[captin . macmillan]

بصوا بأة

الكل لى صاحبه اللى بيحبه والكل ليه واحد رخم ملازمه وفى كل حتة معاه انا بأة عندى ده و ده بس المشكلة ان الصديق اللى انا بحبه دة هو انا ولسة انهاردة حصلت مشكلة من كدة انتوا عارفين انى يعنى 13 سنة تقريبا نسيت اقولوكوا الملازمنى ورخم هو .................................................. ...............
اخوية الصغير طبعا هتقولوا ادة ولا اسمعوا بس و استنوا هو اه صغير بس بيصطاد فى المية العكرة تعرفوا ازاى انا مثلا اكلت حاجة ونسيت اعزم علية طبعا يروح هو جى وبصوت عالى عشان كله يسمع ويقول :جوووووووون ممكن واحدة .
وهو خلس حاجته خلاس مش يسيبنى فى حالى! لأ لا؟ لازم يجيى ويتقاسم معايا طبعا ماما تيجى وتقول:جون متديله يا جون اروح انا سايبله الحاجة كلها وامشى يبقى انا كده انانى وبكره اخوية و بظلمه وبعدان بخمس دقائق يجى بابا يدى اخوية حاجة يروح ديفيد فى شكل امير كده ويقول:بابا ادى جون حبة زى .يروح بابا و ماما بصنلى بأرف كده كأنهم شافه عفريت وقائلين فى صوت واحد:جووووووون .لغايت لما بقات عايز اغير اسمى و اخليه محمد حاجة يعنى غريبة لأ وبعدان مثلا يغلس يلطشنى مثلا اروح رددله الضربة يروح معيت زيقول:ماما ماما جون ضربنى.وانا حضارات القارئين ادبس فيها اقدر أخد حقى لأ انا عايز انتحر انا خلاس انا مش بهزر انا عملت الموضوع ده عشان كان لازم اكلم مع حد عشان هنفجر لو مقلتش لحد انا مشعارف ازاى ميكى كتبلى ابتسم

المصدر: †† ارثوذكس †† - من قسم: صندوق مناقشات الاعضاء

[elphilasouf]

ممممممممممممممممممم
متزعلش
بس اخوك بيحبك زي مانت اكيد بتحبه هو صغير شويه بس
وكلنا لما كنا صغيرين كنا بنغلس ع اخوتنا عادي يعنى
لما تكبرو اكيد هتعقلوا

[kottah_sh]

المشاركة الأصلية كتبت بواسطة elphilasouf ممممممممممممممممممم متزعلش بس اخوك بيحبك زي مانت اكيد بتحبه هو صغير شويه بس وكلنا لما كنا صغيرين كنا بنغلس ع اخوتنا عادي يعنى لما تكبرو اكيد هتعقلوا

ياواد ياعاقل انت

ايه العقل والحكم دى كلها
من امتى
ههههههههههههههههههههههه
ربنا يكملك بعقلك يابنى

[عماد جاد]

معلش مش تزعل خليك انت الكبيرعشان يتعلم منك الحب والتفاهم الاسري

[iyiy]

انت بكرة لما تكبر شوية هتقول اية الحاجات التفاهه دى

لأ انا عايز انتحر

لما من مشكلة زى دى بتفكر فى الانتحار
امال لما تكبر شوية هتفكر فى اية القتل مثلا
ياحبيبى ايلى انت فية دة حاجة عادية جدااااا
احنا لما كنا قد اخوك الصغير او قدك كنا بنعمل اكتر من كدة
بس لما كبرنا شوية قولنا اية التفاهة دى

[بنت الراهب الصامت]

بص ياجون بجد
اخوك لا شك انه بيحبك او ى اوى اوى اوى كمان
عارف ليه؟ وبجد
لان فى مثل بيقول القط مش بيحب الا خناقه
بمعنى ايه
ان لو فى يوم اخوك مش غلس عليك هيحس ان فى حاجه نقصاه
ولكن لو غلس عليك كل يوم هيحبك اكتر
وانت ياحبيبى لسه صغير
المفروض مش تزعل لانك انت الكبير
وفعلا المفروض اخوك الصغير يتعلم منك المحبه
هو لما يشوفك بتسبله الحاجه بتاعك بمحبه هيتعلم منك حاجات حلوة كتير
وانت كمان ابقى انصحه لانك انت الكبير
اما بابا وماما بيبصولك كأنهم شافو عفريت دى اسمحلى انت فاهم غلط
هما بيبصولك علشان تنتبه لاخوك الصغير ومش تزعله بيبصولك بمحبه
لما يكرمك وتكبر وتجيب عيال هتعرف معنى المحبه الحقيقيه
اما عن انك عايز تنتحر علشان زهقت دى مفيش حاجه اسمها تنتحر لانك لسه صغير
ياحبيبى طول مانت بتتعامل بمحبه واخوك عارف كده وربنا شايف محبتك لاخوك
ربنا هيبقى معاك دايما
وبلاش الفكرة دى تيجى فى بالك تانى لانك لسه صغير
وصلى لربنا يهدى اخوك حبيبك
ومتزعلش من اخوك لانه بيحبك اوى
وبيحب يغلس عليك
ومتزعلش من بابا وماما لانهم بيحبوك اوى اوى اوى
وانت متزعلش منهم وعاملهم بمحبه لانهم بيحبوك
ربنا معاك ويوفقك يارب

[ملكه الاحزان]

عادي بجد بجد بجد
انا اخويا كان بيضربني وانا صغيره ونشد في شعر بعض
عادي بجد