[mmg]

كتير ...... اوى
اخرها من قديسى مصر القديمة
العدرا و مارجرحس و ابوسفين
واحد زكى كان هيشلينى بالعربية النصف نقل بتعتة و انا فى اتجاهى لدير ابو سفين
بس جت بسيطة خبط كتفى سنة صغيرة وكنت زمانى فى خبر كان..... وغـــيرهـــا


اللى بعدى نفس السؤال؟؟؟؟؟؟؟؟؟؟

[iyiy]

شفيعى البابا كيرلس والانبا ابرام وطبعا اولهم ام النور
فعلا حصلتلى معجزتين
الاولى (معلش طويلة شوية)
وانا صغيرة 3 سنين يعنى كان عندى ميكروب ع الرئة كان بيخلى نص جسمى (نص وشى ايد وايد لا ورجل ورجل لا) سخن والنص التانى ساقع تلج
وكان بيعملولى حاجة اسمها بذل انهم بيحاولوا يسحبوة بالحقن مكانوش بيعرفوا كان الميكروب بيهرب منهم وكنت باخد ادواية كتيرماكنتش بتاثر فية وكان خلاص مفيش امل كانوا هايعملولى عملية انهم يحاولوا يشيلوة من فوق الرئة مباشر ولو منفعش كان هايستاتصلوا فص من الرئة بس دة كان لما بابا يمضى اقرار قبل ما اعمل العمليةانى لو موت الاطباء ملهمش ذنب
وخلاص بابا مضى الاقرار وميعاد العملية اتحدد فارحوا يناولنى قبل العملية وابونا يصللى وانا رحت كنيسة الشهيد العظيم مارجرجس المزاحم ببساط وابونا شيلنى جسد القديس وخلاص رحنا نعمل اشعة علشان يحددوا المكان بدقة رحنا فالراجل بتاع الاشعات لما عمل الاشعة لاقى الميكروب ظاهر قدامة وواضحة قال لبابا لو راح نادى الدكتور من العمارة التانية وجة عملى البذل هايعرف يسحب الميكروب
بابا راح وجاب الدكتور وفعلا لاقى الميكروب ظاهر لاول مرة وقدر يسحبة والحمد للة تمت المعجزة على يد القديس العظيم مارجرجس المزاحم وخفيت وبقيت كويسة وكانى مكنتش تعبانة اصلا







المعجزة التانية
كنت فى سنة خمسة ابتدائى
كنت فى كنيسة مارمرقس بليل فى النادى وماما جت قالتلى تعالى روحى معايا قولتيلها لا انا هقد شوية وبعد ماخرجت من الكنيسة قعت انادى وقولها استنينى فهى كانت عدتت الطريق اللى قدام الكنيسة جيت اعدى بسرعة عديت على جيت عربية خبطتينى اترفعت لفوق ووقعت على بعد 10 متر تخيلوا شددة الوقعة مع خبطت العربية اصلا وانا لما اتخبطت اصلا اغمى عليا وقعت مفيش نفس الكنيسة كلها اتلمت قعدوا يفوقوا فية مفيش نفس ماما طبعا قعدت تصوت وخلاص افتكرونى موت ماما قعدت تقول بقى كدة يامارمرقس هى كانت فى كنيستك ووقعت اقدامك وتسبها لاقونى فجاة فوقت وقومت ورحت لماما والحمد للة مجرليش حاجة كانوا شوية كدمات وبس وكان مفيش حاجة الحمد للة انا عايش بفضل ربنا والقديسين
يارب مكونش طولت عليكو
السؤال للى بعدى
حصلك معجزة ولو مفيش احكى معجزة تعرفها

[اللة يرعانى]

انا شفيعى مارجرجس والبابا كيرلس وفضلهم عليا كبير انى نجحت فى الدبلوم وبكارليوس بتقدير ومجاميع حلوى رغم انى فى مواد مكنتش عرفة فيها حاجة ودكتور المادة كان بينزل ومعرفتش احل كويس دخلت الامتحان نسيت الى انا مزكرها بس الحمد اللة طلبت شفعتهم فى البكارليوس وبقيت مهندسة زراعة ونشكر ربنا على كل

