[عماد حسنى]

دى الحياه (2)


ايوه دى الحياه 0 مره ضحكه ومره آه
ماشى فيها ومسلّم 0 يوم يعدى ويوم تتألم 0
يوم يعدى عليك مرتاح 0 ويوم تدور فين النجاح
يوم تشوفه أنه جميل 0 ويوم متعب جداً وطويل 0
وتاخدك فى سكه ليها 0 وكأنك فاهم معانيها
وتتعب وياها كتير 0 وفى الاخر تستغرب عليها 0
وتأوح تانى وتصمم 0 وتقول بأسرارها أنا معلم
وتنصح غيرك بنصايح 0 ومع نفسك مش قادر تتكلم 0
وتتوه من تانى فيها 0 وتاخدك وتلف سواقيها
بس سواقى عطشانه 0 تشرب والنفس تعبانه 0
وتعيد من تانى المشوار 0 وتحكى فى ميت الف حوار
تعبان من نفسك محتار 0 مش عارف تاخد قرار 0
وتحسب حسابات كتير 0 وقدامك البرهان والدليل
ويطلع عليك النهار 0 تلاقى احلامك بخار 0
خدها نصيحه منىّ 0 الزمان ياما علمنى
متفكرش كتير وعدى 0 ولما تعاندك تهدى 0
حب على اد ماتقدر 0 حب ويمكن تقدر
بس خلى عقلك فيك 0 وأوعى تأمن لتضحك عليك 0
تخيلها سكر زياده 0 خليك عايشها ببساطه
حتى لو دقت المرار 0 كأنك بتستطعم بطاطا 0
ان شعلك تقل عليك 0 ماتقولش دى دنيا غريبه
أهى حاجه لسه فى أيديك 0 أحسن ماتكون الحديده 0
خليها عادى وفرفش 0 قبل ما وشك يكرمش
ويوم ما تيجى عليك 0 كبر دماغك وطنش 0
اصلها دنيا أحولها مريبه 0 كل حاجه هاتشوفها عجيبه
مره تلاقيها بتندهلك 0 ومرات هتقولك سعيده

المصدر: †† ارثوذكس †† - من قسم: القسم الادبي

[@M@R!N]

ياربي يا عمااااااااااد
الكلام خلص
مش لاقيه كلام ارد بيه على جمال موضووعك

وتنصح غيرك بنصايح 0 ومع نفسك مش قادر تتكلم 0 ....... دي انا اووي
ههههههههه

تعبان من نفسك محتار 0 مش عارف تاخد قرار 0


هههههههههههههههه حلو اخر جزء
عجبني
هههههههههههههههههههه

ميرسي يا عمده بجد انت تحفه
شكرا شكرا شكرا

[عماد حسنى]

المشاركة الأصلية كتبت بواسطة @M@R!N ياربي يا عمااااااااااد الكلام خلص مش لاقيه كلام ارد بيه على جمال موضووعك وتنصح غيرك بنصايح 0 ومع نفسك مش قادر تتكلم 0 ....... دي انا اووي ههههههههه تعبان من نفسك محتار 0 مش عارف تاخد قرار 0 هههههههههههههههه حلو اخر جزء عجبني هههههههههههههههههههه ميرسي يا عمده بجد انت تحفه شكرا شكرا شكرا

مارينا انا بشكرك جدا جدا على ردودك الرائعه دايما ليا
انا بكون سعيد جدا لما بشوف كلامك الحلو اوى ده
صدقينى كتير عليا
ربنا يخليكى ويفرح قلبك دايما وينجحك فى كل حياتك

[كيرو رافت]

ايييييييييييييييه يا شاعر الحلاوة والجماااااااااااااااااااا اااال ده
انا مهما قولت او عدت موش ممكن اللى اكتبه هايقدر يعبر عن اللى جوايا ليك
لان انت بجد غااااااااااااااااااالى جداااااااا وكلامك واحساسك عااااااااااالى جداااااااااااا
فى الحب بلاقيك فى الشعر بلاقيك فى السخر يه موجود خواطرك جبارة كلك على بعضك حللللللللللو

[عماد حسنى]

المشاركة الأصلية كتبت بواسطة كيرو رافت ايييييييييييييييه يا شاعر الحلاوة والجماااااااااااااااااااا اااال ده انا مهما قولت او عدت موش ممكن اللى اكتبه هايقدر يعبر عن اللى جوايا ليك لان انت بجد غااااااااااااااااااالى جداااااااا وكلامك واحساسك عااااااااااالى جداااااااااااا فى الحب بلاقيك فى الشعر بلاقيك فى السخر يه موجود خواطرك جبارة كلك على بعضك حللللللللللو

ربنا يخليك يا كيرو صدقنى من ذوقك
لانك انسان جميل بتشوف كل شىء جميل زيك
بيسعدنى جدا جدا حضورك يا اجمل الناس
ربنا يحافظ عليك ويفرح قلبك

[M@@@NOOOO]

الله الله الله
فعلا ياعمده هى دى الحياه
كلامك راائع
وكله نصائح تحفه وجميله اوى
ميرسى اوى على كلماتك الرائعه دى
وربنا يبارك حياتك

[عماد حسنى]

المشاركة الأصلية كتبت بواسطة M@@@NOOOO الله الله الله فعلا ياعمده هى دى الحياه كلامك راائع وكله نصائح تحفه وجميله اوى ميرسى اوى على كلماتك الرائعه دى وربنا يبارك حياتك

يارب تكون عجبتك يا
مانو انا بيهمنى رأيك جدا وموضوعاتى لازم تنور بحضورك
ربنا يخليك يارب
ودايما منور المنتدى والدنيا كلها

[وردة حزينة]

وتحسب حسابات كتير 0 وقدامك البرهان والدليل
رائع ياعماد هاتلنا كلام جميل نرد بية عليك
خلاص كلامنا بقى عاجز قدام كلامك العسل دة

[عماد حسنى]

المشاركة الأصلية كتبت بواسطة وردة حزينة وتحسب حسابات كتير 0 وقدامك البرهان والدليل رائع ياعماد هاتلنا كلام جميل نرد بية عليك خلاص كلامنا بقى عاجز قدام كلامك العسل دة

كفايه وجودك ياورده
بجد من غير اى كلام
وجودك ووجود اجمل ناس عرفتهم فى موضوعى
بيسعدنى اوى اوى
ربنا يكون معاكى ويفرح قلبك دايما

[جاسيكا]

خدها نصيحه منىّ 0 الزمان ياما علمنى
متفكرش كتير وعدى 0 ولما تعاندك تهدى 0
حب على اد ماتقدر 0 حب ويمكن تقدر
بس خلى عقلك فيك 0 وأوعى تأمن لتضحك عليك 0
تخيلها سكر زياده 0 خليك عايشها ببساطه
حتى لو دقت المرار 0 كأنك بتستطعم بطاطا 0
ان شعلك تقل عليك 0 ماتقولش دى دنيا غريبه
أهى حاجه لسه فى أيديك 0 أحسن ماتكون الحديده 0


ميرسى كتتتتتتتير على النصيحة
ربنا مع حضرتك