[megomagamego]

يا جماعة أنا في موضوع مهم جداً جداً عايز رأيكم فيه
أنا كنت بخدم ولد منذ إعداي ضمن مجموعة أولاد في منطقة شعبية جداً جداً جداً ..... لدرجة لا توصف !!!!!
والولد ده كان كويس أوي لكنه كان شقي جداً بطبيعة البيئة اللي نشأ فيها
وخدمته كمان في ثانوي لكنة إتغير أوي وبقي ولد تاني خالص فقد البراءة اللي كانت فيه .. حاولت أعطيه إهتمام زياده بقي يتهرب مني وبعدين عرفت إنه بقي يشرب سجاير وحشيش وبانجو ... كنت بصلي كتير من أجله وبقعد معاه قعدات فردية ... لكنه لم يستجيب ... لحد لما أنا جتلي ظروف بعدتني شوية عن الخدمة لمدة تصل إلي أكثر من سنه ولما رجعت الخدمة هناك إكتشفت إن الولد ده دخل السجن بتهمة زنا مع زوجة جارهم في البيت والمصيبة الأكبر إنها مش مسيحية .
طبعاً مش قادر أوصفلكم شعوري لما سمعت الخبر ... طبعاً البيوت هناك عبارة عن عشش بتتكون من حوش كبير مليان حجرات وكلهم جيران وبيستخدموا دورة مياه مشتركة وكلهم عارفين كل حاجه عن بعض
أنا مش عارف أعمل إيه وخصوصاً إني نفسي أشوفه وعرفت إنه مسجون في سجن في مدينة بدر في البحيرة وصعب الوصول ليه ... أنا ضميري بيأنبني أوي ... ياتري أتصرف إزاي أنا مش عارف أتصرف أرجوكم ساعدوني .
أخوكم ماجد

المصدر: †† ارثوذكس †† - من قسم: حوار من الاعماق