[bolalover]

سلام و نعمة لكل اعضاء منتدي ارثوذوكس


طبعا في ناس كتير مستغربة ليه انا الي عامل موضوع لقاء الجبابرة الرابع رغم ان ميكي هو الي بيعمله كل مرة
المرادي في اختلاف عن كل مرة
الاعضاء ممكن تفتكر انه شئ عادي يعني هو شوية و انا شوية .. لا بصراحة في سبب و لازم كل الناس تعرف السبب ده في البداية
ميكي زعلان جداا بجد و مكنش ناوي يعمل موضوع عن الخروجة الرابعة رغم انها بجد كانت خروجة روعة احلي من كل خروجة بس هو زعلان علشان في ناس كتير قالت انها جاية و ناس كتير اكدة برده انها جاية و يوم الخروجة مشفناش حد منهم خالص ولا حتي اعتذروا و قالوا انهم مش جاين لاكن تخيلوا كده ناس بجد كتير اكدة علينا يوم الخروجة الصبح انهم جاين اكيد و للاسف مش شوفناهم ولا ورونا وشهم و دول مش واحد ولا اتنين دول كتير بجد
انا معاك يا ميكي ليك حق تزعل و ليك حق كمان تنفذ الي انت قولته بانك هتلغي الخروجات
و فعلا ميكي قالي ان دي اخر خروجة و معدش فيه تاني علشان خاطر الناس تنبسط بقا
اتصرفوا انتم معاه بقا



سبيكم بقا من كل ده و تعالوا نستمتع سوه بسرد خروجتنا الي بجد كانت روعة فعلا و كان فيها اكبر عدد من الناس محصلش قبل كده و انا عن نفسي انبسط اوي بالناس الي تعبت و جت من كل مكان علشان تشوف اخواتها و برده اضايقة علشان الي مجوش بس هما الخسرنين بقا فاتهم خروجة كانت روعة

اولا احب اقدم اعتزار رسمي و قدام الكل
لاصدقاء الرحلة و اصدقاء اليوم
كوكو دودي
و زيكو
علشان انا كنت السبب في مضايقتهم في حاجات كتير و برده كنت سبب ليهم بانهم ميستمتعوش بيومهم

ثانيا بحب قدم شكر خاص جداااا
لكل الناس الي قالت جاية و مجتش
و اقولهم شكرا جدا



تعالو نشوف بقا مين الي نور خروجتنا و كان معانا

الاستاذ كامل





الاستاذ ايمن




الاستاذ بشري




هيما (( Team Work ))





مـيـكـي





عماد حسني

كيرو رافت





توني الجامد





نبيل نصيف





يونان سعد



team work 1



team work 2





bolalover





menalover





bobba





kokodody





زيـكـو





روفـا





حبيب مارجرجس



نـارمـر



بيتر بوب





M@@@NOOO



الفيلسوف





اسامة اسحاق





زيزو ميرو





مـانـدو





مارمينا العجايبي



مدحت حيران



مايكل صبري



ابانوب ابن الاستاذ ظريف





حنان صادق



جـوسـي



حبيبة البابا كيرلس



مادونا زيزو ميرو



مـادونـا



مـاريـان


مـاريـنـا



خطيبة مايكل صبري



اولا بكرر و بقول الي مجاش هيندم برده
ثانيا شكرا يا ماريان علي البسكوت الي انتي جبتيه و وزعتيه علي الكل

تعالو بقا نشوف اجمل صور لاجمل يوم تاريجي


الصور الجماعية


فعلا هو ده منتدي ارثوذوكس





الاولاد و الاباء



بيت العز ... بيت ارثوذوكس





اجيال و براعم ارثوذوكس





اباء المنتدي












ميكي عامل فيها بابا




اجمل ابتسامة












الاخوات




زي العسل يا مانو



صورة ذاتية بمجهود فردي



















صور كوميديا


ماندو : و النبي و النبي صور صبعي
ميكي : شكله معور نفسه مخصوص علشان يتصور بصبعه كده




توني : بصوا بقا محدش يضرب جامد
الباقي : دا انت هتتهري ضرب .. ازل بس
(( بيلعبوا صنم ))





كيرو : بص يا ابانوب سيبك من الناس دي و خليك معايا
ابانوب : نزل ايدك بس انت هتصحبني ولا ايه




ميكي : بولا النص بالنص المرادي مش تلهف كله لوحدك زي كل مرة
بولا : اشتغل انت معايا بزمة بس و اسرح بيا عدل و انا اظبطك
ميكي : حسنة قليلة تمنع بلاوي كتيرة .. الله يا محسنين




مينا : الو ازيك يا حبيبتي وحشتني بجد
بوبا : يا فشار .. طيب سلملي عليها بقا





ابانوب : بولا ممكن تعلمني الشحاته
بولا : تعالي اكسب فيك ثواب برده .. اعمل زي ما هعمل و هتلاقي الفلوس نزلة عليك ترخ




