لها انا معرفهاش قالت لى انا حاوصك بس انتى روحى بسرعه الحقى المحلات قبل ما تقفل
وهكذا احضرالله لكل طفل 12 طقم ملابس بدلا من القديم الذى اتحرق فالله لا ينس اولاده ابدا فهو"رجاء من ليس له رجاء وعزاء صغيرى القلوب" حقا يا الله ان نسيت الام رضيعها انت لا تنسانه

المصدر: †† ارثوذكس †† - من قسم: القصص النصية

[bolalover]

الله الله بجد قصة فوق الرائعة شكرا كتير
ربنا يعوض تعب محبتك

[بيير]

جميلة قوى شكرا عليها فعلا حاسة بيها وكنت متأكده ان ربنا بيعمل حاجة بس فى وقتها هو يعرف اكتر مش هو اللى خلقهم

[dolagy_jesus]

الللللللللللللللة بجد قصة جميلة جدا
حينما لا توجد حلول بشرية نجد يد الرب تعمل
بجد حب وحنية رب المجد لينا مش فى حاجة توصفها
ربنا يعوض تعب محبتك
صلى من اجلى اختك دولاجى

[اسامه]

الله قصه جميله قوى ربنا يعوض تعب محبتك ويفرح قلبك

[ايرين عازر]

بجد شكرا على مروركم واهتمامك

[zaza2006]

الله قصة جميلة جدا شكرا ليكى

[يحنا1975]

"رجاء من ليس له رجاء وعزاء صغيرى القلوب" حقا يا الله ان نسيت الام رضيعها انت لا تنسانه

شكرا جزيلا قصه رائعه

[nona queen]

ميرسى للقصه الرائعه دى يا ارينى
ربنا يبارك حياتك