[nemnema2010]

بتعيطى علشان اكلت فراخ

مرة فيه اب كاهن كان بيحب اوى كل يوم بعد القداس يصلى قدام ايقونة ام النور ويفضل يتكلم معاها كتير وناس كتير كانت بتشوف العذراء بتكلمه .
ابونا ده كان ساكن قدامه شخص مسيحى من طائفة أخرى ومكنش بيروح القداس ولا يتناول لانه لا يؤمن بالتناول

فابونا قابله الصبح فقاله يا حبيبى تعال معايا القداس واتناول وخد بركة فالراجل كان عارف انه اليومين دول الصوم الكبير فقال لأبونا انا ممكن أجاى معاك بس على شرط بعد القداس تيجى معايا ناكل فراخ ابونا قاله لا مش ينفع انا صايم الراجل صمم على كلامه ان ابونا لازم ياكل فراخ (وده بسبب ان مايروحش مع ابونا وخلاص) المهم ابونا بعد تفكير وافق على الكلام وشرط الراجل وقاله خلاص تعالى معايا وانا بعد كده هاجى اكل معاك فراخ
المهم الراجل راح القداس واتناول وابونا خلص ورجع معاه وكل فراخ وبعد ما خلص ابونا رجع الكنيسة وراح على ايقونة العذراء كالعادة يصلى ويتكلم معاها لاقى الصورة بتعيط فقال للعذراء انتى بتعيطى علشان اكلت فراخ فى صوم ابنك
طب ما انا اكلت فرخة بس جبت لأبنك خروف
منقول

المصدر: †† ارثوذكس †† - من قسم: القصص النصية

[anooog]

قصه جميله يا نمنما
كما تعودنا منك

[nemnema2010]

ميرسى ليك ياقمر ربنا يعوضك

[zaza2006]

قصة جميلة اوى يا نرمين ميرسى ليكى

[samo1984]

رائع
طب ما انا اكلت فرخة بس جبت لأبنك خروف
منقول

[nemnema2010]

ميرسى نهى لمرورك ربنا معاكى ياقمر

[nemnema2010]

ميرسى لمرورك سامو ربنا يباركك

[nermos1982]

ميرسى يا قمر على القصة الجميلة دى . وبركة ام النور تكون معاكى وتقويكى

[Mary Gergess]

ميررررررررررسى يا قمر على القصه الحلوه
ربنا يباركك

[hard_age]

لذيذة يانمنمة زيك بجد قصة جميلة
ربنا يسعدك زى مبتسعدينا بقصصك الجميلة