البرنس وصل
كُتب : [ 11-26-2008
- 07:06 PM
]
كل سنة وأنتم طيبين يامعلمين
قومي يابت منك ليها وأغسلوا المواعين
من زفارة الفراخ اللي هنودعها يابني أدمين
باي باي يابطة يامحمرة وأشوفك علي خير
أشوفك في اول 2009 باي باي يألذ طير
وأنتي يافرخة يامشوية مش هنسي ايامك
طعمك ورحتك وشكلك وجمالك
وأنتي ياكوباية اللبن هفتقدك كتير
كلها شهر وكم يوم وارجعلك بطير
وطبعا مش ناسيكي يالحمة يامحمرة
ياللي ايامك معايا زي السكرة
باي باي ياشيكولاته انتي والجبنة والبيض
هتوحشوني جدا لما تسبولي البيت
وجايلك يابرنس جايلك يافول
تنفخ بطني كمان وكمان بشكل مش معقول
الصبح نتلم انا وابويا وامي واخواتي علي الطبلية
نفرش الخيار والجرجير والعيش والفول والطعمية
وبعديها اللي يروح شغله واللي يروح الكلية
ويجي وقت الغدا ونحط الكشري ابو تقلية
بس ارجع واقول ده صيام مولد فاديا
اللي غناني عن كل متع العالم بمحبته ليا
الطعمية في فمي تبقي احلي من الفراخ المشوية
وطبق الفول يبقي احلي من ميت طبق مهلبية
والكشري ابو تقلية يضرب الارانب ام ملوخية
التعديل الأخير تم بواسطة MICKEY ; 04-27-2011 الساعة 10:14 PM
|
مشاهدة صفحة طباعة الموضوع
أرسل هذا الموضوع إلى صديق
المواضيع المتشابهه
العرض الشجري