[الماكس مايكل]

اولا الموضوع منقــــــــــول
ويستحق الناقل !!!!!!!!

البداية هيام وحب وأحلام وردية
وفي نص الحكاية
كلام وأحلام وجوابات غرامية

نمشي شوية
وفي الطريق تقابلنا مشاكل .. صعاب

نقف نتردد
نخاف نتهدد
نفكر نحتار
نبكي وننهار

نتراجع والقلب يتوجع
نتخلي عن الاحلام
ونقول دي كانت أوهام

نسيب طريق مشيناه
والقلب عن أمله تاه
واخرتها جرح وآآآآآآه


يا تري مين السبب في المعاناه؟
الحب هو اللي ظلمنا ولا احنا اللي ظلمناه؟

العيب فينا ولا في الزمن ؟
الشاب هو الندل ولا البنت هي الندلة ؟

ولا هي الندالة بقت علامة الجودة للجيل ده ؟


" هحبك لأخر يوم في عمري مهما حصل "
كتير قوي بنسمع الجملة دي بين العشاق
ومن اول مشكلة تقابلهم
فجأة نلاقي كل الكلام وكل الوعود اتبخرت
ونلاقيهم اتخلوا عن حبهم بكل بساطة

ازاي ده بيحصل
هل الحب بيموت جوه قلوبهم ؟
طب ماهو لو مات الحب يبقي مات القلب

هل ظروف الحياة ومشكلاتها هي اللي بتموت الحب؟
بس الحب دايما بيقوي مش بيضعف
واكيد لو اتمسكنا بيه هيدينا القوة اللي نواجه بيها كل المشاكل


الحب ده اعظم كنز في الوجود
للدرجة دي احنا بقينا مش مقدرين الكنز ده وبنتخلي عنه بكل سهولة ؟

انا دايما بشوف ان الحب ده زي نور الشمس
النور اللي بينور القلب
والقلب ميقدرش يعيش بدونه
طب ازاي نسمح لأي سحابة حتي ولو كنت صغيرة
انها تخنق النور ده
هل عمرنا شفنا نور الشمس اتهزم من اي سحابة
مهما ان كانت السحب في النهاية نور الشمس هو اللي بينتصر

طب ليه حبنا ميكنش زي كده يقاوم اي سحابة وميستسلمش بسهولة

يا تري العيب في مين
في الزمن اللي احنا عايشينه والحياة وصعوبتها؟

ولا العيب فينا احنا
احنا اللي بقي نفسنا قصير ومش قادرين نستحمل
عشان نحافظ علي حبنا ؟


عاوز أعرف رأيكم في الموضوع

المصدر: †† ارثوذكس †† - من قسم: صندوق مناقشات الاعضاء

[zaza2006]

موضوعك جميل يا مايكل بس ممكن يكون فى كذا سبب
ممكن يكون الحب كان فى ظروف غلط من غير تفكير
ممكن يكونوا كانوا بيتسلوا او ممكن يكون العيب من البنت او الولد
بس فكل الحالات مقدرش اظلم الحب لاننا احنا اللى بنضيع الحب بايدينا
شكرا ليك يا مايكل

[Hanyking]

مايكل على فكرة موضوعك جامد جدا بجد واحلى ما فيه انه واقعى جدا بص يا باشا انا شايف انى السبب مش فى الحب لانه الحب دة اسمى معانى الوجود بس فى الزمن اللى احنا فيه دة والايام الصعبة دى الظروف اللى بيمر بيها الشباب خصوصا هى اللى بتخنق الحب ... يعنى مثلا لنجاح اى قصة حب مثلا ايه المطلوب من الشاب انه طبعا يكون جاهز للارتباط وطبعا فيه شباب كتير لسه بيبنوا حياتهم ومش قادرين يرتبطوا ودة طبعا من الاسباب الرئيسية اللى بتخنق الحب وبتطلع كلمة النهاية ... مين عارف يمكن لو كنا فى ظروف غير الظروف وزمن غير الزمن كان الحب بقا ليه شكل تانى .. بالنسبة بقا لموضوع الندالة دة بقا طبعا الظروف ملهوش دعوة بيها يعنى مثلا لما بيبقا ولد بيتسلى ومش بيحب او العكس بالنسبة للبنت طبعا الحب بريئ من الموضوع دة وكمان الظروف الاقتصادية ملهاش دعوة دة السبب فى الموضوع دة تفاهة الشخص اللى بيفكر كدا لانه بصراحة بيبقا فى نظرى انسان تافه وملهوش ولا هدف ولا مبدا .. ميرسى كتير يا ماكس انك طرحت موضوع مهم زى دة وبجد ربنا يباركك ويعوض تعبك

