رد: انا مين
كُتب : [ 07-02-2009
- 12:37 AM
]
اقتباس
المشاركة الأصلية كتبت بواسطة miso
انا معادله الزمن بيعقدها مش بيحلها
رحله مجهوله لا عارف قربها ولا بعدها
انا النهايه لكل بدايه أتعبلها
والنهايه لكل بدايه احلملها
انا صدى صوت لا بيتسمع ولا بيتشاف
أحساس كلمات بتموت تتحس مش بتتعاش
انا الباكى فى سهر الليل الحزين
ولعبه لتضحيه كدبتها السنين
انا المجروح اللى ابداً مابيتعلم
والجرح الكبير المحفور اوى ومعلم
انا الرفض المحتم الرفض من غير مابتكلم
القلب اللى عايش .. بينبض علشان يتألم
انا عده تجارب نتايجها العذاب
نقطه ضعف فى قلب كان وداب
لو دى اجابة سؤال انا مين لاى حد مش ليك بس
طب سؤال بقى مين اللى خلى تبقى دى الاجابة
اكيد اى تصرف انا بتصرفه انا اللى بتحمل نتيجته
انا اللى بخلى نفسى كدة مش الناس
ولو انا اللى خليت نفسى كدة
يبقى اقدر اغير الاجابة دى
|
لو على كلامك اى تصرف انا بتصرفه بيخلى دى الاجابه .
طيب ما ترجعى قبل التصرف نفسه
لكل فعل له رد فعل
يعنى لو انا اللى بتصرف اكيد تصرفى ده رد برده على تصرف قبلى تصرف ضدى
وعلى فكره محدش بيخلى نفسه كده !!
بس كل واحد بيشوف الموضوع من بره وبيحكم على الحاجه ..
وفى مثل بيقول اللى ايديه فى الميه
طبعا انا بتكلم على حاجه واحده بس وهى كلمتك ان الانسان اللى بيخلى نفسه كده
لأه طبعا مش الانسان اللى بيخلى نفسه كده
اسالى اى حرامى بقيت حرامى ليه واعملى مقارنه بينه وبين دكتور بس من اول ما اتولدوا
هتلاقى ان الاتنين عند ربنا والناس زى بعض نفس القيمه والمقدار
لكن اللى طلع دكتور له ظروفه واللى طلع حرامى له ظروفه
مفيش انسان عايز يبقى كده
طبعا انا خرجت عن الموضوع بس ردودك لازم ارد عليها
شكرا جدا جدا يا ميسو لحضورك ورأيك طبعا
لانك ايجابيه فى كل ردودك حتى لو اختلفنا
ربنا معاكى ويفرح قلبك
|