ميكي : بتشحت يا ابانوب .. طيب انا هوريك ازاي تشحت بقا
ابانوب : حرمت حرمت خلاص .. نزلني نزلني يا عم انت






ميكي : مينا هديك 10 جنيه و تقتلي بولا و انتم مسفرين علشان اكل علي نصيبي في الشحاته
مينا : لا يا عم انا مخنش صحبي و اقتله
ميكي : بقا كده طيب تعالي بقا انت كمان





تيم ورك 2 : خد ياااض يا ميكي هنا انت عمال تستقوا علي الخلق ليه ... انا بقا هربيك
ميكي : و حياة العيش و الكفته الي بينا خلاص يا معلمي حقك عليا مش هعمل كده تاني





كيرو : بقا كده يا ابانوب سيبني و قاعد جنب الاستاذ ايمن .. هو يعني علشان جبلك كنز
ابانوب : بس يا حبيبي بس معلش.. خليك في كوزك لما نعوزك





الفيلسوف : واد يا بولا بقا كده مش عارف تكسبني في نجوم ارثوذكس
بولا : بس كده يا باشا انا تحت امرك الشهر الي جاي هزبطك .. بس هدفع كام




كيرو : روفا بعد اذنك ممكن اريح عليك
روفا : يا عم انت هتريح علي كنبه

زيزو ميرو : هوب واحد اتنين تلاته ...
روفا : ان هتعمل ايه يا عم انت
زيزو : هنط من فوقيك
روفا نعم يا حبيبي

نارمر : بولا شوفت قد ايه الحمل وحش
بولا : اه والهي يا خويا .. الا صحيح انت حامل في الشهر الكام





بولا : حد يجب بقا رسة شيشة للرجالة هنا قبل ما تروح
بوبا : انا عايز تفاح لاما كنتلوب




و بكده يا شباب يكون يومنا خلص في اجمل خروجة بجد بالنسبة ليا
صدقوني العدد المرادي كبير و ناس كتير و من محافظات مختلفة و في ناس كانت عندها محبة كبيرة و جت من حتت بعيدة علشان تشوف اغلي اخوات ليها بس برده هرجع و اقول ان في ناس تانية كانت قريبة لينا و مشفنهوش و بجد دي الحاجه الوحيدة الي ضيقتنا و زعلتنا كان نفسي كل الناس تبقا موجودة بس زي ما قولتلكم الخروجة دي بالنسبة ليا كانت اروح الخروجات الشهرية
و بجد يا ميكي مش تزعل و انشاء الله الخروجات الجاية تبقا اجمل و اجمل
و اتمني ان يكون الموضوع عجبكم
رغم انه موضوع متواضع جداا مش زي المواضيع الجميلة الي بعملها ميكي و الكلام الحلو الي بيكتبه
و الي اللقاء في الخروجة الشهرية القادمة
اخوكم
بولا

المصدر: †† ارثوذكس †† - من قسم: صندوق مناقشات الاعضاء

[M@@@NOOOO]

كااااااااااااان يوم ملهوووووووش مثيل
احلى اخوات قابلتهم فى حياااااااااااااااااتى
واللى مجاش ( هو اللى خسراااان )
طبعا مش هقدر اتكلم عن كل واحد
لآن كل واحد عاوزله منتدى علشان اوصف فيه
بجد كان يوم جميل جداااااااااااااااا
ومش عارف اشكرك ازاى يابولا على تعبك فى الموضوع.
وبعدين ولا تضايق نفسك ياميكى اللى مجاش هو اللى خسرااان

[نيرو12]

صور جميله جدا
وخلاص بقى ياميكى متزعلش
محدش يعرف الظروف

[كيرو رافت]

بجد بجد بجد انت تحفه يا واد يا بولا

اولا انا اسف يا اجمل واحلى ميكى فى الدنيا على كل اللى اداك زمبه وما جاش صدقونى هو اللى خسر انه يشوف احلى واجمل واطيب اخوات فى الدنيا

بجد كان يوم لذيذ ماكانش ناقصه غير وجود باقى الاعضاء

انا بجد بشكر كل اللى تعبوا وجم فى اليوم ده وبشكر ل اللى تعبوا وصورا وخصوصا الفنان العظيم تونى الجامد فى اللقطات اللى اخدها
وميكى القمر مع انه ما كانش فى الموود زيي وكان زعلان شويه زيي
واساتزتى الكبار
استاذ بشرى
استاذ كامل
استاذ ايمن

وطبعا بشكر صاحب المجهودات الرائعه هيما تيم ورك

وبولا الجامد قوى وكل اعضاء منتخب الزقازيق الرياضى مينا لوفر ، كوكو دودو ، والاهلاوى الجامد بوبا ، روفا القمر ،زيكو