[nermos1982]

يا تري العيب في مين
في الزمن اللي احنا عايشينه والحياة وصعوبتها؟

ولا العيب فينا احنا
احنا اللي بقي نفسنا قصير ومش قادرين نستحمل
عشان نحافظ علي حبنا ؟

موضوع بجد حلوة اوى يا مايكل وانا زيك مستنية اعرف اجابة السؤال ده

[KOKO SPA]

بوص ياماكس
العيب فينا وده الملخص

مرسى للموضوع الجامد

[الماكس مايكل]

المشاركة الأصلية كتبت بواسطة zaza2006 موضوعك جميل يا مايكل بس ممكن يكون فى كذا سبب ممكن يكون الحب كان فى ظروف غلط من غير تفكير ممكن يكونوا كانوا بيتسلوا او ممكن يكون العيب من البنت او الولد بس فكل الحالات مقدرش اظلم الحب لاننا احنا اللى بنضيع الحب بايدينا شكرا ليك يا مايكل

ميرسى جدا على رأيك الجميل اوى ده
ربنا يفرح قلبك

[الماكس مايكل]

المشاركة الأصلية كتبت بواسطة hanyking مايكل على فكرة موضوعك جامد جدا بجد واحلى ما فيه انه واقعى جدا بص يا باشا انا شايف انى السبب مش فى الحب لانه الحب دة اسمى معانى الوجود بس فى الزمن اللى احنا فيه دة والايام الصعبة دى الظروف اللى بيمر بيها الشباب خصوصا هى اللى بتخنق الحب ... يعنى مثلا لنجاح اى قصة حب مثلا ايه المطلوب من الشاب انه طبعا يكون جاهز للارتباط وطبعا فيه شباب كتير لسه بيبنوا حياتهم ومش قادرين يرتبطوا ودة طبعا من الاسباب الرئيسية اللى بتخنق الحب وبتطلع كلمة النهاية ... مين عارف يمكن لو كنا فى ظروف غير الظروف وزمن غير الزمن كان الحب بقا ليه شكل تانى .. بالنسبة بقا لموضوع الندالة دة بقا طبعا الظروف ملهوش دعوة بيها يعنى مثلا لما بيبقا ولد بيتسلى ومش بيحب او العكس بالنسبة للبنت طبعا الحب بريئ من الموضوع دة وكمان الظروف الاقتصادية ملهاش دعوة دة السبب فى الموضوع دة تفاهة الشخص اللى بيفكر كدا لانه بصراحة بيبقا فى نظرى انسان تافه وملهوش ولا هدف ولا مبدا .. ميرسى كتير يا ماكس انك طرحت موضوع مهم زى دة وبجد ربنا يباركك ويعوض تعبك

الف شكر على رأيك الجميل اوى ده
كلامك مظبوط ميه اللميه ياباشا
ربنا يفرح قلبك

[الماكس مايكل]

المشاركة الأصلية كتبت بواسطة nermos1982 يا تري العيب في مين في الزمن اللي احنا عايشينه والحياة وصعوبتها؟ ولا العيب فينا احنا احنا اللي بقي نفسنا قصير ومش قادرين نستحمل عشان نحافظ علي حبنا ؟ موضوع بجد حلوة اوى يا مايكل وانا زيك مستنية اعرف اجابة السؤال ده

ردك انتى احلى يا احلى نرمو
اهو مستنين الاجابه
ميرسى جدا
ربنا يفرح قلبك

[الماكس مايكل]

المشاركة الأصلية كتبت بواسطة koko spa بوص ياماكس العيب فينا وده الملخص مرسى للموضوع الجامد

مانا عارف انو فينا بس ليه
ميرسى على مرورك وردك الجميل
ربنا يباركك

[جاسيكا]

العيب فى الاتنين يا مايكل لانهم لو بيحبو بعض بجد عم ما اى مشكلة هتقدر تهزم حبهم
لكن بتلاقيهم عند اول مشكلة كل واحد بيبعد ويقول انا مالى لا مش هقدر اكمل
انما لو مسكو ايد بعض وقالو هنتحدى المشكلة دى وبايد رب المجد معاهم هيعدو المشكلة وهتمر بسلام بس الاهم انهم يكونو مع بعض وميتخلوش عن بعض مهماً كان
ميرسى مايكل للموضوع والمناقشة
بس عايزين نعرف رأيك انت كمان