كان يا مكان وفي يوم خميس....عالسطوح شديت قميص
م الغسيل من عالحبال
ولما جيت البس واقيس...شفت في جيوب القميص
صورة في الجيب الشمال
اوووووووووووووووبا
صورتك انتي...يا حبيبتي....صدقيني صورتك انتي
سرحت في عنيكي الجُمال
وبسرعه دق القلب مال
ورحت تايه في الخيال
لما توهت قال ايه بشوفك....جايه شايله الشوق في دمك
جايه ماشيه تزقي خوفك....وبسبقك انا واجري يمك
وفي نن عيني بشوق تطوفي.
..واهز عيني واقول يا خوفي
واه يا خوفي
اه يا خوفي من عنيكي...ومن ليالي الامنيات
اه يا خوفي لا الاقي فيكي....صورة من حبي اللي فات
صوره من حبي اللي فات
ووقت ما انا سرحان وهايم....وعقلي كان بيجيب في سيرتك
ببص فجأه في كف ايدي....ايه الحكاية ملقتش صورتك؟؟؟
وصوت ندهلي ...خض اهلي
انت يا ابني....
واقف تسبل لبنت جارتك....وعاملي فيها يا واد حبيب
يلا يا شاطر خد تيشيرتك...وروح لصحابك قاعدين سوا ف قهوة لبيب
اووووووووووووبا
ده كمان تيشرت ملوهش جيب
امممممممممممممممم
استغربت.....طب ليه غريبه؟؟؟؟
هو في اصلا حبيبه؟؟؟؟؟؟؟؟
مشيت بسرعه من كسوفي
ودمعي غرغرعالخدود
وخفت برضو ليبقي خوفي
شئ ووهمي ملوش وجود
شئ ووهمي ملوش وجود
شعر/ رامي فايز
لسه خالصه حالا