[IO-Mena]

المشاركة الأصلية كتبت بواسطة Fantasy.MenaEng سلام المسيح ملحوظة هامة الولاد او الرجالة بيحبوا ان البنات او السيدات تبدا معاهم بكلام والسبب الرئيسى انى الولاد او الرجالة بيكون فيه حالة حرج من انه يتكلم مع البنت فى الاول لانى نسبة رفض البنات او السيدات للرجالة او الولاد كبيرة قوى وده بيسبب احراج لكن من النادر انى لو بنت او سيدة اتقدمت لولد او راجل هاتترفض .... المعلومة ده انا جبتها من مشاهدتى لبرنامج اجنبى بيناقش الحكاية ده واتضح الكلام اللى بقوله ...

انا قصدى مش ناحية الثقافة انا قصدى من ناحية الراجل كونه راجل وده مش ليها اى دخل بالثقافة بس

واكرر مة تانية

سوال لكل بنت او سيدة

يا ترى فيه مشكلة معاكى تروحى للولد او الراجل وتقوليلوا انا معجبة بيك او بلاش كده

تتكلمى معاه وتبداى انتى الكلام وتحاولى تبينى انك معجبة بيه ؟

يس محتاج اجابة واضحة من البنات او السيدات

[Team Work®]

ربنا يستر لان كدة الموضوع دخل فى الجد وانا مش هارد لان الموضوع عاوز ناس مش كبيرة بس لاء ليها تجارب فى الحياة وربنا يدبر ونشوف حد يتكلم معانا ويراقب الموضوع

[aymonded]

غنى النعمة ووافر السلام لكم جميعاً

الموضوع دوة موضوع هام جداً ومتداخل جداً ومشاكلة وآرائه كثيرة جداً

أولاً : الموضوع مش موضوع غيبيات يعني مش قسمة ونصيب كما نسمع وكما يقال
إنما له ترتيبة ونظامه الخاص : بمعنى ، أنه لا يكفي ابداً الأعجاب أو مجرد معرفة أخلاق وفكر ، لأنه ممكن يكون الآخر قديس ولكن لا يتفق معي في أشياء كثيرة جداً

عموماً هناك عوامل متشابكة جداً وهاطرحها كنقط هامة وأتركها مؤقتاً لتسائولاتكم ومناقشاتكم ، وهذه النقط هامة جداً :

* الجمال من جهة الشكل ( وهو نسبي طبعاً ويختلف من شخص لآخر لعده عوامل )
* الأسلوب اللي بيعبر عن الشخص ( من جهة الكلام والأقوال )
* القدرة على التفكير
* القدرة على التعامل مع المشاكل
* اسلوب الحياة أو المعيشة ، الطريقة في التعامل مع الآخرين
* المستوى الإجتماعي من جهة المادة ( وهي عند البعض أحياناً تفرق ولها أهمية عند الأهل وفي المجتمع )
* المستوى العلمي
* المشاعر الشخصية والمستوى النفسي ( الرومنسية - بلا مشاعر - أحاسيس متزنه وواقعية - نرجسية وحب الذات - شخصية واعية أو غيابية - محب المناقشة والسفسطة - الهدوء - الضوضاء - شخصية متقلبة - شخصية منطوية ) الخ
* العمر ( اي من جهة السن وتوافق العمر )
* التفاهم وأدارة الحوار

عموماً الأعجاب هو أول الخطوات مع الحذر لئلا يكون إسقاط
وسوف استمر معكم في المناقشة ولكن قد وضعت موضوع عن الحب والنت استكمالاً لهذا الموضوع باختصار

النعمة معكم كل حين آمين

[beshoy]

فعلا موضوع كويس


انا جاءت لى فكرته وقولت احطه فى المنتدى علشان اخلى النقاش يسخن



انا من راى انه شعر باعجاب بنت معينة

يهتم بها ويسال عليها واعتقد شئ انه بعد عمر العشرين يكون تفكير الولد

كبر وعندما يعجب ويهتم بفتاة غالبا انه يريد الارتباط


ويوجد قلة تريد التسلية


اما اذا وجد تبادل اعجاب من البنت يبقى ممكن يحصل ارتباط

من الناحية العاطفية ويدرس الامور من جميع النواحى الروحية والاجتماعية والعملية

ويصلى كتير


ويحط الموضوع على المذبح دائما


ربنا يكون معكم ويوفق كل عضو الى شريكة حياة مميزة

وكل عضوة الى شريك حياة مميز

الرب معكم


اخوكم بيشو

[Team Work®]

استاذ ايمن يباشر الموضوع دة

وشكرا

[m_marmora]

بصراحه موضوع صعب الرد عليه انا شخصيا مش عارفه ممكن اعمل ايه بس معني انه اعجاب مبدئي كدة يعني اعجاب بالمظهر فقط والمظهر خداع جدا الا بقي لو كنا نعرف بعض من خلال العمل او الكنيسه او غيرة ممكن البنت تحاول بس بطريق غير مباشر
يعني انا راي من راي ماجد انه لازم يكون يعرف ربنا علشان يعرف يراعي بيته والبنت الي هياخدها لكن برضو في بنات جريئه وممكن تعملها

[aymonded]

أهم حاجة يا اغلى أحباء
هو أننا نفحص أنفسنا أولاً باول لأنه أحيان كثيرة بننجذب لشخصية ما بسبب اننا نحلم باشياء معينه ونسقطها على الشخص الذي ابدى أعجاباً لنا أو حينما تقع أعيننا عليه أو نحاول التقرب منه في عمل أو رحلة أو كنيسة ما ... الخ

ولكن لابد من أن لا ننحاز للشخص ونحاول نعرفه بعمق وفحص هل نعجب به لشخصة حقيقي وما هو الذي يميزه فعلاً وموجد فيه وليست الأشياء التي ننسبها له بحلمنا أو تفكيرنا اي غيابياً وحسب تصوراتنا الخاصة

لأني اسمع من ناس حينما يتكلمون عن من يعجبوا به يقولوا :

أنسان حلو جداً ورائع ومش فيه زيه فعلاً في الدنيا كلها أو شخص محب جدا جدا أو شخص مش ممكن الواحد يلقى زيه .. الخ ...
وكأننا عرفنا الدنيا كلها وعرفنا أنه أحسنهم أو عاشرنا هذا الشخص وعرفنا مداخلة ومخارجة وكأننا عشنا معه زمان طويل !!!

الموضوع محتاج تأني لأن اي عجالة سنندم يعدها لا ليوم أو اتنين بل العمر كله

النعمة معكم جميعاً آمين

[جوسى]

بصراحه هو فعلا موضوع صعب اوى
بس انا عن نفسى مقدرش اقول لواحد انا معجبه بيك
حتى لو قولت باسلوب غير مباشر يعنى مثلا اهتمام ممكن هو يفهم غلط و يبعد عنى و يبقى انا خسرته كحبيب و كصديق
و بعدين لو قولتها مباشرة ممكن اترفض و يبقى انا اللى سببت الاحراج لنفسى
و كده كده هتجرح

[جوسى]

و غير كده طبعا لازم اسال اب اعترافى لانه هو اللى هيرشدنى صح
ويقولى اعمل ايه
وطبعا لازم اتاكد من مشاعرى و انه حب فعلا بس بردو مش هقدر افصح بحبى ده

[larasmy]

لا طبعا انا من رايي ان الولد هو اللي لازم يبدا لانه رفض الولد للبنت بياثر فيها اكتر من تاثير رفض البنت علي الولد. خصوصا ان مجتمعنا يختلف عن المجتمعات الغربيه