شفيعك مين واحكى معجزتك مع شفيعك

شى

[MICKEY]

انا شفيعي البابا كيرلس

وانا وانا بكلمه في صلاتي
بكلمه بعشم كبير اوي اوي
يعني لما كنت في الجيش
قولتله انا تعبت بجد وعاوز انزل اجازة
ومحصلش حاجه
تاني يوم قولتله ارجووك بجد مش قادر ونفسي انزل اجازة
برضه معملش حاجه
تالت يوووم
قولتله بص بقي ماهو ياحاجه من الاتنين ياتنزلني اجازة يائلا مش هتشفع بيك تاني ومش هكلمك العمر كله
وانت حر بقي
ومكملتش الكلمة ولقيت واحد جاي ينده علي اسمي وبيقولي تصريحك اهووو

ساعتها طول مانا ماشي في الطريق ومروح البيت
عمال اقوله علي فكرة انا كنت بهزر معاك
اوعي تزعل
بجد انا من غيرك معرفش اعمل حاجه
واطلع صورته واقول خلاص بقي انت لسه زعلان
ورحتله الدير تاني يوم وقعد معاااااااه


وبجد ايده معايا في حاجات كتير جدا جدا
بس مش هزكرها عشان مطولش عليكم


اللي بعدي

1 - عرفت منين الموقع ده
2 - هتيجي معانا الكاتدرائية ولا لا وليه
3 - مين الشخص اللي ردوده بتعجبك وبتبقي فرحان لما يرد في مواضيعك كمان
4 - مين الشخص اللي نفسك تشوفه من علي المنتدي وليه

[mmg]

المشاركة الأصلية كتبت بواسطة MICKEY 1 - عرفت منين الموقع ده 2 - هتيجي معانا الكاتدرائية ولا لا وليه 3 - مين الشخص اللي ردوده بتعجبك وبتبقي فرحان لما يرد في مواضيعك كمان 4 - مين الشخص اللي نفسك تشوفه من علي المنتدي وليه

ج1 بالصدفة من السيرش بتاع جوجل.
ج2 لا للاسف عندى دراسة وشرحت الظروف مسبقا واتمنى اجى فى الاجازة
ج3 ا/ هيما ومينا بوبوس وميكى ... والناس الكبار والقدام بتوع المنتدى
ج4 كلهم ...ههههههههههه



نفس الاسئلة؟؟؟؟؟؟؟؟؟؟

[حياة الروح]

- عرفت منين الموقع ده؟
بالصدفه برضه من الجوجل

2 - هتيجي معانا الكاتدرائية ولا لا وليه؟
لاء ... لانى من اليكس

3 - مين الشخص اللي ردوده بتعجبك وبتبقي فرحان لما يرد في مواضيعك كمان؟
كل الاعضاء ببقي فرحانه لما بيردوا على مواضيعى وكلهم ردودهم حلوة زيهم

4 - مين الشخص اللي نفسك تشوفه من علي المنتدي وليه؟

نفسي اشوف لولاااا لانها بجد وحشتنى جداااااااااااااااا

وبقالى كتير مش شوفتها


وطبعا هيما ميكى ومينا بوبوس وماريان واستاذ ظريف نفسى اشوفه جدااااا وايمن وجاسي وجاسيكا ومرمورة بص كلهممممممممممممممم نفسي اشوف كل المنتدى


نفس السؤال؟

[nisho]

1- عرفت المنتدى من جوجل كنت بأدور على ترانيم عشان انا مسأول عن كورال في كنيستنا
2- كان نفسي عشان انا من الاسكندرية و لولا ان عندي سكاشن مهمة اليوم دة كنت جتلكوا بجد
3- كل واحد لية طعم مختلف في المنتدي فية الشقي و اللبق و فية اللذيذ عشان كدة بأفرح بمعظم الاعضاء ( هو فية حد بيفضل اخ عن اخ تاني ؟؟ )
4- لنفس السبب اللى فات نفسي اشوف معظم الاعضاء بس الواد ام ام جي لية معزة خاصة
( باكرهه ) بهزر طبعا يا ام جي
السؤال للي بعدي فية ترانيم طالبها مني بوبوس ارفعها في المنتدى
ممكن تقولولي ازاي ارفعها عشان انا مش عارف (شفتوا خيبة بتوع هندسة )

