[مايكل عبد الشهيد]

السلام لكم احبائي

مقوله غريبه سمعتها بتقول ان الحب مالوش كرامه.....

الغريبه ان فى ناس مصدقه الكلام ده وهما مش عارفين ان دى حجه منهم عشان ماينهوش علاقتهم بشريك حياتهم....

بس هل ده صح

طبعا لا

لو الانسان ضحى بكرامته مره عشان اللى المفروض بيحبه وهو مش متاكد من شعور الطرف الاخر يبقى مايستناش ان علاقتهم هاتنجح

لو حسيت ان انت بتضحى عشان انسان مش مهم عنده انك تنجرح يبقى ابعد احسن

لو العلاقه وصلت بينك وبين شريك حياتك انك بتدى علطول وهو ياخد علطول ابعد وانت اللى هاتكسب

لو حسيت انك حبك من طرف واحد ابعد .......

الجرح القريب ولا الانتظار البعيد هى دى الجمله الصحيحه فجرحك مهما طال او تعبك فتزكر نعمه ربنا عليك انه وهبك نعمه النسيان.......

واوعى اوعى تفكر فى يوم انك تضحى عشان اللى بتحبه اللا لو كان يستاهل وبيقدر حبك........

لما يحصل ليكو مشكله ومثلا تحكوها لاخوكو الاكبر او والدكم اول كلمه ممكن يقلها ليكو هى ايه؟

خليك راجل

ومافيش راجل بدون كرامه
.................

المصدر: †† ارثوذكس †† - من قسم: صندوق مناقشات الاعضاء

[miso]

مقولة غلللللللللللللللط طبعا
اللى بيحبو بعض بيحافظو على كرمة بعض
وكل واحد بيخاف يجرح كرامة التانى
كمان اللى بيحب بيدى مش بياخد بس
اللى بيجرح وبياخد بس
ده يبقى بينقش جرح جوا قلب الانسان التانى

[نبيل نصيف جرجس]

عارف يا مايكل
مش هقولك غير بص للرب يسوع
اتبصق فى وشة واتصلب واتهان عشان مين
احنا العبيد الخطاة اللى مش نستاهل ملك واتنازل عن كرامتة
من انا لكى اتكلم عن الكرامة
كرامتى هى محبتى للرب يسوع ومحبتى وتضحيتى من اجل الجميع