رد: اسائل بدى الاجابة
كُتب : [ 03-08-2011
- 06:23 PM
]
الاغانى حرام لو الواحد سمعها؟؟
كما ذكر لنا الكتاب المقدس، مافيش حاجة اسمها حلال وحرام ,, فيه "يليق" و "لايليق" .. مشكلتنا اننا عاوزين ناخد من متع العالم و وناخد من متع الأبدية (أى نجمع بين الاتنين) وده بقى هو المستحيل بعينه
مكتوب: "كل الاشياء تحل لي لكن ليس كل الاشياء توافق كل الاشياء تحل لي و لكن ليس كل الاشياء تبني" .. يعنى لازم الحاجة اللى هانعملها تكون توافق وتبني .. ربما الموسيقي توافق وتبنى اذا استخدمناها فى الترانيم زى ما عمل داود النبى، وزى ما ذكر الكتاب: "مكلمين بعضكم بعضا بمزامير و تسابيح و اغاني روحية مترنمين و مرتلين في قلوبكم للرب" .. اما الأغانى الدنيوية فهى تحول اعيننا من حب الرب (الذي يجب ان نحبه بكل قلوبنا وقدرتنا اكثر من اى شئ فى الوجود) الى حب الجنس الآخر .. فاكلماتها تثير داخل الإنسان غريزة الانتماء للآخر وتؤدى للدخول بسهولة وبطريقة مبكرة وبغير نضج فى علاقات عاطفية مع الجنس الآخر .. فالارتباط شئ مقدس ولكن عندما ينضج الإنسان ويكون مؤهلا ماديا وعاطفيا وجسمانيا له ,, "لكل شئ تحت السماء وقت"
بالطبع كان موجود فى وقت المسيح والرسل أغانى وأشعار ,, لكن عمر ما المسيح او اى حد من الرسل والتلاميذ كان بيرددوها .. ليه ؟؟ لأنهم كانوا شبعانين روحيا .. "النفس الشبعانة تدوس العسل "، عشان كده ممكن استبدال الاغانى العالمية بالاغانى الروحية
الافلام حرام لو الواحد اتفرج عليها و المسلسلات؟؟؟؟؟؟؟؟ كما ذكرت ، هناك يليق ولا يليق كأبن /كإبنه للمسيح
جميع الأفلام والمسلسلات بالطبع "لاتبني" لأنها تفتقر لكل تعاليم المسيح، فإذا وجدنا فى فيلم مشهد خيانة او اهانة او آذي .. هايكون رد الفعل المجنى عليه هو الانتقام .. لأنه ببساطة لا يعرف معنى المحبة الالهية ولم يذق غفران المسيح ولم يسمع عن: "أحبوا أعدائكم"
بالطبع لا يخلو فيلم عن علاقات عاطفية متعددة شأنها شأن الأغانى تماماً
بل ربما أكثر منها !!
ولا يخلو أى فيلم من كلام العالم المملوء تفاهه ووقاحة، يقول الكتاب: "و لا القباحة و لا كلام السفاهة و الهزل التي لا تليق" .. ويقول ايضاً: "لا يغركم احد بكلام باطل لانه بسبب هذه الامور ياتي غضب الله على ابناء المعصية. فلا تكونوا شركاءهم" .. ومعنى اننا نشاهد افعالهم الغير مرضية ونتمتع بها فاكأننا شركاءهم!
"مختبرين ما هو مرضي عند الرب" وهذا أمر هام .. فنحن نبحث عما هو مرضى للرب ونفعله .. "مفتدين الوقت لان الايام شريرة.
من اجل ذلك لا تكونوا اغبياء بل فاهمين ما هي مشيئة الرب" .. هنا يحثا الكتاب ان نسلك كاحكماء لأن عمر الانسان قصير للغاية وإغراءات العالم كثيرة جداا وشريرة ومتنوعة ومتنكرة فى ثياب لامعة حتى تجذب الانظار اليها وتفسد لنا وقتنا ... الانسان لا يعلم وقت رحيله، لذا فمن الحكمة ان يبحث عن الاشياء المرضية للرب ويفعلها ويتمتع بها ايضاً لأنها ممتعة للذي يختبرها ويطلب بها نعمة الروح لتفتح بصيرته.
يعنى مش ممكن ابداً بعد مااشوف فيلم هاقدر اقوم أصلى واكلم ربنا ولا أقرأ الكتاب المقدس أو حتى كتاب ديني ،وكذلك الاغانى. فهذا بيعطلنى عن ممارسة حياتى الروحية. وهذه ايضاً خطية.
