[ديدى2010]

ياريت يا جماعه كل واحد يشارك برايه ولو تبقي باستشاره اب كاهن يبقي احسن بكتير
بصراحه الموضوع يخصصديقه ليا وبجد محتاجه رايكم
ببساطه البنت اتعرفت علي ولد عن طريق النت وارتاحوا لبعض بعد فتره طويله من معرفتهم عن طريق النت واتخلق بنهم شئ وحبوا بعض والمشكله ان البنت والولد مش من نفس البلد والبنت محترمه جدا والولد سالت عليه ولقيت انه كمان محترم جدا والاتنين لسه بيدرسوا والولد بيشتغل بجانب دراسته المشكله ان الولد قال لاب اعترافه وااب اعترفه رفض بشده الموضوع وعقابه بحرمان من التناول والاعتراف لغايه ما ينهي علاقته بالبنت دي وبرده اب اعتراف البنت مش متفهم الموضوع وحاليا البنت والولد مش عارفين ياخدوا قرار هل يستمروا ولاا يستسلموا للظروف الاقوي منهم مع العلم ان الاتنين فعلا بيحبوا بعض ومتمسكين ببعض وواخدين الموضوع بجديه واهل الولد متفهمين وموافقين باختصار يا جماعه المشكله في اب اعتراف الطرفين وبالاخص ان اب اعتراف الولد لان خلاه يقع بين اختيارين اصعب من بعض
بجد ياريت كل واحد يقول رايه ولو حد عنده حل بجد احنا محتاجين مساعدتكم

المصدر: †† ارثوذكس †† - من قسم: صندوق مناقشات الاعضاء

[ديدى2010]

يا جماعه انا مش شايفه اي رد بجد يا جماعه احنا محتاجين مساعدتكم ياريت بجد كل واحد يقول حل او رد للمشكله دي

[remon_fans]

حسب رأي المتواضع جداا
ان قصد اب الاعتراف تأجيل العلاقه لما يخلصوا
لما يخلص ويشوف الشغل والحاجات دي يبقي يقرروا لكن دلوقتي صعب
وكده هيعمل تشتيت ومحدش عارف هيحصل ايه بكره
خليها تمشي خطوه خطوه احسن

[ديدى2010]

ميرسي اوي علي ردك بس انا عايزه اوضح حاجه لحضرتك من كلام اب الاعتراف للولد انه مش رافض الحب لكن هو رافض البنت نفسها يعني علشان هي تعارف نت وياريت فعلا كلنا نشارك

[سيزر الروش]

شكرا لموضوعك بس انا شاف ان اب اعتراف الولد معملش حل كويس ممكن يساعدة ويرشدة لكن مش يعمل دى قصاد دى يعنى طب ممكن يسائل اب كاهن تانى

[مرمر ميلاد]

انا من راى ياخد بمشور انبا موسى يحاول الاتصال بى ربنا معاكم

[Hanyking]

انا حابب اشارك واقول رايى بصراحة انا شايف لو هما فعلا بيحبوا بعض والموضوع جد جدا والاهل عارفين وموافقين يبقا ميبعدوش عن بعض مهما حصل بس الولد يبتدى يعمل خطوة ايجايبية انه يتقدملها رسمى فى البيت امنا بخصوص اب اعتراف الطرافين انا مش موافقهم على رد فعلهم يعنى ايه يحرم الولد من التناول حتى لو شايف الموضوع غلط من وجهة نظره مفيش حاجة تتاخد قفش كدا وهو مش من حقه انه يحرمه من التناول وبصراحة مش عجبنى خالص تصرف الاب الكاهن دة لانه المفروض يوضح للولد رايه بهدوء وحب ويعرفه ايه هى الجوانب السيئة من الارتباط دة بس مش يحكم وياخد قرار وخلاص وعلى كلامك ان البنت محترمة والولد كمان محترم يعنى مفيش غلط فى الاختيار خليهم يصلوا وربنا يتدخل وهو ينجز بقا ويتقدم ليها ويبقا يتناول فى كنيسة تانى بقا وخلاص .... شكرا ويارب اكون قدرت افيد برايى

[armia1987]

يشوف الولد اب كاهن تانى يكون مستمع متفاهم ويخليه يكلم اب اعترافه وبكده يكون حل المشكلة

[jako-80]

انا رائى من راى اخواتى تصرف اب الاعتراف مش صح
بس مدام الاهل موافقين وهو على استعداد يتقدم ليها يبقى ايه المشكله وبدل ما تكون العلاقه علاقه نت وبس يبقى علاقه رسميه وفى النور وامام الكل
يتوكل على ربنا وبعدين ممكن اب الاعتراف يتفهم الموقف بعدين
ربنا معاكم بس ابقى تابعنا وقولنا وصلت لايه

[my_life]

بس انا عايزة اقول انهم يصلوا ويصوموا ويقدموا مشيئة ربنا
وفعلا فى اب اعتراف كتير بيرفض المبدء دة لانه اوقات بيشوف انها مش وقتها او انها مش مناسبه او انها مش هتكمل هما كبار وليهم خبره فى الحياه بس اوقات فعلا بيكسروا قلوب ويجزنوهم بس نشكر الله
بس ادام هو عايز البنت والبنت عايزاة يبقى ميبعدوش عن بعض
ويتقدم لها وربنا يقدم اللى فيه الخير