سلام ونعمة
كل عصر وليه تقاليعه الجديدة، ده فعلا حقيقى ... بس لما ربنا الحمد لله أدانا العقل ، ميزه انه بيشتغل فى كل العصور.. اللى فاتت واللى موجوده واللى لسه هاتيجى!! وأدانا برضه الانجيل عشان نحكم ونشغل برضه عقلنا ونعرف اللى بنعمله ده يليق ولا لايليق؟؟!!
انا أترددت كتير قبل ما اكتب المقال هنا، قولت يمكن الحالات اللى انا شوفتها او اتحكالى عليها (اللى بتعمل التقاليع ديه) قليلة جدااا او فيه طوائف تانية غير الارثوذوكس!!
بس المصيبة الكبيرة انى لاقيتها منتشرة ووصلت أرياف كمان ... وفى المنوفيه بالتحديد!!
بس عاوز اسألكوا سؤال فى آخر كلامى .. يا ريت اللى يقرأ الموضوع يجاوبه عشان انا مش لاقى اجابه عليه خالص !!!
التقاليع ديه انا هاقول امثله ليها بس بالتدريج .. من الأخف للأشد .. واحدة واحدة يعنى:
1- ظاهرة الفيس بوك ... طبعا الفيس بوك عليه جروبات دينية كتير وهادفه وجروبات تانية للتسلية وللم الشمل والاصحاب القدامى من جديد ... ماقولناش حاجة .. بس لما أخواتنا البناتيت يبقوا فاتحين الprofiles على البحرى وحاطين صورهم بالمئات ومنها صورهم وهما فى المصايف وفى الافراح وحاجة بقى تكسف !!! وللأسف الواحد بيشوف الحاجات ديه بالصدفة من خلال مثلا Tag معمول لواحد من الfriends عنده .. وبعد كده لما حد ياخد الصور ديه ويركبها على الفوتوشوب وتبقى فضيحة بجلاجل، يقعدوا يعيطوا ومايبقوش عارفين يعملوا ايه !!! ياما بنسمع عن الحاجات ديه!!!
دلوقنى للأسف كتير من البنات بيستخدموا الفيس بوك عشان يعرفوا يجذبوا عريس .. او عشان يتباهوا بأنهم style وروشين وعالموضه ,,
وكلوا كوم بقى والcomments اللى عالصور كوم تانى ... تلاقى صاحب البنت بيقولها -وانا آسف فى التعبير بس ده اللى بيتكتب بالنص- "ده انتى جامدة اوى فى الصورة ديه يا baby !!!!!! ومرة يقولها انتى mozza !!!!
وكبعا هى تسمع الكلام ده تفرح وتزيد فيها بقى !!! وهو بيضحك عليها وعايش حياته مع الصور اللى مابتخلصش ديه !!!
وتلاقى بقى باباها ومامتها مابيعرفوش يفتحوا الكومبيوتر اصلا .. ونايمين على ودانهم ومش عارفين حاجة !!
وكل ده بيتكرر كل فترة على الnewsfeed... ويبقى عند ال300 ولا ال400 friends بتوعها ... يادى الفضيحة !!!!!!!!!!!!!!!!!!!!!!!!!!!!!!!!
وفى الاخر تفاجئ بعد كده انها خادمة فى الكنيسة الفلانية واللى بيهزروا معاها دول برضه فيه منهم خدام !!
ولما يبقى فيه فرح هايحضروه مع بعضهم ، الواحد وشه بيحمر من الكلام اللى بيتقال سواء في الevent بتاع الفرح او على الwall عادى ... مش هاقول كفاية عليكم كده..
2- ظاهرة تنفيض الاهالى .....
وديه بقى بقت واضحة جداااااا فى مجتمعنا وطبعا برضه فى الاسر المسيحية ... انا كنت بحضر فى الاول فى كنيسة كبيرة عندنا .. وسيبتها روحت كنيسة تانية من بعد 2 اعدادى ... وطبعا سبت زمايلى بتوع دفعتى اللى كنت معاهم، والحقيقة كانوا كلهم عيال زى العسل ومتربيين وكنت مبسوط معاهم .... ومن فترة قريبة روحت ازور الكنيسة القديمة وشوفت اصحابى كانوا واقفين بره على نصية شارع الكنيسة ومعاهم حاجتين، حاجة واحدة من الحاجتين كفيلة بأنها تقضى عليهم ... كان معاهم بنات (ومش اى بنات، مش من بنات ربنا مع انهم تقريبا مسيحيين) ومعاهم سجاير ... طبعا انا شوفت كده اتصدمت صدمة واتصمرت فى الارض ل5 دقايق من الدهشة!!!!!!!!!! والغريبة ان تقريبا دول اغلب صحابى هما اللى كانوا واقفين ..
