[الناى الحزين]

برواز صوره

كل واحد فينا حياته عباره عن صوره
وعلى قد ما بيقدر بيحاول ميخليهاش مكسوره

فيه اللى صورته سعيده وفرحانه
وفيه اللى صورته حزينه وهيمانه

وكل صوره وليها برواز
وعلى البرواز بيتحط لها الأزاز

والأزاز هو شكلنا وهيئتنا
والبرواز بيكون عشتنا وحياتنا

والصوره بتكون متعلقه على الجدران
والجدران بالنسبالنا هو الزمان

وياسلام لو البرواز يليق على الجدران
يكون احلى برواز فى احلى مكان

يعنى لو عشتنا وحياتنا لايقين على زمانا
هتبقى هى دى دنيتنا وهو ده مكانا

لكن لأسف وقعت الصوره وانكسر البرواز
ومبقاش فيه حاجه فاضله ولا من الأزاز

لكن منين اجيبلك يا زمن برواز
وانت مش بيهون عليك حتى الأزاز

وبقيت الصوره كأنها جناز
من غير أزاز ولا برواز

شكر خاص لصاحبه هذا الموضوع
عندما تسقط الصورة .... وينكسر البرواز !!!

بموضوعها جاتلى الفكر

شكرا يا نهى

المصدر: †† ارثوذكس †† - من قسم: القسم الادبي

[ميلاد صدقى]

لكن لأسف وقعت الصوره وانكسر البرواز
ومبقاش فيه حاجه فاضله ولا من الأزاز

صورة وبرواز وكمان ازاز
انت ونهى كمان اتنين لوزاز
جميل اوى الموضوع يا ناى
ومين مننا ماعندهوش برواز
احنا كلنا حياتنا اساسا برواز
ولما بنوقع بنتكسر وراح كمان الازاز
تسلم الايد اللى علقة البرواز وكسرت
كمان الازاز ربنا يباركك ويكون معاك
ويكرمك بالجواز علشان نلقى عندك
على الحائط صورتك انت وهى فى برواز

[نبيل نصيف جرجس]

كلام جميل اوى
مرسى اوى يا احلى ناى مرسى اوى يا نهى
هية كلمات جميلة وواقعية بس لتانى مرة عايز اقولك حبيبى
افرح لان الرب سيتمم لنا الخلاص
افرح لان الرب احبنا
مش يهمنا البرواز يليق او لا
يهمنا البرواز يبقى جميل عشان يتعلق فى السما
هوة دا مكانا الاصلى احنا فى ايام غربة وكل هيمشى ويزول
مرسى اوى يا احلى ناى
بتمنى من ربى والهى ان يهبك فرح دائم لا يزول

[bright]

موضوع في منتهي الجمال يا ناي

والفكره هايله جدا جدا

احنا نعمل اللي علينا عشان نخلي البرواز لايق علي الصوره والجدران والازاز

والباقي يكمله الفنان العظيم اللي رسم الصوره

واشكرك مره تانيه

[اسامه سمسم]

يابنى الافكار دى مش غريبه عليك
وبجد دماخك تتلف فحرير
ربنا يباركك يا ناى ويشل عنك همومك

[nermos1982]

كلمات بجد رائعة يا ناى .ربنا يفرح قلبك ويكون معاك دايما ويبعد عنك الحزن

[kamel]

لكن منين اجيبلك يا زمن برواز
وانت مش بيهون عليك حتى الأزاز
اّة منك يا زمن.. واّهين من الأيام
أحسنت فأبدعت..وأتممت الإختيار
صدقنى حبيبى..أنا قلبى فيك أحتار
من حلاوة موضوعك ومحتوى معانية
الرب يباركك ويذيد موهبتك

[zaza2006]

شكرا ليه ايه بس يا ناى انت اللى موضوعك فوق الرائع تسلم ايديك

[miso]

حلو الموضوع طبعا
بس الصورة لما بروزها بيتكسر وازاها بيتفشفش ومينفعش يتصلح
بتفضل الصورة زى ما هى مش بنقدر نغيرها
لكن بنغير البروزا ونعمل بروزاز جديد
يعنى مهما اتغيرت البراويز ومهما اتكسرت
بيفصل اصل الصورة زى ما هو
ميرسى يا ناى على الموضوع الجميل ده

[عماد حسنى]

موضوع جميل جدا يا ناى
شكرا لكتاباتك الجميله دى