يمكن استبدال الاغانى بالترانيم، الافلام بالافلام الدينية (المصرية فقط) وقصص الحب والغرام بقصص الحب الحقيقي المتمثلة فى قصص القديسين والشهداء .. هكذا تكون المتعة حقيقية وبغير خطية.
حرام الحب؟؟؟؟؟؟؟ لو الانسان مافيهوش حب يبقى مافيهوش ربنا .. لأن الله محبة زى ماكلنا عارفين. لكن هناك حب مزيف يخدعنا به ابليس .. ان احببنا الله بكل قوتنا وقدرتنا وفهمنا وتلذذنا بالعشرة معاه، هاتنكشف اعيننا ونقدر نميز بين الحب الهادف المقدس وبين الحب الزائف الشيطانى!
دايما الانسان بيحاول انه يدور على اللى يحبه عشان هو لسه مجربش يحب حد بيحبه بنفس القدر أو ربما اكتر .. والمسيح فقط هو اللى يقدر يحبك الحب ده مش اى انسان تانى على وجه الكره الأرضية ,, لأنه هو الوحيد اللى بيحبك اكتر من الوالدين!!
أما الحب تجاه الجنس الآخر لا يكون مقدس إلا لو كان هناك اتفاق مسبق ونية صادقة للارتباط المقدس .. وربنا دايما من عظم اهتمامه بأولاده اللى بيحبوه اكتر من حبهم (للجنس الآخر) بيرتبلهم شريك الحياة المناسب.
وهناك قصص كتير عاصرناها تؤكد ذلك، وايضاً فى العهد القديم.
حرام ان الواحد يقول كلمة زهقان ارفان؟؟؟؟؟؟؟ في حالة واحدة بس .. اذا كان أرفان من خطيته وعاوز يتحرر منها .. هنا بس الاحساس بالندم والدموع مطلوبة لكى تغسل الانسان من نجاساته
لكن الانسان لو عرف يشبع ويتلذذ بالحب الالهى .. عمره مايحزن غير على خطاياه او خطايا غيره.
ومافيش اى حاجة ممكن تملا قلبنا قد حب المسيح، مهما جربنا مافيش يعنى مافيش ,, وانا شخصياً واكيد أغلبنا جربنا كل وسائل العالم لإشبعنا وإشبااع قلبنا لكن مافيش حاجة .. اذا كان الحب هو اللى هايملا على الانسان حياته (أقصد الحب الارضى) .. طب ليه فيه مشاكل وفتور وحالات طلاق بعد الزواج!!! لو كانت الفلوس هى الشبع طب ليه رجال الاعمال رغم غناهم الفاحش لسه بيشتغلوا وعاوزين يكسبوا اكتر!!! لو كان الجمال طب ليه اجمل النساء بيحرصوا على ارتداء افخم الملابس وبيحطوا ميكياج كتير فى وشوشهم رغم انهم اصلا جُمال .. ولو سألنهام انتوا مبسوطين هايقولولك انهم بيدوروا على الحب بس مش لاقيين الشخص المناسب!!
فراغ .. كل ده فراغ .. عشان المسيح مش موجود جوه خالص..
لو حد ما بيتكلم على حد وحش و اثنين اخرين عرفين الحقيقة بيكلمة على الحد دة مع بعد دة حرام؟ انا مش فاهم السؤال بالظبط بس النميمة خطية، وان الواحد يتكلم باطل على أخيه الانسان ده يعتبر برضه إدانة .. والمسيح علمنا اننا نعامل الناس زى ماحنا نفسنا ان الناس تعاملنا: "فكل ما تريدون ان يفعل الناس بكم افعلوا هكذا انتم ايضا بهم " .. وحذرنا ايضاً: "لانكم بالدينونة التي بها تدينون تدانون و بالكيل الذي به تكيلون يكال لكم"
لو حد بيحب ربنا اوى بيصلى كل يوم و بقراء الكتاب بس مش بيحب يروح الكنيسة عشان لسة مغير السكن دة يعمل اية عشان يروح الكنيسة؟؟
يحاول مع أهله انه يروح الكنيسة على الأقل اسبوعيا للقداس فقط من أجل التناول، ومن الأجل التعرف على أب الاعتراف الجديد .. وبعد كده يبقى يحضر الاجتماعات الروحية والعظات لأنها كلمة الله هى غذاء لروحه زى ما الطعام غذاء لجسده!
|
اسائل بدى الاجابة
المواضيع المتشابهه
اقتباس
العرض العادي