ومن بعديها كل لما اكون رايح اعمل حاجة فى الكنسية واقابل بعضهم وعينيا تيجى فى عنيهم .. بيعملوا نفسهم مش شايفينى .. ويفضلوا واقفين بره الكنيسة .. مش قادرين يدخلوا... وكمان سمعت ان مرة فى يوم اجتماع الشباب الجيران اللى قدام الكنيسة نزلوا يشتكوا للكنيسة من المناظر اللى بيشفوها وكانوا عاوزين يكبروا الموضوع !!!!!!
فين الاهالى فين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟
ومرة كان يوم الجمعة الصبح.. وكنت رايح آخد طفلة صغيرة لمدارس الاحد بتاعت كنيستى .. فا ملقيتهاش فى بيتها ومامتها قالتلى معلش استناها تحت هى زمانها جايه من الكنيسة التانية (اللى هى كنيستى القديمة) ... فافضلت مستنى تحت لحد مالقيتها جايه ومعاها الميسات بتوع خدمة بنات كانوا بيروحوها، واتصدمت بقى لما شوفت لبسهم كان عامل ازاى ... بنطلونات عشان يعرفوا بس يلبسوها محتاجين 7 يساعدوهم !!! كانوا كذا ميس.. انا شوفت 2 منهم وبعد كده فضلت باصص فى الارض وسيبت البنت تطلع لمماتهم وطلعت خدتها من فوق عشان ماتكلمش مع المسات ..
3- الأفراح الModern
اللى فات طبعا يعتبر بلاوى ,, بس بلاوى مش جديدة قوى .. وممكن اى حد لما يسمعها مايستغربش اوى..
بس الجديد بقى فى الافراح بتاعت اليومين دول الذات اللى معاهم فلوس بزيادة شوية ..
بيحبوا يضخموا اوى فى حدث الزواج بتاعهم وبيعملوا حاجات جديدة وغريبة جدااااااااااااااااااااااا ااااااااااااااااااااااااا ااا
انا هاذكر حالة واحدة بس عشان تعرفوا قصدى ..
- فيه حد اعرفه من بعيد وعالفيس بوك طبعا .. الاخ عنده 22 سنة، كاثوليكى ، بعد الخطوبة ةلما قرب ميعاد الجواز.. قرر هو والكتكوته خطيبته انهم يعملوا كليبات ليهم funny عالفيس بوك، تبقى كدعاية وشهرة ليهم يعنى ... لحد كده مافيش مشكلة، بس المشكلة بقى الكليبات ديه كانت تقليد لكليبات الاغانى المشهورة ... دون الدخول فى الاسامى والتفاصيل ... الخارج فى الكليبات، انهم كانوا بيعملوا زى عروض استعراضية وطبعا اللبس فيها فضيحة لوحده وبيرقصوا بقى فيها مع بعض عادى ... وأفاجأ ان طقم البنات اللى كانوا بيعملوا الshow ده دول اصلا فريق ترانيم فى الكنيسة عندهم .. 
وفى آخر احد الكليبات اللى كانوا بيمثلوها ، العريس شال خطيبته وقبلها من فمها ، وده كان برضه قدام باقى طقم التمثيل... وفى يوم الفرح وهما بيرقصوا وبيغنوا فى أحد الفنادق وقدام الخلق كلها .. عمل نفس الحركة ديه تانى ,,, بس المرة ديه كانت طويلة شوية عدت 4 دقائق بالstopwatch 
.. والناس بتهيص وبتسقف عادى والموبايلات كلها بتصور وهو وهى ولا هنا !!!!!!!!
وأتضحلى من خلال كذا فرح تانى ان الحكاية التقبيل جيه انتشرت اوى وبقت عادى فى الافراح وفى الارثوذوكس برضه كما فى الطوائف الاخرى ايضا... وبقت كأنها سمة يتسم بيها الناس الhigh !!!!!!!!!!!!!!!!!!!!!
_____________
البلاوى الجديدة خلاص قلتها .. بس انا قولتلكوا ياريت تجاوبوا على سؤال اللى هاقوله فى الاخر ...
ايه اللى بيحصل ده وفين الآباء الكهنة وفين الاهالى وايه اللى جرالهم ... خلاص كلوا ركب اريال ونفض للدنيا والدين وعمل نفسه عبيط ولا ايه اللى بيحصل بالظبط؟؟؟؟
مشاهدة صفحة طباعة الموضوع
أرسل هذا الموضوع إلى صديق
أهلا بالمصايـــب!!!! ((تقاليع جديدة))
المواضيع المتشابهه
العرض الشجري