وبشكر كل الاخوة البنات اللى تعبوا نفسهم وجم نانو القمر وجوسى اللى هاتتشال من الاشراف على ايديا
ومارينا وماريان اللى موش باين عليها هاتموت فى سنتها ومادونا وحبيبه البابا كيرلس
وبشكر كل الاعضاء الجمال اللى حضروا ونورونا وطبعا فى المقدمه استاذى وحبيبى عمااااااااااااااد الشاعر العظيم
والفيلسوف الجامد اللى ما يعرفش حاجة فى الفلسفه
ماااااااااااااااااانو القمر
زيزو ميرو واخته العايله كلها
ومدحت حيران
وحبيبى اسامه
ويونان
واجمل واصغر عضو مندوب عن سياده الرئيس ظريف كبير الياوران ابانوب

بجد ميرسى ليك يا ميكى
ميرسى ليك يا بولا

[القطة كيتي]

بجد صور جميلة ربنا يباركم

[اس اسامة عوض]

بجد انا فرحان اوى علشان الخروجة دى وعلشان شوفت عماد ورافت وفليسوفوكل الناس اللى جات
بس انت شلت صورة مهماا اوى لما انا اديدك 20 جنية وانت عامل وميكى شحات ساعت الاحمر هههههههههه

[elphilasouf]

اكيد طبعا الى مجاش خسر كتير
خسر احلى يوم ممكن يجتمع فيه مع احلى ناس بجد
انا استفدت كتير جدا واستمتعت اكتر من اليوم ده

انا مش هتكلم على الخروجه ولا انى شفت احلى ناس فى الدنيا
مش هتكلم عن الكلام ده كله

ولا هتكلم على مانو الى فضلت مستنيه نص ساعه
بحلها وكل شويه اكلمه يقولى خمس دقايق

متفكرونيش

انا بس هتكلم على كام ساعه كده الاخر والى كان من نصيبى استاذ ايمن بحاله وكمان كيرو او رافت عشان ميزعلش
اعدنا فى المترو نتكلم ونرغى نرغى
وكل ما يجي مترو
نقول لا لا ده زحمه ناخد الى بعده
لحد ما الوقت سرقنا جدا من 9.30 تقريبا ل 11.45 حاجه كده
مش فاكر بالزبط
واخير قررنا نقوم نركب بقى


واستاذ ايمن نزل فى محطه كده وبعد لما سبنا
اظاهر ان المترو معجبهوش اننا نفترق
وعطل بينا والحمدلله
هههههههههههههه
كل الى كان موجود فى المترو الى كنا فيه
ركب مع الى كان فى المترو الى بعده
وكنا بصراحه مرتحين جدا جدا
والحال كان زي
الفل والمكان كان واسع جدا جدا
وبعدين وقفنا فى المرج القديم ونزلنا نمشي
للمرج الجديد جمب سور المترو فى اتجاه المرج الجديد
بحسب راي كيرو طبعا وانا كمان
وبعد نصف ساعه من المشي
اكتشفنا اننا بنرجع لورا مش رحين المرج خالص
وبجد لحب اشكر كيرو جدا
الى سهر معايا جامد
والى مسبنيش غير لما ركبت البيجو
بعد ماركبنا من المرج للمرج الجديد موصله غريبه كده
بتحسسنى انى راكب جمل
واخير وصلت
ونمت
وتصبحوا على خير
واعبال الشهر الجاي
ـــــــــــــــــــــــــ ـــــــــــــــــــــــــ ـــــــ
بجد يا بولا تعليقاتك حلوه خالص وجميله
سيبك من ميكى ابقى اعملها انت مل مره
ههههههههههههههه
ميكى حبيبى على فكره محدش ليه دعوه
والى مكنش فى المود امبارح خالص ومختفى تماما

[اس اسامة عوض]

بجد لالالالالالالالا
انا معترض على بولا والموضوع انتى لية شايل الصورة يا ميكى انت فين انا زعلان اوى انا عايزالصورة وبولا عامل شحات وانا ماسك الحظاظة الاحمرة بجد

[كاترينا]

صور حلوه اوى وباين فيها محبه الاعضاء ربنا يباركم

[bolalover]

طيب ما اقولك علي فكرة حلوة يا اسامة
ما تيجي نخلي كل الصور الي في الموضوع عن الشحات و بس
يا حبيب قلبي المفروض انزل صورة واحدة من كل مشهد او موقف
لان عدد الصور كبير و يعلم ربنا انا عندي بتاع 140 صورة للخروجة و انا اخترت الافضل و الاجمل و الاوضح علشان تنزل
فعلشان انزل لكل واحد الصورة الي عايزها يبقا مش هنخلص
و يعلم ربنا انا قاعدة اعمل في الموضوع ده بتاع 9 ساعات بجد و دي حاجة محدش يعرفها
و غير كده انا مش الي مصور الصور يعني كنت بحملها من علي النت تفتكر بقا ان الدنيا سهلة
اسامة باشا بليز متزعلش
و انشاء الله تتعوض المرة الجاية