[الناى الحزين]

Please call me..

كلمنى شكرا (رساله الشعب المصرى)

كلمنى شكراً .........ايه تانى ؟ من الهجص ووجع الدماغ

طبعا الكل عارف الخدمة دى اللى تقدمها شركات شبكات المحمول فى مصر واللى بتدى
لكل مستخدم أنك ممكن
تبعت 3رسائل مجانية يوميا و دلوقتى بقوا 5
مضمونها
" كلمنى شكرا.. Please Call Me "

طبعاً نظراً لأن شعبنا هو الشعب الوحيد فى العالم الذى أخترع " الميسد كول " وتفنن فى أستخدماته
فمثلا عندما يتفارق حبيبان يقول الولد للبنت " لما توصلى البيت أبقى أدينى رنة "

أو عندما يتفق شخصان على مقابله بعضعهما فى مكان ما يقول الشخص للأخر " لما أوصل هناك هديك رنة تعرف انى وصلت ومستنيك " وغيرها من الأختراعات.

فى الاول اللى كانت بتجيله الرسائل دى... كان اللى بتوصله الرسالة يفتكر أنها فعلا مكتوبة من حد عايز يكلمه , ويتصلبيه فعلا وويتلاقاه صاحبه بيهزر معاه...

وطبعا مع أنتشار الخدمة بسرعة الصاروخ (كعادة الشعب المصرى) أصبحت لهذه الخدمة لغة أخرى يتحدث بها الشعب..
فبدل الرنات أصبحت رسالة "كلمنى شكرا." فعندما تسمع رنة رسالة فى أى موبايل . أعرف أنها رسالة كلمنى شكرا .

لدرجة أن الغتت اللى بيستعملها قبل ما تيجى12 باليل بيبعت ال3 رسائل لأى موبايل وهو مش عاوزهم أصلا.

ومثلا واحد عايز يطمن على حبيبته..فيبعتلها "كلمنى شكرا" يعنى ازيك
تقوم هى ترد عليه و تبعتله "كلمنى شكرا" برده يعنى انا كويسه

وغيروا وغيروا وغيروا
زى مايكون الشركه اخترعت الخدمه عشان يضحكوا علينا مع انها ببلاش مش زى

أتصل بزيرو تسعمية تكسب ميت ألف جنيه ويجبلك اعلان لواحده مايصه وماسكه تليفون

ومع ذلك المثقفون اختلفوا

فمثلا رجال الدين أعترضوا على رسالة " كلمنى شكرا " وقالوا ليه متكونش الرسالة تحتوى على مضمون دينى مثل
" كلمنى الرب يباركك" أو " كلمنى ربنا يعوضك "
والأشخاص ذو المشاعر والأحاسيس الرقيقة أعترضوا عليها وقالوا لماذا لا تكون الرسالة " كلمنى ميرسي "

ولا ننسا طبعا النساء والمرأة فقد طالبن بمقاطعة رسالة " كلمنى شكرا " فى كونها تخاطب المذكر
وطالبت جمعيات الدفاع عن المرأة بتغير كلمة " كلمنى " بكلمة " كلمينى شكرا " .

هيفضلوا يهزءوا فينا لامتى؟ ولما الشركه لاحظت الاقبال الشديد على الخدمه طرحت بالاسواق خدمه "اشحنلى شكرا"
نظرا لان الشعب المصرى كريم ومعطاء ومش ممكن يقول لا فى حاجه زى دى

وانتظروا قريبا خدمه "رد عليا شكرا" نظرا لموجه التنفيض اللى منتشره فى البلد

وخدمه "سلامتها ام حسن شكرا"


" اترك رد فى الموضوع شكراً "

المصدر: †† ارثوذكس †† - من قسم: صندوق مناقشات الاعضاء

[IO-Mena]

ردى اهو فى الموضوع شكراً

موضوع حلو وهدفه مناقشه ظاهره موجوده ومنتشرة

ياريت كده نتناقش فى الظواهر المنتشره سواء ايجابيه او سلبيه

[aymonded]

ههههههههههههههههههههههههه ههههههههه
مع أن اساسا الموضوع أن الرسالة المفروض تتبعت لما يكون الواحد مزنوق في مشكلة ما ومش قادر يكلم حد لأنه مش معاه رصيد ، ويحتاج حد ينقذه من موقف ما ، وده بيفكرني بقصة سمعتها وليها مغزى حلو

مرة شاب ، راعي فقير بيرعى خرافه خارج القرية ، وكان زهقان شوية وحب يعمل موقف ومقلب ،ففكر في حيلة يسلي بيها وقته ويضحك ، فجأة صرخ وقال الحقوني ذئب ذئب ، فركضوا أهل القرية بالعصيان لينقذوا خراف هذا الراعي البسيط في إمكانياته ، واكتشفوا انه مقلب ، فوبخوة بشدة على هذا المقلب ووعدهم انه لن يفكر في مقالب مرة أخرى ...
وفي اليوم التالي عمل نفس ذات المقلب وخرجت القرية بالعصى مرة أخرى ، وعنفوه بشدة لأن هذا لا يليق ...

وفي اليوم الثاث صرخ وقال ذئب ذئب صدقوني ذئب ، وكل من في القرية ضحك ولم يتحرك من مكانه ، واكتشفوا - بعد فوات الأوان - أنه كان فعلاً هذه المرة قطيع من الذئاب هجم على خراف الراعي وافترستها عن آخرها ولم يبقى له شيئاً ...

أعتقد أن مغزى القصة وصل .....
اشكرك على إثارة هذا الموضوع الهام جداً
النعمة معك يا أجمل أخ حلو مشتاقين إليه جداً

[اسامه سمسم]

هرد عليك شكرا
انا عارف يا ناى انت تقصد مين بكلامك
انت تقصد واحد هنا اقرع وطويل
ولابس نضارة
وبيشتغل فى موبنيل
هو صح
ماشى
على العموم تشكر يا زوق على موضوعك الجميل
اللى هيخلى شركة موبنيل تلغى ام الرسايل دى
هههههههههههههههه
وسلامتها ام حسن

[ميلاد صدقى]

بجد يا ناى موضوع جامد ومحتاجين نتكلم
فية كتير لانة بجد اصبحت جملة تثير
اعصابى ولان اللى بيبعتهالك هو اصلا
عندة رصيد بس بخيل حبتان وعاوزك
انت اللى تكلمة انا هاقولك موقف حصل
معايا من صديق وبعتلى هذه الرسالة
كلمنى شكرا واستفزنى بجد روحت
انا رادد علية برسالة من عندى وقلتلة
وصلت الرسالة شكرا ولحد الان هو اللى
بيكلمنى بس بجد حقيقى يا ناى لفتة
منك رائعة وربنا يفرحك ويكون معاك
ميلاد بيقولك عبرنى شكرا

[mmg]

OK
PLS Call Me Back
OR
Recharge Me

hahhahhhhhhhhhhhh

[جاسيكا]

؟؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!!!!!!!!!!!!!!!!

[مينا الحديدى]

انا مش هرد
يارب تفهم انا عايز اقول اية

[elphilasouf]

ياعم وانت مضايق ليه
هى اه سعات بتكون مستفذه لكن بتنفع فى حالات
افرض انت مسافر بنى سويف والبنزين خلس وعمال تشاور للشعب ولا فى حد معبرك وليك واحد فى بنى سويف وطبعا معكس رصيد
هتكلمه ازاي ؟؟

[ZEZOMERO]

كلمنى شكرا