[aymonded]

• كان في زماني بسمة حلوة تشوفها في عيون أطفال
• تعكسها أشعة شمس دهبية تلمع على سنابل قمح في الوديان
• تظهر فرحة حلوة ندية على أغصان
• أغصان واقفة عليها طيور حلوة في كل مكان
• تغني وترقص مع الأوراق
• أوراق شجر وزهور كلها ألوان
• أحمر واخضر مع أزرق صافي يعلن الحب في أرض فيها سلام
• أصل الدنيا كانت حلوة والبسمة واضحة في عيون كل الناس
• ويا ترى الناس لسة فاكره الضحكة والا راحت مع الأيام

• دي الضحكة فعيون الناس بقت باهته، متلونة بلون التراب
• والدنيا بقت صحرا لا فيها طير ولا فرحة بقت في عيون أطفال
• اغتلها غول اسمه الطمع اللي بقى سيد كل الناس
• قتل الطير باد خير الأرض والوديان
• مرحمش ضعف طفل وأكل حق الغلبان
• أصل الإنسان مبقاش إنسان، نسي نفسه، ضاع مع الأيام
• بقى يبني ويزرع ويقلع لنفسه، يقتل طفل يموت إنسان، مش مهم
• اصل المهم يكون هو فـ أمان، يملك الدنيا ويكون له سلطان
• وبقى المال هو المعبود، اصبح وثن لوث الأرض استعبد الإنسان

• أجري واهرب، ارمي نفسي على خالق الكل مخلص كل فقير غلبان
• لحسن أتغر وامشي مع غول يحطم كل عملاق
• اصرخ لربي ارحمني أنا غلبان
• أعلن فقري وعوزي ليك يا رب الأكوان
• اصلي أنا إنسان ممكن اتغر وانسحق تحت طمع والا شهوة قلب اعبدها وانسى الإله
• فارحمني يا رب القوات من نفسي لئلا أتغر بهذا الزمان
• نقي قلبي من كل طمع أو شهوة تفسد قلبي وتجعلني تحت سلطان
• نجيني من الشرير واحفظ قلبي بالإيمان
• افتح عيني عليك، أشوف مجدك وافرح بحضورك أنت الإله
• قويني شددني أعني على هذا الزمان
• المجد لك يا من تصغي وتسمع لفقير زيي غلبان

المصدر: †† ارثوذكس †† - من قسم: القسم الادبي

[aymonded]

باعتذر لأني حاولت أكتب باللغة العامية بقدر الإمكان
ومش قدرت اضبطها كما ينبغي ....

[عماد حسنى]

الاجمل من ضبط اللغه
هو عمق المفهوم والمضمون يا استاذنا
كلماتك فمنتهى الاجاده لانها صح جدا جدا جدا
شكرا لاعطائك المستمر المتميز
ربنا يبارك قلمك وكل حياتك

[aymonded]

نورت المكان كله بحضورك الجميل فيه
وأشكرك على تزيين الموضوع بكلماتك الحلوة يا أجمل أخ حلو
ولنُصلي بعضنا لأجل بعض
النعمة معك كل حين

[aymonded]

• أجري واهرب، ارمي نفسي على خالق الكل مخلص كل فقير غلبان
• لحسن أتغر وامشي مع غول يحطم كل عملاق
• اصرخ لربي ارحمني أنا غلبان
• أعلن فقري وعوزي ليك يا رب الأكوان
• اصلي أنا إنسان ممكن اتغر وانسحق تحت طمع والا شهوة قلب اعبدها وانسى الإله
• فارحمني يا رب القوات من نفسي لئلا أتغر بهذا الزمان
• نقي قلبي من كل طمع أو شهوة تفسد قلبي وتجعلني تحت سلطان
• نجيني من الشرير واحفظ قلبي بالإيمان
• افتح عيني عليك، أشوف مجدك وافرح بحضورك أنت الإله
• قويني شددني أعني على هذا الزمان
• المجد لك يا من تصغي وتسمع لفقير زيي غلبان