[ظريف]

[quote=حياة الروح;114118]

- عرفت منين الموقع ده؟

بالصدفه برضه من الجوجل

2 - هتيجي معانا الكاتدرائية ولا لا وليه؟
لاء ... لانى من اليكس

3 - مين الشخص اللي ردوده بتعجبك وبتبقي فرحان لما يرد في مواضيعك كمان؟
كل الاعضاء ببقي فرحانه لما بيردوا على مواضيعى وكلهم ردودهم حلوة زيهم

4 - مين الشخص اللي نفسك تشوفه من علي المنتدي وليه؟

نفسي اشوف لولاااا لانها بجد وحشتنى جداااااااااااااااا

وبقالى كتير مش شوفتها

وطبعا هيما ميكى ومينا بوبوس وماريان واستاذ ظريف نفسى اشوفه جدااااا وايمن وجاسي وجاسيكا ومرمورة بص كلهممممممممممممممم نفسي اشوف كل المنتدى

نفس السؤال؟

نفسى أشوف جميع الأعضاء
اللى ببقا مبسوط بردودهم جميع الأعضاء
وبالنسبه لحياة الروح نفسك تشوفينى ؟؟؟ على فكره ممكن تكونى تعرفينى كمان أصل أنا مشهووووووووور جدا فى أســـــــكندريه
أصل أنا بشتغل شغلانه بتعامل بيها مع كل فرد فى أسكندريه والكلام ده برده موجه للباش مهندس / nisho
اللى بعدى نفس السؤال ؟

[MeRooBe@r]

1 - عرفت منين الموقع ده
من M@R!N@ حبيبة قلبي
2 - هتيجي معانا الكاتدرائية ولا لا وليه
للأسف كان نفسي من قلبي بقولها بس انا في الكويت مش في مصر وكمان السنة دي سنوية عامة(صلولي)
3 - مين الشخص اللي ردوده بتعجبك وبتبقي فرحان لما يرد في مواضيعك كمان
كلو أكيد ومفيش استثناء
4 - مين الشخص اللي نفسك تشوفه من علي المنتدي وليه
كلو برضو دون استثناء في الكاتدرائية بس دي مشيئة ربنا السنة الجاية لما أبقى آجي مصر عشان الجامعة وكدة يا ريت تعيدو الخروجة دي تاني عشان انا بجد نفسي أشوف الجمييييييييييع

الي بعدي نفس السؤال

[MICKEY]

1 - عرفت منين الموقع ده
ده موقع كنيستنا وعرفته من كنيستنا ومن هيما المسئول عنه
وكنت اعرف ان هو ده هيبقي اسم الموقع قبل مايتعمل
2 - هتيجي معانا الكاتدرائية ولا لا وليه
بأذن المسيح هكون موجووود وهجيب معايا ناس كتير من علي المنتدي اللي مش بيشاركووو عشان يتشجعوا ويشاركوو لما يشوفوا احلي اعضاااء
3 - مين الشخص اللي ردوده بتعجبك وبتبقي فرحان لما يرد في مواضيعك كمان
هما اكثر من واحد
ولكن ممكن اختر تلاته
ايمن
عماد حسني
ظريف
4 - مين الشخص اللي نفسك تشوفه من علي المنتدي وليه
ممكن يوكن مينا بوبوس عشان اخد منه تمن المكالمه اللي فتحها عليا
وظريف عشان غششته مسابقه دينية تبع كنيسته وكسب ساعه ووعدني لما يشوفني هيديني العقارب
وممكن هيما عشان ليا عنده جنيه وربع من اخر مرة كنا فيها بع بعض
وتوني كنا راجعين مع بعض في المواصلات ودفعتله عشان مكنش معاه فكة .. ووعدني هيدفعلي الاجرة واحنا راجعين من الكاتدرائية
وكتير بجد ... نفسي اشوفكم كلكم حقيقي ودي امنيه حياتي في الدنيا

الي بعدي نفس السؤال لو مجاوبش ولو جاوبه قبل كده .. يسأل نفسه سؤال محرج ويجاوبه