[hard_age]

باسم الثالوث الاقدس
انا لى سوال وعايز اعرف منكم ياشباب هل موافقة الاهل فى مسالة الزواج شرط ضرورى يعنى لو فى اسرة مش موافقة من احداهما وكانوا الولد والبنت بيحبو بعض قوى قوى هل عدم موافة احد الاسر تبطل الزواجيعنى انا عايز حجتين

1- رايك الشخصى فى الموضوع
2- راى الكنيسة فى الموضوع

واتمنى مناقشة مفيدة ان شاء اللة

المصدر: †† ارثوذكس †† - من قسم: صندوق مناقشات الاعضاء

[lawyer]

هو موافقة الاهل مش حاجة تمنع الزواج بحسب قوانين الكنيسة
لكن بيفضل انة يكون بموافقتهم كنوع من الاحترام اولا و علشان يقدرو يعيشو
حياة مستقرة وسط اهلهم
انما لو هما متمسكين ببعض و الاهل مش موافقين ممكن يتجوزو عادي من
الناحية الكنسية لكن هاتبقى صعبة انهم يعيشو لوحدهم بدون اهلهم

و شكرا على الموضوع الجميل

[hard_age]

المشاركة الأصلية كتبت بواسطة lawyer هو موافقة الاهل مش حاجة تمنع الزواج بحسب قوانين الكنيسة لكن بيفضل انة يكون بموافقتهم كنوع من الاحترام اولا و علشان يقدرو يعيشو حياة مستقرة وسط اهلهم انما لو هما متمسكين ببعض و الاهل مش موافقين ممكن يتجوزو عادي من الناحية الكنسية لكن هاتبقى صعبة انهم يعيشو لوحدهم بدون اهلهم و شكرا على الموضوع الجميل

ميرسى لردك المفيد ولنا نقاش فية بس بعد ميردوا باقى الاعضاء
ربنا يباركك

[hard_age]

اية ياجماعة السوال محدش رد علية غير اخ واحد
هو السوال مش ذو اهمية والا اية
ارجو المشاركة

[Shosei]

انا واحده من ضمن الناس اللى يهمها جدا رائى بابا وماما لو حصلت بعدين مشكلة هروح لمين غيرهم طاب لو هما مش موافقين هروح فين وبعدين واثقة انى لو رفضو يبقى ربنا بيسبب الاسباب ممكن يكون دا رد ربنا من خلالهم اوعى تنسى تكرم بباك ومامتك مهما حصل وثق تماما لو اهلك او اهلها مش موافقين هتبقى فى مشاكل كتير وبداية مش موفقة رائى الكنيسة الصراحة معرفش بس سمعت شكوى كانت جاية للانبا بولا عن جوازه من الاول اهلها مكنوش موفقين وحصلت مشاكل جامده بينها وبين جوزها وبتشتكى للانبا بولا قالها لا تعليق اهلك من الاول قلولك لاا انا اعمل ايه

[elphilasouf]

مممممممم حلو رد ميرنا انا متفق معاها بصراحه
لازم موافقه الاهل
لاننا المفروض بنبنى بيت نبينه ع اساس صح مش غلط مش من اولها نعمل مشاكل كده ...

[nerooo]

بصى يا قمر موضوع راى الاهل من وجهة نظرى
مهـــــم جدااا بـــــس
هقعد معاهم هعرف وجهة نظرهم اية واية سبب الرفض لو مقنع وشايفة ان عندهم حق افكر الف مرة لان اكيد هما يفهموا اكتر منى
لو سبب انا شايفاة ميستهلش انى اسيبة هقنعهم كتير وهقرب وجهات النظر بينهم كويس خالص واحاول ااقربهم من بعض
لو مش نفع ارجع لاى اب كاهن يدخل فى الموضوع بشكل ودى خالص
لان رضى الاهل مهم مش موضوع انها تبطل الزواج بس موضوع ان مش نبنى سعادتنا على جرح غيرنا اول العكس نقضى على سعادتنا لاسباب مش مقنعة
تقبلى مرورى يا قمر

[hard_age]

المشاركة الأصلية كتبت بواسطة ميرنا انا واحده من ضمن الناس اللى يهمها جدا رائى بابا وماما لو حصلت بعدين مشكلة هروح لمين غيرهم طاب لو هما مش موافقين هروح فين وبعدين واثقة انى لو رفضو يبقى ربنا بيسبب الاسباب ممكن يكون دا رد ربنا من خلالهم اوعى تنسى تكرم بباك ومامتك مهما حصل وثق تماما لو اهلك او اهلها مش موافقين هتبقى فى مشاكل كتير وبداية مش موفقة رائى الكنيسة الصراحة معرفش بس سمعت شكوى كانت جاية للانبا بولا عن جوازه من الاول اهلها مكنوش موفقين وحصلت مشاكل جامده بينها وبين جوزها وبتشتكى للانبا بولا قالها لا تعليق اهلك من الاول قلولك لاا انا اعمل ايه

ردك اسعدنى كثيرا بس لى تعليق
لو كنت انت فى المشكلة ودا فرض ربنا ميسمحش وبتحبى الولد خالص ومتعلقة بية وهو كويس هل ردك كان هيبقى نفس الرد
اما عن رد الكنيسة فهنخليها بعدين
مستنى ردك
وميرسى لتعبك

[hard_age]

المشاركة الأصلية كتبت بواسطة elphilasouf مممممممم حلو رد ميرنا انا متفق معاها بصراحه لازم موافقه الاهل لاننا المفروض بنبنى بيت نبينه ع اساس صح مش غلط مش من اولها نعمل مشاكل كده ...

اة ياعم الفليسوف
هل ردك دا هيبقى هو هو لو كنت بتحب البنت قوى قوى
زى معلقت على الاخت ميرنا برد عليك
وميرسى لردك الجميل

[hard_age]

المشاركة الأصلية كتبت بواسطة nerooo ان مش نبنى سعادتنا على جرح غيرنا اول العكس نقضى على سعادتنا لاسباب مش مقنعة تقبلى مرورى يا قمر

احلى جملة قريتها فى ردك وعجبتنى قوى
وانت شخص محلل وردك مفيد
ربنا يباركك
بس لى اقتباس انا ولد وليس بنت