[aymonded]

لفد سمعت اليوم عن خبر غريب ولا أدري إلى الآن مدى صحته !!!
سمعت أنه قد تحدد شراء 5 أرغفة فقط لكل مواطن يتقدم لشراء عيش من الفرن !!!!!!!
ولما ذهب أحدى سكان العمارة قال هذا الكلام ، بعد لما قام بخناقة كبيرة مع البائعين في الفرن إذ قد تعود أن يأتي بعشرة ارغفة في اليوم وذلك حسب حاجة اسرته واندهش من هذا التحديد الذي جعله يقوم بثورة عارمة ، حتى أنه كاد أن يضرب العاملين في الفرن هو ومن معه في نفس ذات الطابور الي دعتهم الحاجة أن يشتروا أكثر من 5 أرغفة !!!
وقد كاد أحدهم أن يقتل أحد العاملين إذ تصاعد الموضوع لخناقة بالسلاح الأبيض إلى أن تدخل اكثر من شخص لوقف هذه المهزلة !!!!!!

ولا أدري من أين أتى هذا التحديد الغريب ولماذا لا أدري !!!
وهل المطلوب من أن صاحب اسرة بها أكثر من طفل وهو وزوجته أن يأتوا بخمسة أرغفه فقط في اليوم - فطار وغداء وعشاء - ويحدوا من طعامهم اليومي ، لا أدري !!!
طب لو اسرة فيها ثلاثة فقط يحتاجوا 9 أرغفة ، والا ياترى هانبقى نصرف العيش مع بطاقة معها تقرير بعدد العائلة ويختص لكل شخص برغيف مع الالتزام بطقة واحده في اليوم فقط !!!!!!!

أغيثوني يا ساده لو حد عنده أي أخبار سليمة وصحيحة من مصادر إعلامية مؤكده يا ريت الإفادة !!!

وربنا يرحمنا من القرارات التي لا أعلم مصدرها ولا الحكمة منها !!!
النعمة معكم

المصدر: †† ارثوذكس †† - من قسم: قسم الأخبار

[IO-Mena]

هو الصراحة يا استاذ ايمن الخبر ده قديم والكلام ده على بطاقة التموين

واه مسموح لمواطن بعدد محدد تقريبا عشرة ارغفة طوال اليوم !!!

ربنا يرحمنا مفيش فى ايدينا نعمل حاجة غير انى نقول يارب ارحمنا ونزعق بعلو صوتنا

[aymonded]

ينهار ابيض انت بتتكلم عن جد أنا أول مرة أعرف النهاردة
أيه ده بقى اسمه انشاء الله !!!

أنا محتار حقيقي ومش فاااااااااااااااااااهم
أيه النظرية الغريبة دية

وأنا كل اللي عرفته من الفرن أن ممنوع حد يا خد أكثر من 5 أرغفة
ومش عارف موضوع 10 والله وأعلم ايه اللي هايحصل تاني !!!!!!!!!

وبعدين يعني الواحد ياخد البطاقة وبيروح يشتري عيش وتتختم والا تتمضي بقى انشاء الله
وبعدين الواحد يسيب مصالحة ويستنى طابور العيش لغاية ما يتم الصرف اليومي
وعجبي
دية آخر كته هزلية في القرن الواحد والعشرين
أنا حاسس اننا رجعنا لأزمة الحرب العالمية الأولى !!!!
ومش بعيد نرجع للقرن ال 14 أو يمكن التالت ق. م.
ياااااااااااااااااااااااا ااااارب ارحمناااااااااااااااااااا ااااااااااااااااا

[kamel]

ربنا يرحمنا ويكون مع الأجيال اللى جاية
امال هانعمل أأأأأأأأأأأأأأاية سنة 2025
لما عددنا يوصل 100 مليون
طبعا هانأكل بعد
ربنا يرحمنا

[aymonded]

عندك حق يا استاذ كامل
ربنا يرحمنا كلنا
بس انا مش عارف مدى حقيقة هذا الأمر إلى الآن ، فهل يوجد مسئول قال هذا الكلام ، فإلى الآن مجرد اقوال متضاربة وأصحاب الأفران اللي حولنا بيتناقلوه ومش بيعطوا أكثر من 10 بعد الخناقة اللي حصلت في اكثر من فرن ، بس مش فاهم أيه أساس الكلام أو مصدره ، ولو حد يعرف ياريت يوضح ، هل هو صحيح أو مجرد لغو كلام !!!!

وربنا يرحمنا كلنا ، ومش عارفين حقيقي هانعمل ايه في السنين القادمة ، وحقيقي مش قادر اتصور لو وصلنا للعدد اللي بتقوله يا استاذ كمال هانعمل ايه يا ترى !!!!!!!

النعمة معك يا أحلى غالي

[اللة يرعانى]

ربنا يرحمنا بكرة يبقى الرغيف بجنية خلاص احنا بقينا فى مجاعة ربنا يرحمنا

[aymonded]

حقيقي يا احلى مريم مش عارفين نعمل ايه
ربنا يرحم الكل ويعين كل اسرة في محنة هذه الأيام الصعبة
النعمة معك

[Team Work®]

مش عارف ارد بس ربنا يرحمنا

[aymonded]

آمين يا رب أرحم الشعب كله وعين الكل على ضيقة الحياة
وياريت لو حد عنده أخبار مؤكده يقول لحسن إلى الآن مش عارف أوصل لخبر مؤكد خالص

أشكرك يا صديقي الحلو على مشاركتك للمحنة اللي احنا كلنا فيها
النعمة معك ومع الجميع آمين

[MeRooBe@r]

الرب يرحم الجميع انا اول مرة اعرف الكلام لغريب ده
يا رب ............