[الناى الحزين]

احب من احببت
انتم

كل اصحابى واخواتى اعضاء منتدى اورثوذكس
انا بحبكم جدا جدا

وانا اسف و بعتزر لكل الناس اللى بكلمهم على الميل او على الفون

باعتزر للكل لانى مش بقدر ارد على ناس كتير

يا جماعه فيه كتير ما يعرفش ان وصله النت عندى عباره عن واير لس او لاسيلكى
وسعات بتحصل لاخبطه
يعنى ممكن حد يبعتلى كلام يوصل متأخر
فيفتكر انى مش عاوز اتكلم معاه او مشغول
وسعات فيه ناس بتكتبلى والكلام مش بيوصل
فبيفهموا انى بهملهم فى الرد
وسعات ناس بتسبلى رسايل على الاوف لاين ومش بلحق حتى اشوفها والنت يفصل
الناس بتفتكر انى مش برد عليهم

بأمانه كل ده بيحصل
وكتير بيزعل منى
وفيه اللى بيقول وفيه اللى مش بيقول
لكن بجد غصب عنى
وبجد اسف جدا

اما بقى الفون
طبيعة شغلى انى بكون شغال فى جو صوته عالى
ومش بسمع الموبيل من صوت المكن العالى
علشان كدا ناس ممكن ترن اكتر من مره ومش برد عليها
وكمان سعات بكون مشغول جدا ومقدرش ارد على حد منكم
ومش ينفع ارد على واحد واقوله معلش مشغول مش هينفع اكلمك

علشان كدا سامحونى انا بعتزر لكم عن كل الاخطاء اللى بتحصل دى

ومعلش انا مش هفتح الميل تانى
واسف بجد لانى غيرت رقم الموبيل

ياريت لو حد كلمنى على الميل او سابلى رساله ومش رديت
ميزعلش
او كلمنى على الفون ولاقاه دايما غير متاح
اتمنى انكم تقدرونى ومتزعلوش
بجد انا اسف ليكم جدا جدا

وبأمانه ربنا
انا مش زعلان من اى حد فى المنتدى
ولا احمل فى قلبى ذره زعل او خصام للاى شخص فى المنتدى
من الصغير للكبير
ولا اقصد شخص معين بالكلام ده




واعزرونى وسامحونى
اخوكم الصغير الناى الحزين

المصدر: †† ارثوذكس †† - من قسم: صندوق مناقشات الاعضاء

[aymonded]

هو مين ده اللي يزعل من أخ محبوب عندنا جيعاً !!!
أنا عن نفسي مستحيل أزعل بأي حال من أحلى أخ رائع أحبه من قلبي
بكل حب أهديك أرق تحية وأجمل سلام يا محبوب الله
النعمة معك كل حين

[kamel]

حبيب قلبى الغالى مش ممكن حد يعرفك على حقيقتك
ويزعل منك أنت أنسان خلوق وحساس
ولكن طبيعة شغلك خاص لمن يعرفة
لا لا لا لا ملكش حق تتاسف يا غالى
الرب يعينك ويقويك ويحافظ عليك
وبركة الصوم المقدس وســــــــــــلام المسيح
يلازمك إينما كنت

[قهوة ساده]

هو حد كان قالك انه زعلان منك
ولا انت عاوز تعمل مواضيع وخلاص


ايه ده ايه ده

بطل ياواد صداع بقي مش عارفه انام

[@M@R!N]

ولا يهمك يا فله

[ZEZOMERO]

بص يا فلة
زى ما قالت مارينا
الموضوع مش يتبصلة من كدة
انت اكيد بتكون مشغول والى يزعل منك
اكتبلة التفاصيل الى انت كاتبها دى
فى رسالة اوف لاين لية
وعادى يا عم
طيب انا هاكلمك ازاى دلوقتى
يا فلة
رد عليا اكلمك ازاى

[قلب المحيط]

لالالالالالالالالا ولا يهمك ياناى خلاص انا مسمحاك ولا تزعل متزعلش انت مني عشان بقل التلفون في وشك كل يوم

[peter333]

حبيب قلبى الغالى الصعيدى الكبير بتاع المنتدى و اللهى انت واحشنى موت بجد انا هموت و اشوفك و ربنا يكون فى عونك يا كبير
و انا مستنيك فى اليكس و هموت و اشوفك بجد يا غالى ربنا معاك و يحافظ عليك

[اسامه سمسم]

ايه يا عم انت ده
برضو كده مين ده اللى يقدر يزعل منك
انا عن نفسى زعلااااااااان منك جوى جوى
ازاى ياواد انت تغير الميل والفون
من غير ما تقولى
دانا حماك ياد

[kottah_sh]

نااااااااااااااااااااى
نااااااااااااااااااايين
هالوز يا حج ايش اخبارك
يارب تكون عال العال
ولا يهمك يامان
اللى يعرف الناى على حقيقته
لاممكن يزعل منه وااااااااااااااااااصل